Ukrainku, jakaja jechała da žanicha, nie puścili ŭ Biełaruś. U telefonie znajšli fota ajčyma ŭ vajskovaj formie
Paśla ahladu telefona dziaŭčynie pastavili zabaronu na ŭjezd u krainu i raźviarnuli nazad.
Biełaruskija pamiežniki admovili va ŭjeździe ŭ krainu hramadziancy Ukrainy z-za fatahrafii jaje ajčyma ŭ vajskovaj formie, jakuju znajšli siłaviki pry ahladzie jaje telefona, raspaviali «Miedyjazonie» blizkija dziaŭčyny.
Va ŭkrainki Aleny ŭ Biełarusi žyvie jaje chłopiec, ź jakim jana chacieła pabracca šlubam i praciahnuć žyć u Biełarusi. Dziela hetaha dziaŭčyna vyjechała z Ukrainy ŭ Polšču, a z Polščy ŭ Biełaruś.
Na polska-biełaruskaj miažy supracoŭniki KDB uziali ŭ Aleny na pravierku telefon. Tam jany vyjavili fatahrafiju jaje ajčyma z mamaj. Ajčym Aleny na fatahrafii byŭ va ŭkrainskaj vajskovaj formie. Paśla ahladu telefona dziaŭčynie pastavili zabaronu na ŭjezd u krainu i raźviarnuli nazad.
Blizkija Aleny kažuć, što pamiežniki papiaredzili dziaŭčynu, što jana nie zmoža bolš ujechać u Biełaruś praź nivodny punkt propusku.
Chłopiec Aleny pasprabavaŭ asprečyć rašeńnie pamiežnikaŭ, dla hetaha jon pryjechaŭ u punkt propusku, dzie raźviarnuli jaho dziaŭčynu, ale jamu paviedamili, što heta biessenoŭna.
«Miedyjazona» datelefanavałasia na haračuju liniju Dziaržpahrankamiteta, tam paviedamili, što infarmacyju dać nie mohuć.
«Pa-pieršaje, my nie dajem nijakaj infarmacyi ab asobach, jakija pierasiakajuć miažu. Druhi momant — na padstavie zakona №105 «Ab paradku ŭjezdu i vyjezdu zamiežnych hramadzian» moža być admoŭlena va ŭjeździe biez tłumačeńnia pryčyn. Vy možacie napisać zvarot na imia staršyni Dziaržpahrankamiteta. Ja dumaju, naŭrad ci heta dapamoža. Kali zakryli ŭjezd, to, jak praviła, užo čałaviek nie zajedzie nikoli», — paviedamili na haračaj linii HPK.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki23
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1515
Kamientary