Usiaho patrochu

«Prosta pabić hetych vos muchabojkaj». Entamołah raskazaŭ, jak možna paźbiehnuć našeścia vosaŭ i šeršniaŭ

Anamalnuju aktyŭnaść i šmatlikaść džalačych nasiakomych sioleta adznačajuć i haradžanie, i žychary viosak. U horadzie ludziej čaściej pałochajuć vosy, a voś u sielskaj miascovaści, na dačach — šeršni. Tolki z pačatku ciopłaha siezona biełaruskija ratavalniki vyjazdžali na dapamohu ŭ baraćbie ź imi bolš za dziesiać tysiač (!) razoŭ. Zafiksavanyja vypadki, kali nasiakomyja atakavali ludziej na pryrodzie, jak heta było na turbazie ŭ Viciebskim rajonie, a ŭ Tałačynie situacyja ŭvohule skončyłasia trahična. «Zialony partał» pahavaryŭ pra sioletniaje našeście vos i šeršniaŭ z Anatolem Kułakom, entamołaham, viadučym navukovym supracoŭnikam Navukova-praktyčnaha centra NAN Biełarusi pa bijaresursach

Fota: Soey Studio / vecteezy.com

— Heta anamalija ci nie?

— Sioleta, z majho punktu hledžańnia, tak skłalisia ŭmovy nadvorja, što kolkaść vos i šeršniaŭ bolšaja, čym u minułyja hady. Paśla zimy ŭ hlebie było šmat vilhaci, viasna prajšła biez zamarazkaŭ, leta było spryjalnym.

Usio heta spryjała tamu, što bahata kvitnieli sady i miedanosy, potym dobra zaviazalisia płady i jahady, — to-bok karmavoj bazy dla nasiakomych chapała. Tamu jany aptymalna raźvivalisia.

I nie tolki vosy. U hetym hodzie ŭspyška kolkaści i inšych nasiakomych — puchnataha šaŭkaprada, vaŭnianki, harnastajevaj moli i inšych. A heta karmavaja baza dla tych ža šeršniaŭ i ličynak vos.

Bahaćcie kormu pryviało da taho, što ich kolkaść vyšejšaja, čym u minułym hodzie. U pryrodzie tak uładkavana: chto šmat jeść, toj paśpiachova razmnažajecca.

— Ci praŭda, što vosy i šeršni mohuć prajaŭlać ahresiju i navat pomścić ludziam?

— Dakładna mahu skazać — nie! My im niecikavyja! Heta ž nie kamary, nie ślapni, jakich pryciahvaje kroŭ čałavieka. U napadzie čaściej za ŭsio vinavaty čałaviek, jaki, sam taho nie viedajučy, pierajšoŭ «čyrvonuju rysu».

Hetyja nasiakomyja sacyjalnyja i kamunikabielnyja. Navukova ŭstanoŭlena, što ŭ ich jość «mova znosin», jany sihnalizujuć adno adnamu ab niebiaśpiecy pry dapamozie ruchaŭ cieła i vydzialeńnia chimičnych rečyvaŭ.

Naprykład, ź niaŭvažlivaści chtości prycisnuŭ šeršnia pablizu hniazda, toj paśpieŭ vydzielić «rečyva tryvohi». I ŭvieś roj tut ža vylataje na abaronu. Nie daj boh čałavieku ŭ taki momant znachodzicca niedaloka ad hniazda. Šeršni buduć jaho luta abaraniać adzinym dastupnym im sposabam — džalić.

— Što rabić ludziam?

— Prajaŭlać aściarožnaść i pilnaść, nie naryvacca na prablemy. U sadach treba svoječasova prybirać apad, a lepš zakopvać jaho, kab pach pładoŭ nie pryciahvaŭ vos.

Navat pakiet sa śmiećciem vykidać u kantejnier z maksimalnaj aściarožnaściu. Lepš razmachnucca i kinuć zdalok. Tamu što pach charčovych adkidaŭ taksama pryciahvaje vos i šeršniaŭ.

Admovicca ad piknikoŭ na pryrodzie — na ježu (miasa, harodninu, sadavinu) abaviazkova prylaciać pałasatyja hości. Navat maroziva lepš nie jeści na vulicy. Źježcie jaho doma!

Treba razumieć, što ŭ takich voś situacyjach čałaviek — nie car pryrody, i jamu nie ŭsio dazvolena. Tamu pilnaść, uvažlivaść i aściarožnaść!

— Kali našeście džalačych skončycca?

— U pryrodzie ŭsio harmanična ŭładkavana. Pakul jość ježa dla nasiakomych, jany buduć lotać i ŭjaŭlać niebiaśpieku dla čałavieka. Ad tempieratur pavietra ich aktyŭnaść nie zaležyć. Dy i vierasień u Biełarusi čaściej za ŭsio ciopły.

Tamu mahu sprahnazavać, što da siaredziny vosieni vos i inšych džalačych budzie šmat. Potym rabočyja asobiny zahinuć, matki syduć na zimoŭku, a ličynki akuklacca, kab pierazimavać. Usio skončycca naturalnym čynam.

— Parada entamołaha na nastupny hod?

— Treba razumieć, što kali sioleta takaja vysokaja kolkaść vos i šeršniaŭ, to ź vialikaj vierahodnaściu ich budzie jašče bolš u nastupnym hodzie. Bolšaja kolkaść samak sydzie na zimoŭku, i kali jany dobra pierazimujuć, to ŭ nastupnym hodzie jany zrobiać jašče bolš hniozdaŭ i vyvieduć jašče bolš naščadkaŭ. Kožnaja samka daść u vyniku jašče 200-400 asobin.

Tamu maja parada takaja — samastojna źnižać ich kolkaść jašče viasnoj.

U krasaviku-traŭni ŭzbrojciesia muchabojkaj i ŭvažliva ahledźcie svaje ŭčastki, damy, dačy, draŭlanyja pabudovy. Mienavita ŭ hety čas vosy-samki šukajuć miescy, dzie zakładać hniozdy. Čaściej za ŭsio ich možna ŭbačyć na pavierchniach sa staroj padsochłaj draŭniny.

Što zrabić? Prosta pabić hetych vos muchabojkaj, i vy pazbavicie svoj učastak ad tysiač džalačych nasiakomych, jakija buduć dakučać vam u žniŭni-vieraśni.

Čytajcie taksama:

U Małaryckim rajonie mužčynu ŭdžaliła nieviadomaje nasiakomaje. Jon pamior

Biełarusaŭ pa ŭsioj krainie teraryzujuć vosy, a na lecišča pad Hrodnam prylacieŭ asajed

Jak pavodzić siabie pry sustrečy ź dzikimi žyviołami — rajać śpiecyjalist i byvały palaŭničy

Kamientary

Minsk znoŭ pajšoŭ pad vadu. Stychija nie spyniajecca FOTY2

Minsk znoŭ pajšoŭ pad vadu. Stychija nie spyniajecca FOTY

Usie naviny →
Usie naviny

U najlepšych tradycyjach Ahaty Kryści. Zahinułych u hateli ŭ Banhkoku vjetnamcaŭ atrucili cyjanidam

Kruty prybyŭ u paciarpiełuju ad urahanu Homielščynu. Pierš za ŭsio jon pajechaŭ na ekskursiju ŭ muziej partyzan8

Hihanckaja bliskavica ŭdaryła ŭ šmatpaviarchovy dom u Baranavičach VIDEA1

Siońnia apošni dzień pryjomu dakumientaŭ u VNU na biudžet. Budzie horača ŭ pramym i pieranosnych sensach

U Varšavie zatrymali byłoha palitviaźnia Ihara Bancara — heta jon pryjšoŭ u Ministerstva siamji sa zbrojaj57

Taksistaŭ užo pačali štrafavać za vykarystańnie mašyn u asabistych metach — pa dziŭnym artykule4

Bajden nazvaŭ adzinuju ŭmovu, pry jakoj admovicca ad prezidenctva10

Adnaho z najlepšych biełaruskich trenieraŭ pa nastolnym tenisie sudziać za «sadziejničańnie ekstremisckaj dziejnaści»2

Pajšoŭ z žyćcia biełaruski vynachodnik Alaksandr Dłatoŭski

bolš čytanych navin
bolš łajkanych navin

Minsk znoŭ pajšoŭ pad vadu. Stychija nie spyniajecca FOTY2

Minsk znoŭ pajšoŭ pad vadu. Stychija nie spyniajecca FOTY

Hałoŭnaje
Usie naviny →