Fota: telehram-kanał Andreja Jermaka

Fota: telehram-kanał Andreja Jermaka

Unačy Rasija naniesła rakietny ŭdar pa Pałtaŭščynie i pa Kryvym Rohu. Viadoma pra razbureńni i sama mieniej pra dvuch zahinułych. Pavietranyja siły zajavili ab źbićci čatyroch rakiet z šaści zapuščanych, piša Bi-bi-si.

Kiraŭnik Pałtaŭskaj vobłaści Dźmitryj Łunin paviedamiŭ ab načnym udary pa rehijonie. Jość traplańnie ŭ pramysłovy abjekt — całkam razburany vytvorčy cech. Ludzi pracavali ŭ načnuju źmienu.

Dva čałavieki zahinuli, a dvoje dastaŭlenyja ŭ balnicu ź niaznačnymi paškodžańniami.

Praciahvajucca pošukavyja raboty i razbor zavałaŭ, pad jakimi mohuć być jašče niekalki rabotnikaŭ.

Fota: telehram-kanał Andreja Jermaka

Fota: telehram-kanał Andreja Jermaka

Kiraŭnik Ofisa prezidenta Andrej Jarmak ranicaj udakładniŭ, što rasijanie nanieśli rakietny ŭdar pa pasiołku Hohaleva kala Mirharada. U vyniku vybuchu adbyłosia ŭzharańnie pamiaškańnia masłabojni.

Taksama ranicaj rasijskaja armija ŭžyła taktyčnuju avijacyju z paŭdniovaha kirunku i ŭdaryła rakietami pa Kryvym Rohu.

Razburany dva leciščy, a jašče piać — paškodžany. Ułady kažuć, što abyšłosia biez zahinułych i paciarpiełych.

Pavietranyja siły paviedamili, što rasijanie nanieśli ŭdar rakietami marskoha i pavietranaha bazavańnia.

Čatyry kryłatyja rakiety «Kalibr» vypuścili z frehata z akvatoryi Čornaha mora blizu Fieadosii.

Taksama ŭžytyja dźvie kiravanyja avijacyjnyja rakiety Ch-59 z dvuch samalotaŭ Su-34, jakija rasijanie nakiravali ŭ napramku Kryvoha Roha z pavietranaj prastory akupavanaj Chiersonščyny.

Čytajcie taksama:

U Minabarony Ukrainy zajavili pra vyzvaleńnie siała Rabocina ŭ Zaparožskaj vobłaści

Ukraina i Rasija viaduć bai za «vyški Bojki» ŭ Čornym mory — brytanskaja raźviedka

Mer Maskvy paviedamiŭ pra čarhovuju ataku bieśpiłotnika

Клас
1
Панылы сорам
0
Ха-ха
0
Ого
0
Сумна
1
Абуральна
7