Hramadstva33

«Niama składu pravaparušeńnia». Ułady adkazali na prośbu Bondaravaj zakryć ahrasiadzibu «Litoŭka»

Navahrudski RAUS i Navahrudski rajvykankam pravieryli pracu ahrasiadziby «Litoŭka». Jany adkazali Volzie Bondaravaj i jaje paśladoŭnikam na šerah kalektyŭnych zvarotaŭ. Zakryvać siadzibu nie stali, ale źmianili tekst ekskursii, raźmiaścili infarmacyjnyja tablički i «apranuli» skulpturu. A dzieciam zabaranili ŭvachod na niekatoryja abjekty, piša Hrodna Life.

Siadziba «Litoŭka». Fota: travel.by

Navahrudski RAUS nie znajšoŭ składu pravaparušeńnia ŭ dziejańniach kiraŭnikoŭ «Litoŭki». Što tyčycca nibyta niehatyŭnaha ŭździejańnia na dziaciej, to rašeńnie naviedać «Litoŭku» prymajecca baćkami, jakija niasuć jurydyčnuju adkaznaść za ich vychavańnie. Ciapier na ŭvachodzie jość infarmacyja, što ŭvachodzić na terytoryju siadziby niepaŭnaletnija mohuć tolki z dazvołu baćkoŭ.

Milicyja taksama adkazała nakont «prapahandy ŁHBT»: za heta ŭ Biełarusi pakul nie praduhledžanaja adkaznaść.

Taksama aktyvisty na čale z Bondaravaj źviartalisia ŭ Hrodzienski abłvykankam i Navahrudski rajvykankam. Ułady vyjechali na miesca. Paśla ich vizitu «ŭ metach niedapuščeńnia niasłušnaha razumieńnia turystami sensu asobnych abjektaŭ» ustalavali tablički ab tym, što afarmleńnie siadziby stvorana vyklučna ŭ zabaŭlalnych metach i nie maje na mecie abrazy isnych relihij, pačućciaŭ viernikaŭ, maralnych asnoŭ hramadstva, prapahandy žorstkaści i hvałtu. Aznajamlenčyja ekskursii adkarektavali.

Na niekatoryja abjekty ŭvachod niepaŭnaletnim ciapier zabaronienyja, u pryvatnaści, u «Piakielnuju spalniu». Na skulpturu žančyny nadzieli vopratku.

Litoŭka — heta fentezi-siadziba ŭ Navahrudskim rajonie, jakuju adkryŭ miascovy pradprymalnik Siarhiej Koval. Tam jość simvały roznych kultur i relihij. Stvaralnik siadziby skončyŭ žyćcio samahubstvam u 2019 hodzie. Ciapier siadzibaj kiruje dačka Siarhieja.

Volha Bondarava napisała prakuroru Hrodzienskaj vobłaści Alaksandru Žukavu ŭ žniŭni. Jana prasiła zakryć siadzibu «Litoŭka» ŭ Navahrudskim rajonie i pravieryć jaje dziejnaść na adpaviednaść biełaruskamu zakonu. «Vinavatych» prasiła pryciahnuć da adkaznaści. Hałoŭnymi pretenzijami Volhi byli praca nie adpaviedna dazvołu, ekspanaty «asacyjalnaha i parnahrafičnaha charaktaru, jakija prapahandujuć kult hvałtu i žorstkaści», skažeńnie Biblii i razbeščvańnie niepaŭnaletnich.

Kamientary3

  • Bajka
    11.09.2023
    Bondarieva mnie napominajet kozła iz aniekdota,kohda mužik prichodit k ravvinu i žałujetsia na žizń. Ravvin hovorit posieli doma jeŝio i kozła. Mužik ofihieł,no sdiełał. Čieriez kakoje-to vriemia ravvin sprašivajet - nu kak? Mužik hovorit,čto jeŝio chužie žizń stała,choť viešajsia. Ravvin tohda hovorit - a siejčas ubieri kozła. Na śledujuŝij dień mužik pribiehajet,błahodarit ravvina,hovorit čto žizń tiepieŕ prosto supier))
    Nadiejuś etot kozieł nie budiet žiertviennym.
  • Infuzoryja
    11.09.2023
    Za to ŭ kazačnicy samoj jość skład złačynstva, ale chiba voran-voranu vykluje voka? z.y. raspalvańnie varožaści i padbuchtorvańnie da złačynstva
  • Anž
    11.09.2023
    Zakryć varta tolki bandarievu i to ŭ durcy

Voś čamu ŭ Kitai mohuć prysłuchoŭvacca da Polščy6

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie7

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom4

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

Pres-sakratar polskaha MZS pra adnosiny ź Biełaruśsiu: Čakajem pieršaha realnaha kroku ź biełaruskaha boku8

U minskim parku Čaluskincaŭ zabaranili jeździć na šerynhavych elektrasamakatach

Čarha z aŭtobusaŭ pierad pierachodam «Kamienny Łoh» rassmaktałasia2

Stała viadoma, kudy ŭładkavaŭsia były hiendyrektar MTS Uładzisłaŭ Andrejčanka6

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy6

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →