Sidorski: 2010 hod budzie niaprostym dla biełaruskaj ekanomiki

2010 hod budzie niaprostym dla biełaruskaj ekanomiki. Urad znachodzicca ŭ čakańni taho, jakim čynam buduć raźvivacca handlova‑ekanamičnyja adnosiny z Rasijaj, Ukrainaj, krainami ES.

Pra heta zajaviŭ 7 śniežnia premjer‑ministr Siarhiej Sidorski, pradstaŭlajučy supracoŭnikam Ministerstva ekanomiki novaha ministra Mikałaja Snapkova.

Nahadajem, były namieśnik kiraŭnika Administracyi prezidenta Mikałaj Snapkoŭ byŭ pryznačany na pasadu ministra ekanomiki 4 śniežnia.

Niahledziačy na čakanyja ciažkaści, VUP u 2010 hodzie pavinien vyraści na 11—13%, zajaviŭ Sidorski.

Nieabchodna zakłaści rezierv dla ekanamičnaha rostu i vykanańnia prahnoznych pakazčykaŭ, skazaŭ premjer, adznačyŭšy, što pa vynikach hetaha hoda abjom VUP čakajecca na ŭzroŭni 2008‑ha.

Adna z hałoŭnych zadač, jakuju pavinna vyrašyć Ministerstva ekanomiki na čale z novym ministram, — heta paskoryć inavacyjnaje raźvićcio ekanomiki. «Nieabchodna jašče bolš mahutnaja prahrama pa paskoranaj madernizacyi i techničnym pieraŭzbrajeńni halinaŭ», — zajaviŭ Sidorski.

Pavodle jaho słoŭ, dla ŭstojlivaha funkcyjanalnaha raźvićcia realnaha siektara ekanomiki dziaržava maje namier akazvać padtrymku. Ale tolki efiektyŭnaj vytvorčaściu, padkreśliŭ premjer. Pakul ža, dadaŭ Sidorski, takaja padtrymka akazvajecca praź Minekanomiki «ŭsim i ŭsia».

Kiraŭnik urada taksama źviarnuŭ uvahu novaha ministra na nieabchodnaść pavieličeńnia prytoku ŭ krainu pramych zamiežnych inviestycyj.

Pavodle słoŭ Sidorskaha, prezidentam i ŭradam šmat zroblena ŭ hetym kirunku, ale hetuju rabotu treba ŭzmacnić. U najbližejšyja hady abjom pramych zamiežnych inviestycyj pavinien vyraści da 5 młrd. dalaraŭ za hod, zajaviŭ premjer‑ministr. Heta dazvolić nie tolki madernizavać pramysłovaść, ale i paŭpłyvaje na pakazčyk handlovaha bałansu. «My pavinny na praciahu niekalkich hadoŭ vyjści na stanoŭčaje salda źniešniaha handlu», — abaznačyŭ zadaču Sidorski.

Akramia taho, adznačyŭ jon, treba ŭzmacnić rabotu pa vytvorčaści impartazamiaščalnaj pradukcyi. Siońnia pradpryjemstvy impartujuć roznyja kamplektujučyja, «jakija my možam vyrablać u siabie», kanstatavaŭ premjer‑ministr. Nieabchodna stvarać novyja pradpryjemstvy pa vytvorčaści impartazamiaščalnaj pradukcyi, a taksama adkryvać padobnyja vytvorčaści na dziejnych, skazaŭ premjer.

Jon, u pryvatnaści, źviarnuŭ uvahu na mahčymaści dla vytvorčaści lehkavych aŭtamabilaŭ: «U Biełarusi svabodna možna stavić vytvorčaść lehkavych aŭtamabilaŭ. Praviedzieny pieramovy ź Iranam, Kitajem,

atrymany prapanovy ad italjanskaj kampanii «Fijat».

Kiraŭnik urada taksama zaklikaŭ aparat Minekanomiki źviarnuć uvahu na patencyjał małoha i siaredniaha biźniesu. Pavodle słoŭ Sidorskaha, treba aktyvizavać rabotu pa libieralizacyi ŭmoŭ viadzieńnia pradprymalnickaj dziejnaści i ŭstaranieńni administracyjnych barjeraŭ.

Premjer nahadaŭ ab pastaŭlenaj zadačy — uvajści ŭ tryccatku lepšych krain śvietu pa ŭmovach viadzieńnia biźniesu.

U pierśpiektyvie jon ličyć mahčymym stavić zadaču ab uvachodžańni ŭ pieršuju dziesiatku takich krain.

• 0
• 0
• 0
• 0
• 0
• 0
• 0
• 0