Ekanomika88

Jak vyhladaje ekanamičnaje supracoŭnictva Polščy ź Biełaruśsiu napiaredadni mahčymaha zakryćcia miežaŭ. Zdajecca, Polščy jość što hublać

Polšča razam z krainami Bałtyi razhladaje varyjant poŭnaha zamarožvańnia pamiežnaha ruchu ź Minskam praz hibrydnyja pahrozy, što iduć z uschodu. Jaki handal źviazvaje siońnia Polšču i Biełaruś, raspaviali polskija ekśpierty. 

 Polish-Belarusian border Polsko-biełorusskaja hranica Polska-biełaruskaja miaža
Polska-biełaruskaja miaža. Fota: Polska Straż Graniczna

Jak adznačaje polskaje vydańnie Dziennik. Gazeta Prawna, asnoŭnyja tavary polskaha ekspartu ŭ Biełaruś — heta sadavina, aharodnina i pradukty charčavańnia. Taksama nam pastaŭlajuć papieru, palimiery, vyraby z płastmasy, leki, mietałakanstrukcyi z čornych mietałaŭ dla aŭtamabilaŭ i traktaroŭ.

U svaju čarhu, asnoŭnymi tavarami biełaruskaha ekspartu ŭ Polšču źjaŭlajucca tramvai, draŭnianastružkavyja plity, bahažnyja, paštovyja i inšyja vahony, kalijnyja ŭhnajeńni i kamienny vuhal.

U handli ź Biełaruśsiu Polšča maje stanoŭčy handlovy bałans. Jana pastaŭlaje nam bolš, čym nabyvaje ŭ nas.

Tak, košt polskaha ekspartu ŭ Biełaruś za ŭvieś 2022 hod dasiahnuŭ uzroŭniu prykładna 7,1 młrd złotych (0,7% polskaha ekspartu). Cikava, što heta bolš, čym u 2019 i 2020 hadach. Impart ź Biełarusi składaje kala 4,5 młrd złotych (0,4% polskaha impartu).

A što sankcyi?

Ekśpierty tłumačać, čamu, niahledziačy na sankcyi, uviedzienyja ŭ sakaviku 2022 hoda, nazirajucca takija ličby.

Pa-pieršaje, u Biełarusi da hetaha času pracuje mnostva polskich kampanij. Usiaho niekalki hadoŭ tamu ich było kala 400, ale i ciapier mnohija ź ich usio jašče pracujuć.

Naprykład, svoj zavod maje šviejnaja kampanija CDRL (joj naležyć i sietka kram «Buślik») i Atlas Group — vytvorca budaŭničaj chimii. Niekatoryja polskija meblevyja kampanii, naprykład, Szynaka Meble, taksama pracujuć u Biełarusi. Praź źmieny ŭ biełaruskim zakanadaŭstvie hetyja kampanii nie mohuć pradać ci pieradać svaje aktyvy.

Pa-druhoje, kampanii z rasijskim i biełaruskim kapitałam mohuć biez abmiežavańniaŭ rehistravać kampanii ŭ Polščy, časam praz svaje daččynyja kampanii ź inšych krain Jeŭrasajuza. 

Takija kampanii nie padpadajuć pad sankcyi, jany biaruć na siabie rolu padsankcyjnych kampanij u łancužku pastavak, i ekspart na papiery pavialičvajecca.

U 2023 hodzie handal Polščy ź Biełaruśsiu pavialičyŭsia. Tak, za pieršaje paŭhodździe polski ekspart skłaŭ 5,57 młrd złotych, što na 40% bolš za pakazčyk minułaha hoda. Jon vyras u asnoŭnym za košt transpartnych srodkaŭ, mašyn i abstalavańnia, a taksama pradukcyi chimičnaj pramysłovaści.

Što ž tyčycca impartu ź Biełarusi, to ličby havorać ab dziejańni sankcyj. Pavodle źviestak Hałoŭnaha statystyčnaha ŭpraŭleńnia Polščy, u pieršym paŭhodździ hetaha hoda kraina impartavała ź Biełarusi tavaraŭ na sumu krychu bolšuju za 1 młrd złotych. Dla paraŭnańnia, hod tamu jana składała 3,2 młrd złotych.

Situacyju ŭskładniaje prypynieńnie z 1 červienia 2023 hoda pryhraničnaha ruchu praź miažu z Respublikaj Biełaruś dla hruzavych aŭtamabilaŭ, motaciahačoŭ, pryčepaŭ, u tym liku paŭpryčepaŭ, i aŭtapajazdoŭ, zarehistravanych na terytoryi Respubliki Biełaruś abo Rasijskaj Fiederacyi.

Dalejšyja mahčymyja sankcyi, biezumoŭna, abmiažujuć handal pamiž dźviuma krainami. Adnak heta akaža bolšy ŭpłyŭ na ekanomiku Biełarusi.

«Varoty z Kitaja ŭ Jeŭrapiejski sajuz»

Inšaje pytańnie — tranzit praź Biełaruś. Vydańnie nahadvaje, što praz našu krainu prachodziać jak naftapravody, tak i ŭvieś najvažniejšy handlovy maršrut z Kitaja. Tolki za pieršaje paŭhodździe 2021 hoda praź Biełaruś prajechała 380 tysiač kantejnieraŭ z Kitaja.

Pamiežny vuzieł Małaševičy na miažy ź Biełaruśsiu aceńvajecca polskim łahistyčnym apierataram čyhunačnych pieravozak tavaraŭ (PKP Cargo) jak «varoty z Kitaja ŭ Jeŭrapiejski sajuz». Pytańnie błakavańnia tranzitu, biezumoŭna, moža stać elemientam cisku na biełaruskija ŭłady.

Akramia taho, jak adznačaje Dziennik. Gazeta Prawna, biełaruski palityčny režym zarablaje na kantrabandzie cyharet i zakryvaje vočy na kantrabandu narkatyčnych rečyvaŭ, jakija iduć praz krainu pa maršrucie Kabuł — Amsterdam. U pieršuju čarhu heta opium i pradukty ź jaho, a taksama hašyš.

Zakryćcio miežaŭ, kaniečnie, akaža niehatyŭny ŭpłyŭ na dziejnuju ŭładu, chacia kantrabandysty ŭžo vykarystoŭvajuć, naprykład, bieśpiłotnyja latalnyja aparaty.

Ci jeduć turysty?

Što da turystyčnych pajezdak palakaŭ u Biełaruś, to, niahledziačy na dziejańnie biaźvizavaha režymu, jaki ŭviała Biełaruś da kanca 2023 hoda, usio mienš ludziej, jak adznačaje polskaje vydańnie, ździajśniajuć pajezdki ŭ našu krainu. Žurnalisty paviedamlajuć, što ŭ ahienctvach u Biełastoku, jakija kaliści prapanoŭvali pajezdki, im adkazali, što ciapier jany adbyvajucca «vielmi redka» i «epizadyčna».

Čytajcie jašče:

Łukašenkaŭski «biaźviz» uziaŭ čarhovuju vyšyniu — bolš za paŭmiljona čałaviek. Ale heta nie ŭnikalnyja naviedvalniki

«Rehistrujem numary mašyn u Litvie, firmy — u Polščy i praciahvajem vazić». Dalnabojniki raskazali, jak ciapier jeździać praz polska-biełaruskuju miažu

U Biełarusi lehalizujuć šery impart dla abychodu sankcyj. Raźbirajemsia, što heta značyć

U Polščy vyjavili rekordny hruz kantrabandnych biełaruskich cyharet — na $9,7 młn

Kamientary8

  • daviedka
    28.08.2023
    V biełorusskom ritiejle do niedavnich por dostatočno široko była priedstavlena produkcija iz Polši.
    «Jevrotorh» importirujet i prodajot v svoich intierniet-mahazinach polskij majoniez Roleski, kietčup Heinz, tualetnuju bumahu Regina (importiorom zajavlen Parfiumbytchim, sieť Miła), zubnuju pastu Elmex, kotoraja dažie po cienie sopostavima s polskoj (~7 bieł rub.), čto  obchodiłoś v dva-tri raza diešievle, čiem v ostalnych biełorusskich mahazinach i aptiekach, pravda, užie nieskolko niediel nie dostupna dla zakaza, a ta, čto rasprodavałaś pośledniej, była izhotovlena hod nazad.
  • Bobr
    28.08.2023
    Imcho, my nazyvajem siebia biełopolakami). Racionalnoje zierno jesť v vašich rassuždienijach, no Polšie horazdo był vyhodien Łukašienko do 2020, tiem siejčas. Poetomu sčitať Polšu vinovnikom nie umiestno. Rośsija, da, oni ułovili protiestnoje nastrojenije obŝiestva i umieło im vospolzovaliś
  • Imcho
    28.08.2023
    Bobr, vy płocho pročitali moj kommientarij. Ja nie sčitaju Polšu vinovniciej, ja liš napisał čto imienno Polša v itohie stała hłavnym vyhodapołučatielem protiestov 2020 hoda i privieł svoi dovody počiemu ja tak sčitaju. Eto sovieršienno raznyje vieŝi byť vinovnikom i połučať vyhodu iz słoživšiejsia situacii. Vinovnikov ja ukazał pośledniem priedłožienii mojeho kommientarija.

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

«Vostraŭ čyścini» kančatkova likvidujecca1

Byłuju žonku śpievaka Rusłana Muśvidasa taksama sudzili za pratesty

Palitviazień Dzianis Ivašyn prysłaŭ baćkam parady, jak pieražyć śpioku: Nijakich vychadaŭ u ciaplicu

50 dzieciam admovili. U biełaruskamoŭnaj himnazii Vilni zamała miescaŭ, baćki prosiać nabirać bolš kłasaŭ11

Iłan Mask zajaviŭ, što zhubiŭ syna z-za błakataraŭ pałavoha vyśpiavańnia24

U Franciška Skaryny ŭ Prazie skrali piaro — heta zdaryłasia nie ŭpieršyniu3

Zamiežniki pišuć u sacsietkach, što źbirajucca ŭ Biełaruś pa biaźvizie. A ich uprošvajuć pieradumać11

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →