Hramadstva33

«Jak dojdzie da spravy, tady i budziem vyrašać». Niemcy pakul nie viedajuć, što rabić ź biełarusami biez pašpartoŭ

Niamiecki ŭrad krytyčna acaniŭ ukaz Alaksandra Łukašenki № 278 «Ab paradku vydačy dakumientaŭ i ździajśnieńnia dziejańniaŭ», jaki praduhledžvaje faktyčnuju admovu Biełarusi ad konsulskaha absłuhoŭvańnia suajčyńnikaŭ, jakija žyvuć za miažoj. Ale ŭ Bierlinie pakul nie viedajuć, što buduć rabić ź biełarusami, jakija ad hetaha paciarpiać.

«Kali biełaruski ŭrad nasamreč pojdzie na taki krok, to heta, naturalna, patrabuje asudžeńnia», — zajaviŭ u sieradu, 6 vieraśnia, pres-sakratar MZS Hiermanii Siebaśćian Fišer, adkazvajučy na pytańnie karespandenta Deutsche Welle.

Fišer rastłumačyŭ, što pa mižnarodnym konsulskim pravie ŭ pryncypie niedapuščalna admaŭlać hramadzianam ułasnaj krainy za miažoj u konsulskaj padtrymcy, abaronie i akazańni konsulskich pasłuh.

U toj ža čas va ŭradzie Hiermanii pakul nie vyrašyli, što naležyć rabić u vypadku, kali ŭ niejkaha hramadzianina Biełarusi, jaki žyvie ŭ hetaj krainie, skončycca termin dziejańnia pašparta i jon, bajučysia mahčymych represij, nie ryzyknie jechać na radzimu, kab praciahnuć dziejańnie abo atrymać novy dakumient.

U kožnym razie, adznačyŭ Fišer, takija pytańni ŭ kampietencyi nie MZS, a viedamstvaŭ, jakija zajmajucca statusam inšaziemcaŭ u Hiermanii, to-bok MUS.

«Ale na ciapierašni momant my naohuł nie možam adkazać na takoje pytańnie, — dadaŭ aficyjny pradstaŭnik fiederalnaha kanclera Štefan Chiebieštrajt, — pakolki vykładzieny vami fakt nam jašče nie viadomy».

Jak dojdzie da spravy, rastłumačyŭ čynoŭnik, tady my i budziem vyrašać, što rabić, pryčym heta tyčycca nie tolki Hiermanii, ale i mnohich inšych krain, dzie ciapier žyvuć hramadzianie Biełarusi.

Kamientary3

  • Čarkaškvarka
    06.09.2023
    A rašać treba tak: dulu pakazać łukašenkauskaj bandzie, usie pavinny być pryznany uciakačami i atrymać mižnarodnuju dapamohu i abaronu.
  • siomy
    06.09.2023
    "Nienahinajemy" złaśliva-pomślivy psichapat ažno sa skury vyłuzvajecca, kab choć jakoje novaje paskudstva prydumać.
  • Blutengel
    06.09.2023
    Vydavać na asnoŭnych movach (niamieckaj, francuzskaj) daviedku para Biełaruś. Da čaho pryvodzić kałabaracyja, kali kraina, dzie ty naradziŭsia i vyras, čchać chacieła na tvaje prablemy, im tolki cikava jak ź ciabie sadrać hrošy na ŭtrymańnia svajoj dupy ŭ Drazdach. Takoha Niamieččyna nia bačyła navad kali vajnu prajhrała, kožny niemiec viedaŭ, što novaje kiraŭnictva Bundesrepublik Deutschland Adenaŭera abaronić kožnaha niemca, dzie b jon nie znachodziŭsia

Miesiacy karcaru i dva z pałovaj hady biez sonca. Jak małady minčuk prajšoŭ praz kałoniju i krytuju turmu1

Miesiacy karcaru i dva z pałovaj hady biez sonca. Jak małady minčuk prajšoŭ praz kałoniju i krytuju turmu

Usie naviny →
Usie naviny

Markaŭ zaklikaŭ zamiaścić YouTube, Telegram, Instagram i TikTok biełaruska-rasijskimi sacsietkami13

Abnoŭleny «Biełsat» spynić viaščańnie praz spadarožnik?13

Ź mižnarodnaj viersii «Jandeks Kartaŭ» prybrali biełaruskuju movu9

U centry Minska źjaviłasia astudžalnaja arka VIDEA

Pad Maskvoj raźbiŭsia pasažyrski samalot Sukhoi Superjet-1009

Minułaja noč u Minsku była «ahurkovaj». Heta jak?2

Dženifier Łopies i Ben Aflek vystavili na prodaž šykoŭny asabniak u Bievierli-Chiłz FOTY1

Viadomy biełaruski arbitr apynuŭsia za kratami za stvareńnie «ekstremisckaha» čata1

Rasijanin siarod biełaha dnia zładziŭ dryft na praśpiekcie Pieramožcaŭ. DAI jaho znajšła i prymusiła vybačacca3

bolš čytanych navin
bolš łajkanych navin

Miesiacy karcaru i dva z pałovaj hady biez sonca. Jak małady minčuk prajšoŭ praz kałoniju i krytuju turmu1

Miesiacy karcaru i dva z pałovaj hady biez sonca. Jak małady minčuk prajšoŭ praz kałoniju i krytuju turmu

Hałoŭnaje
Usie naviny →