Historyja22

Tolki 1280 repraduktyŭnych prodkaŭ čałavieka kaliści błukali pa Ziamli, miarkuje daśledavańnie hienaŭ

Kala 800 000 hadoŭ tamu prodki čałavieka byli na miažy źniknieńnia, sutyknuŭšysia z nadzvyčajnaj papulacyjnaj prablemaj.

Fota: vecteezy

Pa słovach daśledčykaŭ, jakija vykarystali kampjutarnuju madel, kab vyjavić surjoznyja «vuzkija miescy» ŭ papulacyi ŭ staražytnym minułym našaha vidu, čałaviectva zmahałasia za vyžyvańnie na praciahu 100 000 hadoŭ u rańnim plejstacenie (epocha, jakaja pačałasia 2,58 miljona hadoŭ tamu i skončyłasia 11,5 tysiač hadoŭ tamu).

«Vuzkaje miesca» ŭźnikła ŭ pramiežku miž 813 000 i 930 000 hadoŭ tamu i skaraciła rod prodkaŭ čałavieka da mienš čym 1300 asobin. Prablema isnavała na praciahu 117 000 hadoŭ i supadaje z chranałahičnym razryvam u znojdzienych afrykanskich i jeŭrazijskich čałaviečych pareštkach u hety pieryjad. Daśledavańnie kamandy było apublikavana siońnia ŭ Science.

«Vuzkaje miesca papulacyi», jakoje jašče nazyvajecca «efiektam butelkavaha rylca» — heta padziei, pry jakich ahulnaja papulacyja vidu mocna skaračajecca, što pryvodzić da ahulnaha źnižeńnia hienietyčnaj raznastajnaści. Strata hienietyčnaj raznastajnaści moža pryvieści da taho, što nasielnictva stanie mienš zdarovym. Ciapier bijainžyniery mohuć sintezavać hienietyčnuju raznastajnaść papulacyj roznych žyvioł šlacham kłanavańnia i redahavańnia hienaŭ.

Daśledčyki raspracavali śpiecyjalny instrumient dla analizu 3154 sučasnych hienomaŭ 10 afrykanskich i 40 nieafrykanskich papulacyj. Pravioŭšy analiz, kamanda vyjaviła, što «vuzkaje miesca», mažliva, mahło być źviazana z klimatyčnymi źmienami.

Hetaje daśledavańnie prakamientavali Nik Eštan, archieołah z Brytanskaha muzieja, i Krys Strynhier, paleaantrapołah z Łondanskaha muzieja naturalnaj historyi, słovy jakich cytuje Gizmodo. Jany skazali, što jakoj by ni była pryčyna, jana mahła być abmiežavanaj u svaim uździejańni na inšyja papulacyi čałaviekapadobnych pa-za linijaj Homo sapiens abo nastupstvy byli karotkačasovymi.

Heta aznačaje, što pryčynaj «efiektu butelkavaha rylca» ŭsio ž naŭrad ci była surjoznaja ekałahičnaja padzieja nakštałt mocnaha hłabalnaha pachaładańnia, bo ŭ hetym vypadku źjava musiła b mieć šyrejšy ŭpłyŭ na inšyja vidy. Tym nie mienš, novaje daśledavańnie akcentuje ŭvahu na ŭraźlivaści rańnich čałaviečych papulacyj, majučy na ​​​​ŭvazie, što naša evalucyjnaja linija była amal źniščana, dadali navukoŭcy.

Hienietyčnaje madelavańnie i vyvučeńnie staražytnaj DNK razam z DNK sučasnych hrup stanovicca ŭsio bolš karysnym instrumientam dla razumieńnia taho, jak staražytnyja čałaviečyja papulacyi raspaŭsiudzilisia pa ŭsim śviecie i źmiašalisia ź inšymi papulacyjami, u tym liku inšymi vidami hamininaŭ.

Kamientary2

  • Žvir
    12.09.2023
    Heta mahlo byc`vyklikana tym, što inšyja papulacyi čałaviekapadobnych pa-za linijaj Homo sapiens, i čalaviekapadobnyja ū miežach Homo, karystalisia roznymi (nieadnolkavymi) resursami charčavaņnia. Tamu zniknieņnie krynicaū zvyklaj ježy dlia Homo nie paūplyvala na inšych "svajakoū"... Padobna na toje, što Homo nia byū u toj čas usiajadnym. Zniknieņnie krynicaū zvyklaj, prydatnaj im ježy, pryvialo z adnaho boku da skaračeņnia papuliacyi, i z insaha boku padpichnula da rassialieņnia, prymusila sychodzic` z pieršapačatkovaha areala isnavaņnia, pa miery paharšeņnia ūmovaū, pavolnaj adaptacyi da novych realijaū inšych rehijonaū, i atrymaņnia takim čynam navykaū vyžyvannia. Chutčej za ūsio heta prachodzila adnačasova, ciaham tych 117 000 hadoŭ,  praz što, padobna, i adbyūsia pierachod da razumovaha žyčcia, z avalodaņniem novymi mahčymasciami, z daliejšaj evaliucyjaj u sučasnaha čalavieka i strataju bylych ulašcivasciaū...
  • hadałka
    12.09.2023
    "...miarkuje daśledavańnie hienaŭ" -- cytata z zahałoŭku artykuła. Siadžu i hadaju, jakim heta miestam daśledvańnie moža dumać? Moža redaktar NN padkaža?

U Minsku na ludziej, jakija viartalisia ź plažu, upała dreva, zahinuła dziaŭčyna

U Minsku na ludziej, jakija viartalisia ź plažu, upała dreva, zahinuła dziaŭčyna

Usie naviny →
Usie naviny

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ4

Čamu ŭ haračyja dni časta balić hałava i jak ad taho ŭbierahčysia

U miastečku Haradok na Biełastoččynie siońnia pačaŭsia fiestyval Tutaka

Milicyja stralała ŭ dvary minskaha šmatpaviarchovika. Što zdaryłasia?

U Biełarusi znoŭ pastrožyli palityčny filtr dla ekskursavodaŭ. Što źmianiłasia ŭ praviłach atestacyi?2

«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča

U jakich rajonach Biełarusi najnižejšyja zarobki?

bolš čytanych navin
bolš łajkanych navin

U Minsku na ludziej, jakija viartalisia ź plažu, upała dreva, zahinuła dziaŭčyna

U Minsku na ludziej, jakija viartalisia ź plažu, upała dreva, zahinuła dziaŭčyna

Hałoŭnaje
Usie naviny →