Vajna55

Bomby, nadrukavanyja na 3D-pryntary: novaja zbroja Ukrainy ŭ abaronie suprać Rasii

Jany tannyja — i na dziva efiektyŭnyja.

Fota: gettyimages

Kali lohkija ručnyja hranaty skidajucca z bieśpiłotnikaŭ, ich zvyčajnaj vahi ŭ rajonie 300 hramaŭ i «zabojnaj siły» časta moža być niedastatkova dla paražeńnia surjoznaj celi. Vydańnie The Economist raspaviadaje pra zbrojnaha majstra-amatara z Kijeva pa mianušcy «Loša», jaki z kampanijaj siabroŭ, pracujučy ŭ siabie doma, skanstrujavaŭ alternatyvu: 800-hramovuju supraćpiachotnuju bombu z cudoŭnaj nazvaj «Zajčyk».

Chłopcy vykarystoŭvajuć 3D-druk, kab vyrabić korpus bomby, jaki zatym adpraŭlajecca na zapaŭnieńnie C4 (vybuchovym rečyvam) i stalovymi askiepkami. Na vyprabavańniach, kaža «Loša», hetaja stalovaja šrapnel uvachodzić u draŭlanyja doški, jak nož u masła.

«Zajčyk» — tolki adzin z prykładaŭ śmiarotnych inavacyj, jakija źjavilisia va Ukrainie za 18 miesiacaŭ paśla poŭnamaštabnaha ŭvarvańnia Rasii. Zapasy mnohich zavodskich bojeprypasaŭ naturalna skaracilisia, ale vybuchovych rečyvaŭ zastajecca pakul dastatkova. Heta dapamahło stvaryć amatarskuju zbrojnuju pramysłovaść dziela zabieśpiačeńnia sałdat na froncie samarobnaj zbrojaj dla vykarystańnia suprać rasijskich zachopnikaŭ.

Kamanda «Lošy» kožny tydzień drukuje płastykavyja abałonki dla kala 1000 «cukierkavych bombaŭ», jak stali nazyvać hetyja samarobnyja vybuchovyja pryłady. Ale ŭkrainski aficer, jaki vystupaje ŭ jakaści vajennaha kantakta kamandy, patrabuje jak minimum 1500 u dzień.

Inšaja hrupa amataraŭ, Druk Army, vyrabiła ŭžo bolš za 30 000 bombaŭ-cukierak za apošnija čatyry miesiacy, i abjomy vytvorčaści tolki rastuć. Jašče bolš pryjazdžaje z-za miežaŭ Ukrainy. Pa padlikach łatvijskaha adździaleńnia «Dzikich pčoł», hrupy vałancioraŭ-zbrojnikaŭ, ź listapada 2022 hoda va Ukrainu ź Jeŭropy było ŭvieziena nie mienš za 65 tysiač bombavych abałonak.

Samarobnyja bojeprypasy, kaniešnie, nie źjaŭlajucca pramoj zamienaj zavodskaj vytvorčaści. Ale ŭ ich jość pieravahi. Z adnaho boku, jany tannyja. Tak, paviedamlajecca, što košt vyrabu konusa nosa, cieła i chvastavoha płaŭnika dla madeli daŭžynioj 27 sm pad nazvaj Big Egg składaje mienš čym 3,50 jeŭra (3,85 dalaraŭ), nie ŭklučajučy vybuchovaje rečyva. Sam 3D-pryntar kaštuje kala 1200 dalaraŭ. Bieź nieabchodnaści pieraabstalavańnia vytvorčych linij bomby-cukierki možna lohka vyrablać u roznych pamierach, što dazvalaje apierataram bieśpiłotnikaŭ najlepšym čynam vykarystoŭvać hruzapadymalnaść kankretnych madelaŭ.

Razumnyja novaŭviadzieńni zrabili bomby na dziva efiektyŭnymi. Tyja, što pryznačanyja dla źniščeńnia piachoty, majuć centralny cylindr, u jaki zapakavanaja vybuchoŭka. Prastora vakoł zapoŭnienaja mietaličnymi askiepkami, jakija vykidvajucca vonki pry detanacyi. Raniej u mnohich bombach u jakaści askiepkaŭ vykarystoŭvalisia ćviki. Ale vyprabavańni vyjavili niedachop, bo ciapło ad vybuchu častkova vyparvała ćviki.

Ale choć bolšyja mietaličnyja kavałki i nie vyparajucca, jany mohuć mieć niepradkazalnuju aeradynamiku: jany mohuć palacieć ŭvierch ci ŭniz u ziamlu, nie dasiahnuŭšy celi. Tamu ciapier pieravahu addajuć šarykapadšypnikam, choć jany niatannyja i deficytnyja. Ukrainski vajennasłužboviec z pazyŭnym «Dziuk» raspaviadaje, što, naprykład, 5-kiłahramovyja bomby-cukierki mohuć paražać piachotu, jakaja znachodzicca ŭ 20 mietrach ad miesca padzieńnia bomby.

Niekatoryja «cukierkavyja» bomby ciapier možna vykarystoŭvać navat suprać braniatechniki. Miedź i aluminij unutry takich bombaŭ sprasavanyja ŭ śpiecyjalna raspracavanuju konusapadobnuju formu. Kali vybuchovyja rečyvy detanujuć, mietały pieratvarajucca ŭ tonki strumień pierahretaj płazmy, jaki moža prabivacca praz braniu (takaja ž technika vykarystoŭvajecca ŭ mnohich sieryjna vyrablenych supraćtankavych bojeprypasach).

Ukrainskija apieratary bieśpiłotnikaŭ śćviardžajuć, što mohuć źniščać rasijskija tanki, skidajučy hetyja bomby vahoj usiaho kala paŭkiłahrama na dach mašyny, dzie brania tančejšaja. 

Zaraz robiacca namahańni pa skaračeńni raznastajnaści bombaŭ i standartyzacyi ich vytvorčaści, u toj čas, jak amatarskaja industryja bombavytvorčaści z kožnym dniom stanovicca ŭsio bolš prafiesijnaj.

Kamientary5

  • Bobr
    06.09.2023
    A ja to dumał płocho pro ukrainciev, kotoryje sriezali vsiu mied́ na objektach. Okazyvajetsia oni nie na złom sdavali, a diełali bomby protiv broniemašin rośsijskich zachvatčikov. Prinošu iźvinienija za svoi domysły
  • Š
    06.09.2023
    Nu a zmyhary dažie A50 nie smohli spaliť
  • Tvoj batchiert
    06.09.2023
    Š, tot A-50 do sich por nie vosstanovili dla poletov, da i u takich kak ty do sich por ot etoj novosti podhorajet, značit effiekt jesť.

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta17

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →