Śviet88

Dla Pientahona stvaryli novy psichałahičny partret Pucina. Raskazvajem, što ŭ im

Stratehičnaje kamandavańnie Uzbrojenych sił ZŠA praviało bujnuju kanfierencyju, dzie abmiarkoŭvalisia mietodyki i apieracyi strymlivańnia ludziej, jakija pahražajuć amierykanskim intaresam i biaśpiecy. U mierapryjemstvie ŭziali ŭdzieł 700 udzielnikaŭ, źviazanych ź Pientahonam, jakim pakazali śviežuju psichałahičnuju ekśpiertyzu Uładzimira Pucina. Pra heta 11 vieraśnia napisała vydańnie Nikkei Asia.

Fota: Getty Images

Apisańniem novaha psichałahičnaha partreta rasijskaha prezidenta padčas kanfierencyi zajmałasia viadučy kliničny psichołah Niryt Pizana, kiraŭnica łabaratoryi Cogvoni Labs, dzie dla analizu emocyj ludziej vykarystoŭvajuć pavodzinnuju psichałohiju i štučny intelekt.

«Metaj daśledavańnia byŭ analiz pavodzin i stupieni namieraŭ (uzroŭniu hatoŭnaści da peŭnych dziejańniaŭ) Uładzimira Pucina, bieručy za asnovu jaho publičnyja vystupy ŭ pieryjad ź lutaha 2022 hoda da siońnia. U raźlik bralisia 10 vidaŭ emocyj: radaść, złość, ahida, strach, smutak, ździŭleńnie, viesiałość, paharda, nadzieja i viera», — raspaviała psichołah Niryt Pizana.

Vyniki analizu byli takija. 

  • U dvuch zvarotach da rasijan napiaredadni i ŭ pačatku vajny ŭ Pucina daminavali złość, ahida i paharda. U dadatak da hetaha padčas svajoj pramovy ranicaj 24 lutaha Pucin vypramieńvaŭ nadzieju i vieru ŭ paśpiachovy dla Rasii vynik vajny. Stupień namieraŭ vyličałasia 50 punktami.

  • Praz hod paśla pačatku vajny, niahledziačy na adčuvalnyja parazy na froncie, emocyi rasijskaha prezidenta zastalisia raniejšymi. Zvarot Pucina da Fiederalnaha schodu 21 lutaha 2023 hoda navat prademanstravaŭ pavieličeńnie stupieni namieraŭ da 61 punkta.

  • Padčas sustrečy z prezidentam Turcyi ŭ vieraśni, kali Pucin paćvierdziŭ admovu Rasii ad «zbožžavaj ŭhody», jaho emocyi ŭsio adno nie źmianilisia, dadałosia tolki ździŭleńnie. A tak, jak i raniej, byŭ vysoki ŭzrovień złości, ahidy, pahardy, a taksama viery i nadziei.

«Pry hetym va ŭsich vypadkach u Pucina praktyčna nie naziraŭsia strach. Heta aznačaje, što pryncypy strymlivańnia nie pracujuć ź im. Patrebnyja novyja padychody», — padkreśliła Niryt Pizana.

Psichołah patłumačyła, što pad novymi padychodami majecca na ŭvazie «adychod ad nieefiektyŭnych reakcyj na ahresiŭnyja pavodziny na karyść previentyŭnych dziejańniaŭ i prafiłaktyki».

«Na praktycy heta aznačaje, što, bajučysia razzłavać voraha i žadajučy zachavać mir, palityka strymlivańnia zachodnich krain pryvodzić da zvarotnaha vyniku — samastrymlivańnia i jašče bolšaha zaachvočvańnia voraha na praciah ahresiŭnych pavodzin», — padahulniła psichołah dla pradstaŭnikoŭ Pientahona.

Tamu, na dumku Pizany, kab prymusić Pucina bajacca, adkaz na jaho pavodziny pavinien adbyvacca da, a nie paśla jaho dziejańniaŭ.

Kamientary8

  • -)
    18.09.2023
    Dla Pientahona stvaryli novy psichałahičny partret Pucina. Raskazvajem, što ŭ im

    Dva słova, piervoje "skazočnyj"?
  • Will
    18.09.2023
    Kab dać psichałahičny partret Łukašenku naležyć na anhielskaj movie pačytać u Vikipiedyi "Psychopathy". Tam poŭnaściu ŭsio skazana pra Łukašesku. Darečy viciabski mańjak, zabojca, hvałtavańnik i dušahub, kamunist i narodny družyńnik, pazaštatny supracoŭnik milicyi Michasievič, mieŭ tyja ž psichičnyja adkłanieńni jak i šmat sieryjnych zabojcaŭ zhodna z toj ža Vikipiedyjaj (anh. Gennady Mikhasevich).
  • Mafkees
    18.09.2023
    Łošje kakoje-to po-mojemu. Vidiat to,čto im pokazyvajut. Pravilno Ariestovič hovorit,čto u nich tam bolšije problemy s analizom ruśni v ciełom.Na moj vzhlad etot bunkiernyj dristun boitsia vsieho na śvietie vot i sidit v svojem bunkierie i chodit v čiemodany.

Zaleva ŭ Minsku, vierahodna, była najmacniejšaj za ŭsiu historyju nazirańniaŭ3

Zaleva ŭ Minsku, vierahodna, była najmacniejšaj za ŭsiu historyju nazirańniaŭ

Usie naviny →
Usie naviny

U minskim parku Čaluskincaŭ zabaranili jeździć na šerynhavych elektrasamakatach

Čarha z aŭtobusaŭ pierad pierachodam «Kamienny Łoh» rassmaktałasia2

Stała viadoma, kudy ŭładkavaŭsia były hiendyrektar MTS Uładzisłaŭ Andrejčanka6

Straty rasijskaj armii ŭ 2024-m značna vyraśli. Pamiraje 200-250 bajcoŭ za dzień15

U Bajdena dyjahnastavali karanavirus1

788 ukrainskich vajskoŭcaŭ źnikli bieź viestak u bajach za siało Krynki Chiersonskaj vobłaści5

Ułady ZŠA abvinavacili nieanacysta z Hruzii ŭ padrychtoŭcy masavaha atručvańnia dziaciej u Ńju-Jorku5

Kruty vykazaŭ spačuvańni rodnym zahinułych padčas urahanu. Ale nie Łukašenka5

Vysokaintensiŭnyja fizičnyja nahruzki ŭ staraści palapšajuć pamiać

bolš čytanych navin
bolš łajkanych navin

Zaleva ŭ Minsku, vierahodna, była najmacniejšaj za ŭsiu historyju nazirańniaŭ3

Zaleva ŭ Minsku, vierahodna, była najmacniejšaj za ŭsiu historyju nazirańniaŭ

Hałoŭnaje
Usie naviny →