Śviata-Jelizaviecinski manastyr pravodzić fiestyval u Baranavičach — źbirajuć dapamohu Danbasu i ahitujuć pisać listy akupantam
17 vieraśnia ŭ Baranavičach raspačaŭ pracu pravasłaŭny fiestyval «Radaść». Arhanizatar — minski Śviata-Jelizaviecinski manastyr. U im biaruć udzieł bolš za 30 chramaŭ i manastyroŭ ź Biełarusi, Rasii, Sierbii, Małdovy, Čarnahoryi, Hrecyi i Palestyny, piša «Naš kraj».
Fiestyval prachodzić u samym centry horada — kala HDK. Na adkryćci fiestyvalu vystupiła adna z arhanizataraŭ fiestyvalu — siastra Anastasija, na jakoj zaŭvažnaja hieorhijeŭskaja stužka. Jana raskazała pra mierapryjemstvy, jakija ŭvajšli ŭ jaho prahramu. Ale «asablivuju cikavaść vyklikała infarmacyja ab arhanizacyi dapamohi Danbasu. Anastasiju jašče doŭha nie adpuskali: ludziam chaciełasia niešta ŭdakładnić, zadać niejkija asabistyja pytańni», — piša rajonka.
I dadaje, što «tema dabračynnaści» (čytaj, dapamohi rasijskamu vojsku) «prachodzić čyrvonaj nitkaj praź fiestyvalnyja mierapryjemstvy».
«Tak, 27 vieraśnia ŭ Domie kultury adbudziecca dabračynny kancert, srodki ad jakoha buduć nakiravany na dapamohu Danbasu. A ŭ luby inšy čas pracy fiestyvalu možna padtrymać bratoŭ-słavian, jakim ciapier ciažka, zrabiŭšy hrašovy ŭznos, pryniosšy prostyja, ale vielmi patrebnyja rečy (dla ich tut pastavili košyk i vyviesili śpis nieabchodnaha) ci prosta napisaŭšy list sałdatam», — raspaviadaje rajonka.
Što viadoma pra biełarusa Viktara Paviełku, jakoha ŭ Polščy padazrajuć u arhanizacyi napadaŭ na rasijskich apazicyjanieraŭ2
Kamientary
Moskovskoje "pravosłavije" davno nado priznať jerietičieskoj siektoj i otłučiť ot Christianstva Konstantinopola.