Zdareńni

Siamiejnaja drama ŭ Rečycy: piensijanier pasvaryŭsia z žonkaj i spaliŭ ahulnaje aŭto

66-hadovy piensijanier pakryŭdziŭsia na žonku za toje, što jana zabaraniła jamu sadzicca za rul.

Haryć mašyna pakryŭdžanaha na žonku piensijaniera. Skryn videa pablika «ČP Homiel | Novosti Homielskoj obłasti» va «Ukantakcie»

Zdareńnie adbyłosia ŭ Rečycy 17 vieraśnia poźnim viečaram na vulicy Maładziožnaj la doma №10.

Piensijanier adkaciŭ mašynu padalej ad stajanki i padpaliŭ. Kali pryjechali pažarnyja, to nie padpuskaŭ ich da achoplenaha połymiem aŭtamabila, pahražajučy pradmietam, padobnym da naža.

Uzbudžanaha mužčynu supakoili, abliŭšy vadoju z pažarnaha šłanha. Ź miesca zdareńnia jaho zabrała milicyja ŭ kajdankach. Ciapier jon u balnicy.

«Z apiokami roznaj stupieni ciažkaści byŭ špitalizavany va ŭstanovu achovy zdaroŭja piensijanier 1957 hoda naradžeńnia», — paviedamiła abłasnoje ŭpraŭleńnie Ministerstva pa nadzvyčajnych situacyjach.

Žychary šmatpaviarchovika, u dvary jakoha stajanka, havorać, što ŭ aŭtamabila całkam zhareŭ sałon i zadniaja častka z bahažnikam. Kali mašyna hareła, to ŭnutry niešta vybuchnuła.

Pa słovach vidavočcaŭ, u joj była kanistra z haručaj vadkaściu i cudam nie ŭzarvaŭsia bienzabak. Uładalnik mašyny padnosiŭ da jaho zapalničku.

Tak vyhladaje mašyna piensijaniera, paśla taho, jak jon jaje padpaliŭ. Fota: primenews.by

Pra piensijaniera žychary doma kažuć, što pieryjadyčna jon stanaviŭsia niervovym. Z žonkaj, jakaja zabaraniała jamu sadzicca za rul, usčynalisia tady kanflikty. 

U dzień zdareńnia miž sužencami adbyłasia čarhovaja svarka. Mužčyna vyhuknuŭ, što bolš žonka mašyny nie ŭbačyć.

Susiedzi miarkujuć, što žančynu advadzić muža ad mašyny padbivali rodzičy, kab samim karystacca joju.

«Ja byŭ na bałkonie, kali jon padpalvaŭ mašynu. Jana zaharełasia z sałona. A potym stali źbiracca ludzi, jakija nazyvali susieda durniem. Jon ahryzaŭsia. Mnie padałosia, što navat chacieŭ kinucca ŭ połymia, kali pryjechali pažarnyja i milicyja», — zhadvaje načnoje zdareńnie vidavočca.

Rečyckija pabliki pišuć, što žonka navažyłasia zabrać u muža klučy ad aŭto, bo jon niervova kiravaŭ joju. Siamiejnaj mašynaju karystalisia rodzičy. Haspadar pratestavaŭ, a potym navažyŭsia spalić aŭtamabil.

Padpalvać jaho mužčyna pajšoŭ napadpitku. Kali milicyja pryviezła jaho ŭ balnicu, skandaliŭ. Ciapier miascovy RAUS pravodzić pravierku i vyrašaje, ci raspačynać kryminalnuju spravu suprać piensijaniera-padpalščyka.

«Naša Niva» — bastyjon biełaruščyny

PADTRYMAĆ

Hladzicie taksama:

U Rečycy pjany pasažyr zabiŭ taksista

U Viciebsku 91-hadovaja žančyna atrymała apioki, padahravajučy čajnik na plicie

80-hadovaha dziadulu, jaki pajšoŭ u les u paradnaj formie, znajšli

U Słaŭharadskim rajonie ad ukusu hadziuki pamior 66-hadovy mužčyna

Kamientary

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?7

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Usie naviny →
Usie naviny

Załužny: Adzinym vychadam u vajnie moža stać pavieličeńnie kolkaści čałaviečych resursaŭ2

Dva hady ŭ łahiery ŭciekačoŭ. Volha Nikałajčyk narešcie atrymała prytułak u Bielhii15

«Lusterka» prakamientavała situacyju ź videa rodnych kaleh partała2

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET24

Zabaronu ruchavikoŭ unutranaha zharańnia ŭ ES nazvali niezakonnaj2

Z čaćviarha na stadyjonie «Dynama» znoŭ pačnuć pakazvać kino pad adkrytym niebam

Siłaviki cisnuć na baćkoŭ viadoŭcaŭ tyktok-kanała «Lusterka»21

U Biełarusi pradajuć Mercedes-Benz W124 za 12 000 dalaraŭ. Čamu 32-hadovaje aŭto takoje darahoje?3

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

bolš čytanych navin
bolš łajkanych navin

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?7

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Hałoŭnaje
Usie naviny →