Hramadstva22

«U mianie chata zdymnaja horšaja». Studenty pakazvajuć u tyktoku svaje internaty ŭ Minsku VIDEA

Biełaruskija studenty pacichu asvojvajuć internaty, dzie im daviadziecca žyć u hetym navučalnym hodzie, i publikujuć rum-tury ŭ tyktoku. Na toje, kab pakazać svoj pakoj, vyrašajucca daloka nie ŭsie — zbolšaha roliki publikujuć ščaślivyja žychary sučasnych minskich internataŭ.

Krynicy: videa studentaŭ u tyktoku

Internat BDEU №9 (Minsk, vuł. Čurlonisa, 1)

Heta najmaładziejšy ź internataŭ narhasa, budynak, jaki mieścicca ŭ studenckaj vioscy la stancyi mietro «Piatroŭščyna». Jak tam žyvuć studenty?

Adna z karystalnic demanstruje ŭ tyktoku kvateru błočnaha typu — dźvie spalni, kožnaja ź jakich raźličanaja na dva čałavieki, u pakojach jość šafa, piśmovy stoł i tumbački. Dziaŭčyna adznačaje, što heta nievialikija pakoi, ale ŭ kožnym ź ich jość novaja mebla.

@nitttkaaa #9obŝiežitijebheu #obŝaha ♬ All Eyes On Me - Instrumental - Dj Belite

Na dva pakoi praduhledžanyja prybiralnia i vannaja, santechnika vyhladaje čystaj i spraŭnaj. Taksama ŭ błoku jość svaja kuchnia ź plitoj, duchoŭkaj i vialikim chaładzilnikam, jość i bałkon, dzie ŭžo staić sušyłka dla bializny.

Kamientataram taki internat padabajecca. Praŭda, jany nahadvajuć, što bolšaść studenckich internataŭ usio-taki dalokija ad hetych standartaŭ:

«heta adzinkavyja internaty, u astatnich pa-staromu»

«a ciapier zajdzicie ŭ našu «abščahu»

«kapiec u vas usio novaje, u nas u «abščazie» tut prusaki i ŭčora razietka zaharełasia z-za staroj pravodki»

Internat MDŁU №1 (Minsk, vuł. Čurlonisa, 5)

Jašče adzin rum-tur ad studentki, jakoj dastaŭsia sučasny internat. Havorka pra adzin z žyłych budynkaŭ dla navučencaŭ minskaha Linhvistyčnaha ŭniviersiteta, jaki znachodzicca ŭ adnym kvartale z papiarednim internatam. Darečy, hety rolik nabraŭ u tyktoku 1,3 miljona prahladaŭ!

@slivochhka Otviet polzovatielu @Alina rumtur po obŝahie, novyj dom #mhłuminsk #univier #obŝaha ♬ orihinalnyj zvuk - Liza Ślivočkina

U videa bačym duš ź jarkaj plitkaj i sušyłkaj dla bializny, nievialičkuju kuchniu ź plitoj, piśmovy stoł i šafu dla adzieńnia. Tumbačak nie bačna, zatoje jość nievialičkija šafy z adkrytymi palicami, dzie aŭtarka rum-turu raźmiaściła kaśmietyku i asabistyja rečy.

U kamientarach pad rolikam aktyŭna zachaplajucca internatam — maŭlaŭ, «u mianie chata zdymnaja horšaja».

Internat №8 BDPU (Minsk, vuł. Čurlonisa, 3)

Studentki piedahahičnaha ŭniviersiteta, jakija vyciahnuli ščaślivy bilet ź miescam u internacie ŭ studenckaj vioscy, atrymlivajuć vialikuju spalniu na dva čałavieki. Mebla vyhladaje novaj, a łožki zaŭvažna doŭhija: vysokamu čałavieku na ich musić być kamfortna spać.

@saproneckaaa naši choromy #obŝaha #žizń #studienčieskajadierievnia #studienčieskajažizń #pietrovŝina #bhmu #bhpu #bhu #bhufk #mhłu ♬ orihinalnyj zvuk - Anastasija Sierhiejevna

U pakoi jość šafy dla adzieńnia i palicy (zakrytyja i adkrytyja), a taksama piśmovyja stały. Vid z akna šykoŭny — piatnadcaty pavierch!

U podpisy da roliku, jaki nabraŭ 610 tysiač prahladaŭ, biełaruska nazvała internat «charomami». Kamientatary zhodnyja: 

«ce šo, tajmskver?»

«šo za luks?»

«dzie ludzi takija vnu znachodziać»

Adzin z kamientataraŭ udakładniaje, što ŭ błoku na dva takija pakoi prychodzicca prybiralnia, dušavaja i kuchnia.

Internat №7 BDU (Minsk, vuł. Kastryčnickaja, 10a)

Adnoj sa studentak fiłfaka BDU dastałasia miesca ŭ internacie ŭ centry Minska. Niedaloka bary i kaviarni Kastryčnickaj, da VNU taksama blizka, ale jakija tut žyłyja ŭmovy?

Studentka pakazvaje ŭ roliku nievialičkuju spalniu na troch čałaviek, dzie ŭsia volnaja prastora zastaŭlenaja šafami i tumbačkami — zastajecca tolki prachod da akna.

@wworsee V instie pro studienčieskuju žizń #riekomiendacii #chočuvriekomiendacii #minsk #obŝaha #univier #bhu #škoła #novajažizń #novyjhorod ♬ orihinalnyj zvuk - Boroda

Što da vidu z akna, dziaŭčyna demanstruje stadyjon, dzie hulajuć chłopcy-futbalisty. Hledziačy pa roliku, takaja panarama joj całkam padabajecca.

@wworsee V instie pro studienčieskuju žizń #riekomiendacii #chočuvriekomiendacii #minsk #obŝaha #obŝiežitije #univier #univiersisiet #homiel #novajažizń #novyjhorod #futbolisty #studienty #studientka #bhu ♬ orihinalnyj zvuk - Boroda

Ale isnuje ŭ hetaha internata i značny minus. U asobnym roliku dziaŭčyna raspaviadaje, što tam jość prusaki.

Internat Minskaha radyjotechničnaha kaledža (Minsk, vuł. Łamanosava, 7)

Navučency adnaho z najlepšych kaledžaŭ krainy, minskaha radyjotechničnaha, taksama majuć prava na internat, ale ž vyhladaje jon davoli ścipła.

@elena_baturo1 Obzor komnaty v obŝiežitii #učieba #radiotiechničieskijkolledž #minsk #obŝiežitije ♬ Dusk Till Dawn - 颜妹

U pakoi na čatyry čałavieki jość vialiki chaładzilnik, šafa, niekalki palicaŭ i piśmovych stałoŭ. Mebla nie novaja, a adna z palic navat trymajecca pry dapamozie čahości padobnaha da izastužki.

Videa pra internat, jakoje my znajšli, zdymała, padobna, maci adnaho z navučencaŭ. U roliku jana kaža, što možna było b pakleić u pamiaškańni špalery — i sapraŭdy, staryja biełyja špalery, što tam jość ciapier, było b dobra abnavić. Na padłozie ŭ pamiaškańni linoleum, na aknie — byvałyja karunkavyja firanki.

«Naša Niva» — bastyjon biełaruščyny

PADTRYMAĆ

Kamientary2

  • Wolf
    18.09.2023
    Budučym falsifikataram ź pieda, samy lepšy internat...
    A voś ŭ internata MRK, dva tualety na ŭvieś internat i prusakoŭ cełaja chieŭra..
  • cinik
    18.09.2023
    Klijentov nie povodiš koniečno, no v ciełom niepłocho.
    Zasrut kstati bystro, śvinki:)

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?7

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Usie naviny →
Usie naviny

Załužny: Adzinym vychadam u vajnie moža stać pavieličeńnie kolkaści čałaviečych resursaŭ2

Dva hady ŭ łahiery ŭciekačoŭ. Volha Nikałajčyk narešcie atrymała prytułak u Bielhii15

«Lusterka» prakamientavała situacyju ź videa rodnych kaleh partała2

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET24

Zabaronu ruchavikoŭ unutranaha zharańnia ŭ ES nazvali niezakonnaj2

Z čaćviarha na stadyjonie «Dynama» znoŭ pačnuć pakazvać kino pad adkrytym niebam

Siłaviki cisnuć na baćkoŭ viadoŭcaŭ tyktok-kanała «Lusterka»21

U Biełarusi pradajuć Mercedes-Benz W124 za 12 000 dalaraŭ. Čamu 32-hadovaje aŭto takoje darahoje?3

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

bolš čytanych navin
bolš łajkanych navin

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?7

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Hałoŭnaje
Usie naviny →