Zdaroŭje33

Pamiać pažyłych ludziej moža značna palepšyć terapija pachami

Daśledavańni pakazali, što ŭ pažyłych ludziej, jakija nočču ŭdychali peŭnyja vodary, nazirałasia palapšeńnie pamiaci na 226%. Vučonyja spadziajucca, što heta dapamoža ŭ lačeńni demiencyi.

Navukoŭcy daŭno viedajuć, što strata zdolnaści adčuvać pachi moža pradkazać raźvićcio amal 70 nieŭrałahičnych i psichijatryčnych zachvorvańniaŭ. Da ich adnosiacca chvaroba Alchiejmiera i inšyja formy demiencyi, chvaroba Parkinsana, šyzafrenija i ałkahalizm. Jość śviedčańni ab suviazi pamiž strataj niuchu z-za COVID i nastupnym paharšeńniem kahnityŭnych funkcyj.

Raniej było vyjaŭlena, što ŭździejańnie na ludziej ź siaredniaj stupieńniu demiencyi da 40 roznych pachaŭ dvojčy ŭ dzień na praciahu vyznačanaha pieryjadu času palapšała ich pamiać i moŭnyja navyki, źmianšała depresiju i pavyšała zdolnaści niuchu.

Kamanda niejrabijołahaŭ z Kalifarnijskaha ŭniviersiteta vyrašyła pasprabavać pieratvaryć hetyja viedy ŭ prosty i nieinvaziŭny instrumient baraćby z demiencyjaj.

Vučonyja praviali daśledavańnie, udzielnikami jakoha stali mužčyny i žančyny va ŭzroście ad 60 da 85 hadoŭ biez parušeńnia pamiaci. Ich padzialili na dźvie hrupy. Usim dali dyfuzar i siem kartrydžaŭ, u kožnym ź jakich znachodziŭsia peŭny vid aramatyčnaha aleju.

Udzielniki pieršaj hrupy atrymali kartrydžy z poŭnaj dozaj aleju. A ŭ kartrydžach, što atrymała kantrolnaja hrupa, alej byŭ u nievialikaj kolkaści. Udzielniki kožny viečar pierad snom stavili novy kartrydž u dyfuzar, i jon raspylaŭ źmieściva na praciahu dźviuch hadzin, pakul jany spali. Ekśpierymient doŭžyŭsia šeść miesiacaŭ.

Kahnityŭnyja zdolnaści praviaralisia z dapamohaj testu na zapaminańnie słovaŭ u pačatku ekśpierymienta i ŭ kancy. Udzielniki pieršaj hrupy pakazali rost kolkaści słovaŭ, jakija jany zapomnili, na 226 %. Jany taksama paviedamili, što ich son staŭ bolš mocnym.

Zdymak hałaŭnoha mozhu ŭdzielnikaŭ pieršaj hrupy taksama pakazaŭ lepšuju strukturu levaha kručkapadobnaha pučka — pučka vałoknaŭ niervaŭ, jakija złučajuć siaredniuju skronievuju dolu, jakaja adkazvaje za pamiać, ź pieradfrantalnaj karoju, jakaja adkazvaje za pryniaćcie rašeńniaŭ. Z uzrostam jon asłablajecca i stanovicca ŭstojlivym da paškodžańniaŭ.

Jak adznačajuć vučonyja, u adroźnieńnie ad inšych pačućciaŭ, impuls niuchu dachodzić da mozhu imhnienna, bo nierv, adkazny za pieradaču sihnałaŭ niuchu, źviazany z mozham napramuju. U toj čas, jak infarmacyja ad inšych orhanaŭ pačućciaŭ pierad tym, jak patrapić da peŭnych adździełaŭ kary mozhu, spačatku prachodzić praz tałamus.

Adnak, u adroźnieńnie ad zroku, jaki my karektujem akularami, ci słychu, jaki my palapšajem słychavymi aparatami, niama nijakaha sposabu adnavić stratu niuchu, što moža niehatyŭna adbicca na pamiaci i kahnityŭnych zdolnaściach.

Kamanda daśledčykaŭ choča praciahnuć vyvučać upłyŭ hetaj techniki na ludziej z dyjahnastavanym źnižeńniem kahnityŭnych zdolnaściaŭ. Jany spadziajucca, što ich adkryćcio pryviadzie da aktyvizacyi daśledavańniaŭ niuchalnaj (alfaktarnaj) terapii parušeńniaŭ pamiaci.

Čakajecca, što pradukt, zasnavany na daśledavańni i pryznačany dla vykarystańnia ŭ domie, źjavicca na rynku ZŠA hetaj vosieńniu.

Čytajcie jašče:

Narkotyki dazvalajuć adkryć užo zakrytyja vokny mahčymaściaŭ dla navučańnia

«Ja b nie stała suśvietna viadomaj parfumierkaj, kali b nie naradziłasia ŭ Biełarusi». Safija Hrojsman — karaleva vodaraŭ z Navahradčyny

«Žyvu z pachavymi halucynacyjami. Smuzi dla mianie — nievynosny smurod». 22-hadovy biełarus paŭtara hoda paśla kavidu ŭsio jašče pakutuje

Kamientary3

  • Anatol Starkou
    06.09.2023
    Niapraŭda. Tolki kalifarnijskaje kabierne. Butelka ŭ tydzień.
  • 146% maju pamiać užo ničym nie palepšyć
    06.09.2023
    nakolki-nakolki % ?
  • Anatol Starkou
    06.09.2023
    Nu dobra, krychu pažartavaŭ ja (na 0,75 litra kabierne), a zaraz surjozna. Mnie na nosie 72.
    Z paŭhoda tamu kazaŭ vam, što dva razy ŭ hod prychodžu da svajho lekara - tak by mović učastkovaho pa-našamu. I voś da temy: padsovyvaje mnie lekar kamputar - praŭda nia viedaju jak jaho nazvać, ale słova PŁANŠET padyjdzie. U im prahramma pa temie pamiaci takich nie maładych jak ja. Nie budu pierieskazazvać usio. Ale tam treba zapaminać i ličby i słovy i chalera viedaje što jašče. Nie pamiataju tołkam. U vyniku kamputar i proha staviać mnie niejki vynik. Dva razy prachodziŭ toj test i dva razy proha skazała, što pamiać maju. Pakul što.

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Usie naviny →
Usie naviny

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu4

Kamała Charys zaručyłasia davieram usich lidaraŭ Demakratyčnaj partyi1

Kamału Charys užo padtrymali Klintany, Abama maŭčyć

Jak apytańni aceńvajuć šansy Kamały Charys pieramahčy Donalda Trampa na vybarach u ZŠA1

Afiora na 3 młrd: Nestlé hadami pradavała vadu z krynic ź fiekalijami i bakteryjami pad vyhladam pryrodnaj minieralnaj9

Chto takaja Kamała Charys — kandydatka ŭ prezidenty ZŠA ad demakrataŭ zamiest Bajdena8

Miž tym u Bajdena navat hałava nie tresłasia28

bolš čytanych navin
bolš łajkanych navin

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Hałoŭnaje
Usie naviny →