Alaksandr Łukašenka 10 śniežnia naviedaje Maskvu z pracoŭnym vizitam pa zaprašeńni prezidenta Rasijskaj Fiederacyi Dźmitryja Miadźviedzieva, paviedamiła pres-słužba Kramla.

Kiraŭniki dziaržaŭ voźmuć udzieł u čarhovym pasiadžeńni Vyšejšaha dziaržaŭnaha savieta Sajuznaj dziaržavy Rasii i Biełarusi, havorycca ŭ paviedamleńni.

Jak raniej paviedamlałasia, na sustrečy ź dziaržaŭnym sakratarom Sajuznaj dziaržavy Paŭłam Baradzinym 3 śniežnia ŭ Minsku Alaksandr Łukašenka vykazaŭ nieŭrazumieńnie nakont pieranosu pasiadžeńnia Vyšejšaha dziaržsavieta z 8 na 10 śniežnia.

Razam z tym, pavodle jaho słoŭ, u cełym dla biełaruskaha boku heta nie pryncypova. «Čamu rasijanie nie chočuć vośmaha pravodzić, a dziesiataha? Ale dla nas heta nie pryncypova, kali tam niama niejkich padvodnych płyniaŭ», — cytavała Łukašenku pres-słužba prezidenta.

Tema była zakranutaja ŭ suviazi z tym, što 8 śniežnia spaŭniajecca 10 hadoŭ z dnia padpisańnia Dahavora ab stvareńni Sajuznaj dziaržavy Biełarusi i Rasii.

Paradak dnia majučaha adbycca pasiadžeńnia VDS u Maskvie praduhledžvaje razhlad kiraŭnikami dziaržaŭ 17 pytańniaŭ. Asnoŭnym pytańniem budzie abmierkavańnie sumiesnych dziejańniaŭ Biełarusi i Rasii pa pieraadoleńni nastupstvaŭ suśvietnaha finansava-ekanamičnaha kryzisu, palapšeńnia paramietraŭ płaciežnaha bałansu.

Łukašenka čakaje, što «aprača ŭračystaści, hetaje mierapryjemstva pavinna mieć kankretny praktyčny charaktar».

«10 hadoŭ — heta data, kali treba padvodzić vyniki. Nam daviadziecca kazać ludziam, čaho my dasiahnuli za hety čas. Niedzie, moža apraŭdvacca za toje, što nie zrabili. Ale, tym nie mienš, našamu sajuzu 10 hadoŭ. Jany čakajuć ad nas bolšaha. Chacia byccam by i zroblena niamała», — zajaviŭ biełaruski kiraŭnik 3 śniežnia na sustrečy z Paŭłam Baradzinym.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?