Śviet1010

U Biełaruś prylacieŭ prezident Ekvataryjalnaj Hviniei — rekardsmien pa ŭtrymańni ŭłady ŭ sučasnym śviecie

Pra prybyćcio ŭ Minsk kiraŭnika nievialikaj afrykanskaj krainy Teadora Abijanha Nhiema Mbasoha paviedamiła pres-słužba Łukašenki.

Teadora Abijanh Nhiema Mbasoha — u centry. Fota: Muhammed Abdullah Kurtar / Anadolu Agency via Getty Images

Pavodle paviedamleńnia pres-słužby Łukašenki, padčas vizitu čakajucca aficyjnyja pieramovy, naviedvańnie pradpryjemstvaŭ.

Naturalna, nie abydziecca i biez sustrečy z Łukašenkam, pa vynikach čaho płanujecca padpisańnie pakieta dvuchbakovych dakumientaŭ «pa šyrokim śpiektry napramkaŭ — ad ekanomiki da humanitarnaj śfiery». 

Teadora Abijanhu Nhiema Mbasoha — 81 hod. Jon byŭ kadravym vajskoŭcam, kamandujučym Nacyjanalnaj hvardyjaj. U žniŭni 1979 hoda ažyćciaviŭ vajskovy pieravarot i zrynuŭ pažyćciovaha prezidenta krainy, svajho rodnaha dziadźku — Fransiska Masijasa Nhiema. Potym dziadźku prysudzili śmiarotnaje pakarańnie i ŭ toj ža dzień rasstralali.

Na hety momant Teadora Abijanh Nhiema Mbasoha kiruje Ekvataryjalnaj Hviniejaj užo 44 hady, i heta biassprečny rekord siarod sučasnych lidaraŭ krain śvietu, jakija nie źjaŭlajucca, prynamsi farmalna, spadčynnymi manarchami.

Druhi ŭ hetym śpisie, 90-hadovy prezident Kamieruna Pol Bija, zaniaŭ pasadu prezidenta 6 listapada 1982 hoda, to-bok jaho prezidencki staž — «usiaho» tolki 41 hod. 

Łukašenka ŭ hetym niehanarovym śpisie, darečy, ciapier na šostym miescy. Jaho, aprača Nhiema Mhasoha i Bija, apiaredžvajuć tolki prezident Uhandy Javiery Musiavieni (va ŭładzie z 1986 hoda), prezident Tadžykistana Emamali Rachmon (na čale krainy z 1992, spačatku jak staršynia Viarchoŭnaha Savieta) i prezident Erytrei Isajas Afievierki (na čale krainy z 1993-ha).

Jašče dva tydni tamu apiaredžvaŭ Łukašenku i premjer-ministr Kambodžy Chun Sien, jaki pryjšoŭ da ŭłady ŭ 1985 hodzie, ale 22 žniŭnia jon syšoŭ u adstaŭku, pakłapaciŭšysia pra pieradaču ŭłady rodnamu synu, hienierału Chun Manietu, a da taho ž dla padstrachoŭki zachavaŭšy za saboj pasadu staršyni Karaleŭskaj rady.

Takuju samuju pieradaču ŭłady ŭ miežach siamiejnaha kłana jaŭna źbirajecca nieŭzabavie pravieści i prezident Ekvataryjalnaj Hviniei, jakoha ŭžo padciskajuć hady, a ź imi padvodzić i zdaroŭje.

Mahčyma, sa zdaroŭjem niejak była źviazanaja i papiaredniaja admiena ŭžo amal što damoŭlenaha vizitu Teadora Abijanh Nhiema Mbasoha ŭ červieni hetaha hoda — kažuć, što ŭ jaho ankałahičnaje zachvorvańnie. Va ŭsiakim razie, vizit z užo dakładna anansavanaj dataj byŭ admienieny litaralna ŭ dzień mierkavanaha prybyćcia, i aficyjna heta nijak nie tłumačyłasia, prynamsi ŭ Biełarusi.

Teadora Abijanh Nhiema Mbasoha časta pryznačaje na najvyšejšyja dziaržaŭnyja pasady svaich svajakoŭ. Teadora Nhiema Abijanh Manhu, syn prezidenta ad pieršaha šlubu, u rozny čas pracavaŭ ministram lesu, rybnaj haspadarki i navakolnaha asiarodździa (2001—2003), ministram infrastruktury i lesu (2003—2004), a z 2004 hoda ŭznačalvaje Ministerstva sielskaj haspadarki i lesu.

Habryel Mbieha Abijanh Lima, syn prezidenta ad druhoha šlubu, byŭ dziaržaŭnym sakratarom pa zdabyŭnoj pramysłovaści i vuhlevadarodach (2001—2004), zatym byŭ pryznačany namieśnikam ministra hornazdabyŭnoj pramysłovaści i enierhietyki. Antonia Mba Nhiema, małodšy brat prezidenta, pracavaŭ hienieralnym dyrektaram palicyi.

I takich svajakoŭ jašče ź dziasiatak.

Što da samoj hetaj krainy, to va ŭsiaho paŭtaramiljonnaj Ekvataryjalnaj Hviniei jość bahatyja naftavyja radoviščy, jakija razam z zamiežnymi inviestycyjami dapamahli zrabić krainu adnoj z samych zamožnych dziaržaŭ Afryki. Pačynajučy z 1990-ch hadoŭ heta kraina stała bujnym eksparcioram nafty, za košt čaho VUP na dušu nasielnictva padniaŭsia na pieršuju pazicyju ŭ kantynientalnaj Afrycy.

Praŭda, naŭrad ci z hetaha majuć asabliva vialikuju karyść prostyja žychary krainy, nie nabližanyja da ŭładnych kołaŭ — pa aficyjnym indeksie čałaviečaha raźvićcia Ekvataryjalnaja Hvinieja znachodzicca tolki na 145-m miescy ŭ śviecie.

Kamientary10

  • Alek. Rk
    06.09.2023
    Dośvidanija dzialicca buduć jak možna útrymać uładu sinimi I čornymi palcami
  • Tranśvieścit
    06.09.2023
    A kali jany całavacca buduć z Soncapadobnym jak ź Jelcynym? Cikava, jany prama Dažžynkach zrobiać sumiesnaje sełfi i prajd-parad? ;)
  • strašnyj son i dla vostočnoj Jevropy
    06.09.2023
    Teadora Abijanh Nhiema Mbasoha kiruje Ekvataryjalnaj Hviniejaj užo 44 hady,

    prijechał pieriedavať "opyt"....
    A tak pročitav staťju prichodiš v užas, vo čto prievraŝajetsia naš "šarik" SBORIŜIE DIKTATOROV ( s absolutnoj vłasťju) i razdieł užie mira na "kniažiestva" s častnoj sobstviennosťju NA HOSUDARSTVA. Žachi.....

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?16

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Usie naviny →
Usie naviny

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

Ryžankoŭ: Biełaruś hatova da dyjałohu z Polščaj pa situacyi na miažy20

U załatoj bucy na Jeŭra-2024 adrazu niekalki ŭładalnikaŭ

Jak adroźnivajucca ŭmovy pracy dla IP u Biełarusi i Litvie? 1

Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel3

Arhiencina vyjhrała Kubak Amieryki pa futbole — i heta taksama rekord

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask32

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

bolš čytanych navin
bolš łajkanych navin

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?16

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Hałoŭnaje
Usie naviny →