Usiaho patrochu44

Jehipiet, Maldyvy, Indyja i nie tolki. Kudy biełarusu pajechać vosieńniu da mora?

Mienavita vosieńniu ŭ mnohich krainach ustaloŭvajecca samaje kamfortnaje nadvorje dla adpačynku. Da taho ž u hetuju paru bolš nizkija ceny i na plažach niama natoŭpaŭ turystaŭ. Myfin.by daviedaŭsia ŭ turfirmach, dzie i za kolki možna biełarusam adpačyć la mora ŭ aksamitny siezon.

Zdymak ilustracyjny. Fota: piligrim.ua

Indyja: ekzotyka na biełaruskim rynku

Ciapier, kali mnostva zvykłych krain dla adpačynku stali ciažkadastupnyja, biełarusy adkryvajuć dla siabie novyja napramki, i Indyja ŭ ich liku.

11 žniŭnia ŭ krainu vylecieŭ pieršy rejs ź Minska. Ciapier samaloty ŭ Deli lotajuć raz na tydzień, a z kanca vieraśnia buduć dvojčy na tydzień.

«U vieraśni turystam u Indyi prapanujucca ekskursijny tury, da prykładu, «Załaty trochkutnik», «Załaty trochkutnik Indyi +Kchadžuracha». Tury tydniovyja, ceny startujuć ad 1250 dalaraŭ na čałavieka. U hety košt uvachodziać pieralot, pražyvańnie ŭ hatelach katehoryi nie mienš za 4*, charčavańnie «śniadanak+viačera», ekskursijnaja prahrama, uvachodnyja kvitki pa prahramie», — raskazała kuratarka pa napramkach kampanii «Tajm Vajaž» Vieranika Machina.

Z kastryčnika biełarusy ŭžo mohuć adpačnuć u Hoa. Kambinavany tur, jaki ŭklučaje ŭ siabie ekskursijnuju prahramu plus adpačynak na mory (6 dzion+6 načej), abydziecca ad 3690 dalaraŭ na dvaich. Tur na dvuch čałaviek na tydzień u Hoa ŭ hateli katehoryi 3* budzie kaštavać ad 2290 dalaraŭ (charčavańnie «śniadanki»). Za adpačynak u dobraj «piaciorcy» nieabchodna budzie zapłacić 4612 dalaraŭ za dvaich.

Pa słovach Vieraniki Machinaj, u dalejšym płanujecca arhanizoŭvać u Indyju joha-tury i ajurviedyčnyja tury.

Zdymak ilustracyjny. Fota: freshim.ru

Śpiecyjalistka padkreśliła, što pry padrychtoŭcy turaŭ u Indyju turapieratar pastaraŭsia ŭklučyć u canu maksimalna bolšuju kolkaść pasłuh. Usie ekskursijnyja prahramy iduć z uvachodnymi kvitkami, taksama ŭ košt užo ŭklučany ŭnutrany pieralot z Deli ŭ Hoa.

«Ličym, što adpačynak u Indyi — heta pa-svojmu ŭnikalny pradukt, peŭnaja ekzotyka na biełaruskim rynku, — zaŭvažyła namieśnica dyrektara turapieratara «Tajm Vajaž» Volha Jaromienka. — My ŭžo atrymali zvarotnuju suviaź ad pieršych turystaŭ — biełarusam vielmi spadabaŭsia adpačynak i sama kraina. Što tyčycca cany, ličym, što jana dla turaŭ pa hetym napramku bolš čym adekvatnaja».

Jehipiet: Marsa-Ałam — dobryja hateli, hodny servis

Z 16 kastryčnika startuje čartarnaja prahrama ŭ Marsa-Ałam. Heta jašče adzin kurort u Jehipcie, jaki mienš viadomy biełarusam u paraŭnańni z Churhadoj i Šarm-el-Šejcham.

«Pieršyja łancužki rejsaŭ amal zakrytyja, — raspaviali ŭ kampanii «Aerabiełservis». — Heta kurort dla siamiejnaha adpačynku, tut šmat novych hatelaŭ, jon nie šmatludny, i tut šyrokija vydatnyja plažy. Charčavańnie i servis tut na dobrym uzroŭni. Kurort spadabajecca tym, chto addaje pieravahu bolš spakojnamu adpačynku i lubić panazirać za padvodnym śvietam».

Minimalny košt adpačynku ŭ kancy kastryčnika na dvaich na «ŭsio ŭklučana» na 9 načej — 2180 dalaraŭ. Kali chočacca čahości kruciejšaha (piacizorkavy hatel), to ŭžo pryjdziecca zapłacić kala 3450 dalaraŭ na dvaich.

«Kali paraŭnoŭvać, da prykładu, z Churhadoj, to za tyja ž hrošy na kurorcie Marsa-Ałam hatel budzie pa ŭzroŭni lepšy, čym u Churhadzie», — rastłumačyli śpiecyjalisty turystyčnaj haliny.

AAE i Katar: adpačynak daražejšy, čym letam

Z kožnym hodam usio papularniejšymi ŭ turystaŭ stanoviacca kurorty AAE. U 2022 hodzie kraina ŭvajšła ŭ top-5 zamiežnych napramkaŭ dla adpačynku ŭ biełarusaŭ.

Jak zaŭvažyli ŭ adnoj z turkampanij, pakolki z kastryčnika tam pačynajecca siezon, adpačyć u AAE vosieńniu budzie daražej, čym letam. Turystam pucioŭka ŭ Dubaj z pražyvańniem u haradskim hateli ź siaredziny kastryčnika na 9 načej abydziecca kala 2000 dalaraŭ na dvaich na śniadankach. Varta ŭdakładnić, što da plažu pry takim varyjancie treba budzie jeździć.

Kali vybirać hatel u Dubai ŭ piešaj dastupnaści ad plažu, heta ŭžo budzie kaštavać prykładna 2800 dalaraŭ na dvaich na śniadankach. U siarednim tur na dvaich u Ras-el-Chajma ŭ hateli katehoryi 4*, jaki staić na plažy, abydziecca ad 3000 dalaraŭ i vyšej.

Što tyčycca Katara, to palotnaja prahrama siudy startavała ŭ pačatku sakavika i vykonvałasia da leta. Z 10 kastryčnika čakajecca adnaŭleńnie palotaŭ u hetuju krainu.

Adpačyć udvaich u hateli 3* na śniadankach možna ad 1500 dalaraŭ za dvaich u zaležnaści ad hatela. Adpačynak u čatyrochzorkavym hateli abydziecca ŭžo daražej, varta raźličvać na 2 tys. dalaraŭ i vyšej.

Zdymak nosić ilustracyjny charaktar. Fota: clevertravel.com.ua

Turcyja: ceny padnialisia, ale kraina praciahvaje karystacca popytam

Biełarusy nie pieršy hod vybirajuć Turcyju ŭ jakaści miesca dla praviadzieńnia adpačynku. Kraina nie adzin hod zajmaje lidarskija pazicyi ŭ ajčynnych turystaŭ. Praŭda, pa słovach pradstaŭnikoŭ haliny, ceny na adpačynak u krainie mocna padnialisia ŭ apošnija hod-dva.

Adpačynak u Turcyi vosieńniu budzie krychu tańniejšy, čym letam. Palacieć na tydzień u Turcyju ŭ kastryčniku možna za 2500 jeŭra na dvaich. Ale kali chočacca adpačyć u dobraj piaciorcy, pryjdziecca vykłaści ad 3000 da 4000 jeŭra. Heta cana na dvaich čałaviek na «ŭsio ŭklučana» z adpačynkam na 9-10 načej.

Vybirajem ekzotyku: Maldyvy, Tajłand, Vjetnam

U siaredzinie kastryčnika tur na Maldyvy ź Minska abydziecca na 9 načej ad 4750 dalaraŭ na dvaich. U turfirmach źviarnuli ŭvahu na toje, što z vyletam z Maskvy adpačynak abydziecca tańniej: varta raźličvać ad 4000 dalaraŭ na dvaich na 9 načej.

Pchukiet na 9 načej z pražyvańniem u hateli 4* na śniadankach budzie kaštavać ad 3500 dalaraŭ na dvaich. Heta budzie vylet ź Minska ź pierasadkaj u Dubai.

Zdymak nosić ilustracyjny charaktar. Krynica: almode.ru

Adpačynak u Vjetnamie ŭ hateli 3* na śniadankach abydziecca ŭ druhoj pałovie kastryčnika na 11 načej u 2200-2500 dalaraŭ u zaležnaści ad abranaha hatela. Heta cana z vyletam z Maskvy ź pierasadkaj u Astanie.

Kamientary4

  • cinik
    07.09.2023
    Połnyj trieš, Turcija 3000-4000, ržu, ja tuda i biespłatno by nie pojechał, no kołchoźnikam sčasttie, jeśli chotitie v piervyj žie dień uznať čto takoje nieskončajemaja diarieja, letitie v Indiju, priklučienija obieśpiečieny, so vsiech dyrok popriot i ušiej tožie, łučšie už tohda Maldivy, vsio ostalnoje žutkaja kłoaka, chotia pobieriežje vo Vjetnamie krasivoje, no my ž dołžny budiem jeŝie i čieho to jesť, a viezdie s etim budiet bieda, osobienno v Indijach, Jehiptach i Turcii. Moj vybor Italija jeśli čto. Hriecija s natiažkoj
  • sem
    08.09.2023
    Naviazuć chvarobaŭ k zimie. Treba mnoha pryvivak zrabić, kab jechać u Indyju. 
  • Starobiłorus
    08.09.2023
    Indyja - Bcharat
    Biełaruś - Litva
    Rośsieja - Moskovija

Zamach na Donalda Trampa: u jaho stralali ŭ čas vystupu ŭ Piensilvanii46

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

Hramadzianina Indyi, jak miarkujecca, uziali ŭ zakładniki ŭ Biełarusi9

Biełaruskim błohieram zakručvajuć hajki — źmianili praviły publikacyi rekłamy ŭ sacsietkach. Padrabiaznaści1

Prezident Čechii prapanavaŭ sposab pačać pieramovy pamiž Ukrainaj i Rasijaj6

U Rastoŭskaj vobłaści z-za ataki dronaŭ haryć naftabaza

Sud zakryŭ spravu akciora Aleka Bołduina, jakoha abvinavačvali ŭ nienaŭmysnym zabojstvie apieratarki-ŭkrainki na zdymkach

Što pryhatavać ź lisičkami: frykadelki, hulaš, kašu

Papularny polski treveł-błohier raskazaŭ pra svaju pajezdku ŭ Biełaruś i daŭ parady21

U minskaj kramie znajšli pradukt, jaki kaštuje 12 tysiač rubloŭ za kiłahram. Jon zapakavany ŭ boks suprać kradziažu

Bujnyja donary-demakraty źbirajucca zamarozić 90 miljonaŭ dalaraŭ unioskaŭ na kampaniju Bajdena1

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii46

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →