«Kolki mužčyny dumajuć pra Rymskuju impieryju?» Hetaje pytańnie, a dakładniej kažučy, adkazy na jaho, razvarušyli sacyjalnyja sietki. U TikTok źjaviłasia vialikaja kolkaść videa, na jakich žančyny pytajuć pra heta ŭ svaich mužčyn, i adkazy ich trochi šakujuć.
Usio pačałasia z taho, što adna karystalnica napisała ŭ tvitary, što jana natknułasia na infarmacyju pra toje, što šmat chto z žančyn navat nie viedaje, jak časta mužčyny dumajuć pra Rymskuju impieryju.
Jana vyrašyła adrazu ž spytać pra heta ŭ svajho muža. Toj adkazaŭ, što dumaje pra jaje kožny dzień.
I saw an IG Reel that said something along the lines of “women have no idea how often the men in their lives think about the Roman Empire.”
So I asked my husband: “How often do you think about the Roman Empire?”
And without missing a beat he said “Every day.”
YALL! Why!?
Taki adkaz mocna ździviŭ nie tolki žonku, ale i karystalnikaŭ sacsietki. Tvit sabraŭ bolš za 8 miljonaŭ prahladaŭ. Inšyja žančyny vyrašyli spytać toje samaje i ŭ svaich mužčyn, zdymajučy adkazy na videa.
Vyjaviłasia, što pieravažnaja bolšaść mužčyn pastajanna dumaje pra Rymskuju impieryju: chto štodzień, chto raz na tydzień. Tych, chto zusim nie dumaje pra Rym, zusim niašmat. «Navošta?» — nie razumiejuć žančyny. «Jak možna pra Rymskuju impieryju nie dumać?» — dziviacca ichniamu pytańniu mužčyny.
Pavodle mierkavańnia niekatorych historykaŭ, adnym z tłumačeńniaŭ moža być toje, što zachodni śviet histaryčna pieraaceńvaje tyja aśpiekty rymskaj historyi, jakija ŭ narodnym ujaŭleńni asacyjavalisia z mužnaściu. Ale nasamreč mužčyn, jakija tłumačać svaje dumki pra impieryju vajskovaj moccu i ramantyčnymi ŭjaŭleńniami pra lehijanieraŭ (jak toje časta byvaje ź vikinhami dy rycarami), vielmi mała.
U bolšaści vypadkaŭ svaju zacikaŭlenaść Rymam mužčyny tłumačać efiektyŭnym dziaržaŭnym kiravańniem, raźvitym pravam, kulturaj, technałohijami — usimi tymi zdabytkami, jakimi dahetul karystajecca zachodniaja cyvilizacyja.
This trend is incredible. Some of the best ones #romanempire #romanempirecompilation
A jak časta pra Rymskuju impieryju dumajuć biełaruskija mužčyny? Hetym pytańniem zadalisia žančyny ŭ tvitary. Jak vyjaviłasia — hetak ža šmat.
Terytoryja siońniašniaj Biełarusi nikoli nie ŭvachodziła ŭ skład impieryi i navat nie miežavała ź joju, choć handlovyja suviazi, miarkujučy sa skarbaŭ rymskich maniet, usio ž daciahvalisia i dasiul. Ale ŭpłyŭ, pieradadzieny praz kulturu Vizantyi (hety termin byŭ vydumany ź ideałahičnych pryčyn niamieckimi historykami, u jakich była svaja Śviaščennaja Rymskaja impieryja, ale sama Vizantyja jašče 1000 hadoŭ paśla padzieńnia Viečnaha horada nazyvała siabie mienavita Rymskaj impieryjaj) dy chryścijanstva, na biełaruskija ziemli byŭ kałasalny.
Biełaruskija tvitarčuki tłumačać svaju zacikaŭlenaść tym, što Rymskaja impieryja była pačatkam zachodniaj cyvilizacyi, u jakoj žyviom i my, jaje prava było pakładziena ŭ asnovu sučasnaha prava, a łacinskaja mova akazała značny ŭpłyŭ na ŭsie jeŭrapiejskija movy (niekatoryja naŭprost pajšli ad jaje), u tym liku biełaruskuju.
Siarod inšych tem, pra jakija dumajuć biełaruskija mužčyny ŭvieś čas, nazyvajecca Vialikaje Kniastva Litoŭskaje. Kali Rymskaja impieryja asnova našaj cyvilizacyi, to VKŁ — asnova biełaruskaj kultury.
«Naša Niva» — bastyjon biełaruščyny
PADTRYMAĆRaptoŭna pamior 34-hadovy biełaruski repier Emia Afišł1
Raptoŭna pamior 34-hadovy biełaruski repier Emia Afišł
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2525
Kamientary