Siońnia pačynajecca sud na muzykami Tor Band. Im pahražaje da 12 hadoŭ kałonii
Homielski abłasny sud pačnie razhladać spravu palitviaźniaŭ u zakrytym režymie. Praces budzie vieści sudździa Siarhiej Sałoŭski.
Jaŭhiena Burło, Dźmitryja Hałavača i Andreja Jaremčyka zatrymali 28 kastryčnika 2022 hoda. Spačatku im niekalki razoŭ zapar pryznačali 15 sutak aryštu za ŭdzieł u zdymkach klipaŭ, a zatym pieraviali ŭ SIZA. Padčas znachodžańnia muzykaŭ u źniavoleńni hurt byŭ pryznany «ekstremisckim farmavańniem» — ciapier ich za heta buduć sudzić, a taksama pavodle šerahu inšych artykułaŭ Kryminalnaha kodeksa, piša «Viasna».
U zaležnaści ad roli kožnaha ich abvinavačvajuć pavodle čatyroch kryminalnych artykułaŭ:
- č. 3 art. 130 KK (raspalvańnie inšaj sacyjalnaj varožaści);
- č. 1 i č. 3 art. 361-1 KK (stvareńnie ekstremisckaha farmavańnia abo ŭdzieł u im);
- art. 369-1 KK (dyskredytacyja Respubliki Biełaruś);
- art. 368 KK (abraza Łukašenki).
Nahadajem, muzykaŭ razam z žonkami zatrymali ŭ Rahačovie 28 kastryčnika. Paźniej muzykaŭ Jaŭhiena, Dźmitryja i Andreja niekalki razoŭ zapar sudzili pavodle administracyjnych pratakołaŭ, a paźniej pieraviali ŭ homielskaje SIZA ŭ miežach kryminalnaj spravy.
Pravaabaroncam stała viadoma, što adzin z pratakołaŭ pavodle art. 19.11 KaAP na Hałavača byŭ składzieny za toje, što jon napisaŭ «ekstremisckuju» pieśniu «Rodnaja Ziamla» i vykłaŭ jaje ŭ internet.
Na sudzie Dźmitryj viny nie pryznaŭ, ad dačy tłumačeńniaŭ admoviŭsia.
Sudździa adznačyła, što praz toje, što «Hałavač źjaŭlaŭsia aktyŭnym udzielnikam hurta, jamu było dakładna viadoma pra ŭklučeńnie pieśni ŭ «śpis ekstremisckich materyjałaŭ».
16 studzienia hurt Tor Band byŭ pryznany «ekstremisckim farmavańniem».
Padtrymajcie muzykaŭ hrašovymi pieravodami, pasyłkami, telehramami, listami i paštoŭkami:
SIZA-3. 246003, Homiel, Knižnaja, 1A
Jaŭhien Valerjevič Burło
Dźmitryj Valerjevič Hałavač
Andrej Kanstancinavič Jaremčyk
-
Valfovič pra «vajenna-palityčnaje stanovišča vakoł Biełarusi»: Situacyja nahniatajecca, tendencyi niesuciašalnyja
-
Łosik schudnieŭ, Pačobut «trymaje marku», Alaksandraŭ «vyjazdžaje» na pazityvie. Što z palitźniavolenymi žurnalistami z PK-1
-
Łukašenka: Biełarusy ničym nie adroźnivajucca ad ludziej, jakija naradzilisia ŭ Pskovie ci Leninhradzie
«Joj było vielmi drenna apošnim časam». Znajomyja pra Śviatłanu Krucikavu, jakaja skončyła žyćcio samahubstvam paśla cisku milicyi3
Kamientary