Były kiraŭnik rasijskaha Minfina abvinavaciŭ u padzieńni rubla «zavisłyja» indyjskija rupii
Rasijski ekanamist Michaił Zadornaŭ, były kiraŭnik rasijskaha Minfina jašče ŭ časy Barysa Jelcyna, napisaŭ u kałoncy dla vydańnia RBK, što pryčynaj ciapierašniaha mocnaha padzieńnia rasijskaha rubla mohuć być rupii, jakimi Indyja raźličvajecca za pastaŭlenyja Rasijaj enierhanośbity.
«Jašče adna nievidavočnaja pryčyna pasłableńnia — «zaviśli» rupii. Rasija pastaviła ŭ Indyju nafty i naftapraduktaŭ u pieršym paŭhodździ na 30 młrd dalaraŭ, a naš impart ź Indyi aceńvajecca prykładna ŭ 6-7 młrd dalaraŭ na hod. Nam niama čaho kuplać u Indyi, ale my nie možam hetyja rupii viarnuć, pakolki rupija — niekanviersoŭnaja valuta.
30 młrd dalaraŭ za paŭhoda — bolš, čym usio stanoŭčaje salda biahučaha rachunku», — adznačyŭ Zadornaŭ.
U červieni ahienctva Bloomberg pisała, što na rachunkach rasijskich kampanij u Indyi štomiesiac źbirajecca da miljarda dalaraŭ u rupijach.
Jak ciapier vyhladaje palitźniavoleny Juraś Ziankovič. Jon nie ŭ robie, a ŭ cyvilnym kaściumie10
Kamientary