Śviet44

«Adzinaje pytańnie, ci sapraŭdy Šajhu taki tupy». Vajskovy ekśpiert nazvaŭ svaju viersiju katastrofy samalota Pryhožyna

Vajskovy ekśpiert Aleh Ždanaŭ vykazaŭ svaju viersiju katastrofy biźniesdžeta Jaŭhiena Pryhožyna z 10 čałaviekami na borcie i nazvaŭ vierahodnaha, na jaho dumku, zakazčyka. 

Russian investigators are examining a part of Prigozhin's crashed private plane Rośsijskije śledovatieli osmatrivajut časť raźbivšiehosia častnoho samoleta Prihožina Rasijskija śledčyja ahladajuć častku raźbitaha pryvatnaha samalota Pryhožyna
Rasijskija śledčyja ahladajuć častku raźbitaha pryvatnaha samalota Pryhožyna, 24 žniŭnia 2023 h. Fota: AP Photo / Alexander Zemlianichenko

Aleh Ždanaŭ u svaim strymie schilajecca da viersii, što samalot Pryhožyna byŭ źbity SPA pa zmovie vajskoŭcaŭ.

Viersiju, što samalot Pryhožyna byŭ źbity rakietaj «pavietra-pavietra» Ždanaŭ nazyvaje małavierahodnaj.

«Jak praviła rakiety pavietranaha bazavańnia iduć pramym papadańniem. U rakiet «pavietra-pavietra» vykarystoŭvajecca ciepłavizijnaja hałoŭka samanaviadzieńnia. Tamu takaja rakieta patrapiła b u ruchavik».

Ekśpiert źviartaje ŭvahu, što na pieršych fatahrafijach byŭ zaŭvažny inviersijny śled ad rakiety sistemy supraćpavietranaj abarony, jakaja była zapuščana ź ziamli.

Nie vieryć jon i ŭ viersiju pra vybuchoŭku na borcie. 

«Na siońniašni dzień pa niekatorych danych, navat tych, što byli apublikavanyja ŭ adkrytych krynicach, možna vyznačyć, što bomby na borcie nie było. Pa zdymkach vidać, što šasi cełyja. A havorać, što ŭ adsiek z šasi było zakładziena ŭzryŭnoje prystasavańnie. Ale tam nie vidać naharu.

A zatoje na fiuzielažy na pieršych zdymkach, jakija potym vielmi chutka pačało FSB «vyčyščać» ź interneta, kryło, jakoje advaliłasia, usio zrašečanaje askołkami. A heta śviedčyć ab užyvańni rakiety niekantaktnaha dziejańnia sistemy SPA».

U paćviardžeńnie svajoj viersii Ždanaŭ zhadvaje, što niedaloka ad miesca zdareńnia znachodzicca rezidencyja «Vałdaj», jakuju achoŭvaje sistema SPA. Takaja ž była i pieršaja viersija.

Nazyvaje Ždanaŭ i svaju viersiju, chto zamoviŭ zabojstva Pryhožyna. 

«Dumaju, što heta było zroblena vajennymi, heta značyć Šajhu i Hierasimavym. Mienavita jany byli matyvavanyja. Lotčyki byli taksama matyvavanyja źbić i takim čynam adpomścić. Ale heta nie toj pracent», — havoryć jon.

Shoigu and Gerasimov Šajhu i Hieramisaŭ Šojhu i Hierasimov
Ministr abarony Rasii Siarhiej Šajhu i načalnik Hienieralnaha štaba Uzrojenych Sił Rasii Valeryj Hierasimaŭ, śniežań 2022. Fota: Gavriil Grigorov, Sputnik, Kremlin Pool Photo via AP

Ždanaŭ ličyć, što miortvy Pryhožyn bolš niazručny dla Pucina, čym žyvy. 

«Siońnia šmat u jakich haradach (dvanaccaci) staviać miemaryjały Pryhožynu. Miortvy Pryhožyn nie daje spakoju Pucinu. Ludzi pamiatajuć jaho marš, viedajuć jaho pa vajnie jak hieroja», — havoryć Ždanaŭ. Ale pytańnie, ci była sankcyja ad Pucina vajskoŭcam, ekśpiert pakidaje adkrytym.

«Adzinaje pytańnie, jakoje zastajecca adkrytym, — ci sapraŭdy Šajhu taki tupy i padstaviŭ Pucina i zrabiŭ heta pa ŭłasnaj voli, viedajučy hrafik palotaŭ? Bo mienavita SPA luboj krainy vydaje dazvoł na toj ci inšy rejs. Luby niesankcyjanavany palot ci pierachoplivajecca ci źbivajecca. Ci Šajhu atrymaŭ u Pucina sankcyju na heta?» — havoryć Ždanaŭ.

Taksama jon nie zabyŭsia na viersiju insceniroŭki. 

«Zastajecca jašče nievialiki pracent mahčymaści insceniroŭki. Kali cieła Pryhožyna adrazu kremirujuć paśla ekśpiertyzy DNK, to tady hetaja viersija vielmi vierahodnaja. Kali ž cieła budzie navat u zakrytaj trunie, to vialikaja vierahodnaść što heta cieła Pryhožyna», — miarkuje jon.

Bort Jaŭhiena Pryhožyna Embraer ERJ-135BJ Legacy 600 raźbiŭsia ŭ niebie nad Vałdajem za 50 km ad rezidencyi Pucina 23 žniŭnia.

Čytajcie jašče:

SK Rasii paćvierdziŭ hibiel Jaŭhiena Pryhožyna

Cieły zahinułych u avijakatastrofie biznes-džeta Pryhožyna nielha apaznać

Chto tyja ludzi, što zahinuli ŭ avijakatastrofie razam z Pryhožynym

Na miescy krušeńnia samalota znojdzieny telefon Pryhožyna

Kamientary4

  • Prachožy
    29.08.2023
    Ždanaŭ raźbirajecca ŭ artyleryi. Va ŭsim astatnim jon prafan. Kaliści vierz takuju achinieju pra navihacyjnuju sistemu i SPA, što było vidavočna, što jon słaba pietryć u fizičnych asnovach źjaŭ. Miž tym imkniecca być i tam "ekśpiertam". Ja dumaju, što jaho "ekśpiertnaj zaklučeńnie" nazyvajecca chajpam.
  • Janka
    29.08.2023
    Ždanaŭ, Śvitan, Fiodaraŭ - Ukrainu padtrymlivaju, ale hetych "ekśpiertaŭ" užo daŭno nie hladžu.
  • Aha
    29.08.2023
    Prachožy, heta toj rasiejskamoŭny, što "Biełoruśsija" vymaŭlaje? 

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Čarha lehkavych aŭto na ŭjezd u Polšču ź Biełarusi pavialičyłasia ŭ čatyry razy5

Juryj Čyž pajšoŭ u rasijski sud, kab pazmahacca za svoj małakazavod u Hielendžyku

Jak transhiendar abvaliŭ prodažy samaha papularnaha amierykanskaha piva15

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam23

Nie rabicie hetuju pamyłku ŭ zachoŭvańni chleba5

Nazirajecca maštabny zboj elektroniki pa ŭsim śviecie. Aeraporty admianiajuć paloty13

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →