Hramadstva3535

Mastačka Žyhimont: «Mianie ŭnieśli ŭ stop-list, intervju nie dajuć u efir»

Humanitarnaj śfieraj u Biełarusi kirujuć BČB i «debilizatary», dziaržava nie choča nabyvać pracy ź sieryi «Supraćstajańnie», praŭładnyja ŚMI nie publikujuć intervju — narakaje mastačka Śviatłana Žyhimont.

Śviatłana Žyhimont. Fota ź jaje fejsbuka

Svoj kryk dušy pra toje, što łukašenkaŭskaj administracyi niepatrebny «dobry kantent» — «duchoŭny, dušeŭny, razumny, patryjatyčny, u duchu tradycyjnych biełaruskich kaštoŭnaściej», žančyna apublikavała na svajoj staroncy ŭ fejsbuku.

«Mianie zanieśli ŭ stop-list, — ličyć mastačka. — Pracy ź sieryi «Supraćstajańnie» («Žanočy marš» i «Dziaviataha žniŭnia») dziaržavaj nie nabyty, «Kazka-byl pra Biełaruś» nabytaja za śmiachotnuju źnievažalnuju sumu. Usie prośby ab praviadzieńni majoj vystavy «Čałaviečy faktar» u inšych haradach RB za dziaržkošt praihnaravanyja», — narakaje jana i patrabuje hrošaj.

«A pravieści vystavu kaštuje hrošaj. Naprykład, na vystavu «Čałaviečy faktar» było vydatkavana 25 000 rubloŭ (arenda zały, katałohi, rekłama, pieravozka, ramy), zaraz budzie jašče daražej. Ale pry hetym pa haradach i vioskach za dziaržaŭny rachunak pravieźli skryniu na kurynych nožkach i inšy kał, jaki vyjhraŭ pryzy na čarhovym debilnym bijenale», — kryŭduje aŭtarka karcin na złobu dyktaturnaha dnia.

Karcina Śviatłany Žyhimont «Žanočy marš». Krynica: fejsbuk mastački

Akramia taho, pa słovach mastački, žurnalisty dziaržaŭnych ŚMI biaruć u jaje intervju, ale nie publikujuć i nie dajuć ich u efir.

«Z apošniaha: intervju dla ahienctva «Minsk-naviny» nie vyjšła, intervju dla kanała Biełaruś-4 nie vyjšła, jašče sioje-toje, pra što ja nie budu raskazvać, kab nie padstavić apošnich z mahikanaŭ, śmiełych i idejnych žurnalistaŭ», — pryviała prykłady mastačka.

Razzłavać Śviatłanu zmahli navat łukašenkaŭskija telehram-kanały «Pacukałoŭ» i «Žoŭtyja ślivy». Ich žančyna abvinavaciła ŭ tym, što jany vykarystoŭvali jaje post ab «zmaharu-łandšaftniku, jaki ščylna siadzić na dziaržzakazach, u tym liku Chatyń», nie paznačyŭšy aŭtarstva Žyhimont.

Zakłapočanyja prychilniki tvorčaści Śviatłany rekamiendujuć joj źviarnucca prosta da Alaksandra Łukašenki, kab apisać jamu ahulnuju karcinu «ideałahična-kulturnaha razłažeńnia».

«Kultura — heta ŭnutrany front, unutranaja miaža, jakija treba abaraniać sapraŭdy hetak ža, jak vonkavyja. U arhaniźmie nie pavinna być hlistoŭ», — adznačyŭ adzin z kamientataraŭ.

Karcina Śviatłany Žyhimont «Śviata vyšyvanki». Krynica: fejsbuk mastački

Nahadajem: mastačka Śviatłana Žyhimont prasłyła prapahandysckimi pracami, napisanymi paśla 2020 hoda. Akramia taho, jana pisała na temu dziejańniaŭ Rasii va Ukrainie.

Trypcich «Kazka-byl pra Biełaruś», jaki, pa jaje słovach, dziaržava nabyła za «śmiachotnuju źnievažalnuju sumu», ujaŭlaje saboj try pałotny: na centralnaj karcinie — partret Alaksandra Łukašenki, jaki siadzić pad dubam (pa zadumie mastački, heta «ŭvasablaje moc čałavieka i jaho addanaść rodnaj ziamli»), na dvuch inšych — Śviatłana Cichanoŭskaja, Franak Viačorka, Vadzim Prakopjeŭ dy inšyja praciŭniki režymu Łukašenki, jakija byccam by viadźmarać.

Trypcich «Kazka-byl pra Biełaruś», jaki, pa słovach Žyhimont, dziaržava nabyła za «śmiachotnuju źnievažalnuju sumu». Fota: sacyjalnyja sietki

Śviatłana Žyhimont taksama viadomaja i jak danosčyca. Hetak, sioleta jana daniesła na adnaho z žycharoŭ Minska, jakoha zapadozryła ŭ «banderaŭskich» pohladach z-za taho, što ŭ jaho mašynie hrała ŭkrainskaja muzyka.

Razam ź inšaj danosčycaj, Volhaj Bondaravaj, Žyhimont prysutničała na premjery rasijskaha prapahandysckaha filma «Śviedka». Akramia ich, u centralny minski kinateatr tady pryjšli jašče dva hledačy.

Kamientary35

  • Łukašyst
    06.09.2023
    Biudžet nie humavy
  • Hy
    06.09.2023
    Atrymała svaje 33 srebranika
  • ?
    06.09.2023
    Śvietłana, možiet vsie proŝie? Možiet, dažie zakončiennyje jabaťki ponimajut, čto vaši kartiny - primitivnoje h**no, a vaši intiervju - kak i vy sami - nikomu nie intieriesny? 

Jakimi buduć vybary 2025 hoda? Razvažajuć Viačorka, Łatuška i Šrajbman4

Jakimi buduć vybary 2025 hoda? Razvažajuć Viačorka, Łatuška i Šrajbman

Usie naviny →
Usie naviny

Što źmianiaje zamach na Trampa?4

Viadučaja ANT Iryna Rambalskaja pakazała svaje harsety na tydni mody ŭ Paryžy9

U mašynie chłopca, što stralaŭ u Trampa, znajšli vybuchoŭku7

Apakalipsis u Mazyry. Štorm nakryŭ Homielščynu8

U Hiermanii biełarus pabiŭsia z małdavaninam. Apošni byŭ parezany

U Indyi ženicca syn samaha bahataha čałavieka krainy. Na viasielle patracili šalonyja hrošy13

Łukašenka achviaravaŭ ministram: jak i za što pazbaŭlalisia ad samych važnych čynoŭnikaŭ jaho sistemy

Marharyta Laŭčuk vypuściła pieśniu, jakuju zapisała razam z mužam5

Eduardu Babaryku prysudzili dadatkova bolš, čym paŭtara hoda1

bolš čytanych navin
bolš łajkanych navin

Jakimi buduć vybary 2025 hoda? Razvažajuć Viačorka, Łatuška i Šrajbman4

Jakimi buduć vybary 2025 hoda? Razvažajuć Viačorka, Łatuška i Šrajbman

Hałoŭnaje
Usie naviny →