«Majo ščaście zaŭsiody sa mnoj» — Budanaŭ raspavioŭ, dzie jaho žonka
Načalniku Hałoŭnaha ŭpraŭleńnia raźviedki Minabarony Kiryłu Budanavu i jaho žoncy Marjanie padčas vajny nie davodzicca pieražyvać dadatkovaje vyprabavańnie rasstańniem, bo jany znachodziacca razam kruhłasutačna. Takoje pryznańnie 37-hadovy Budanaŭ zrabiŭ u intervju «Radyjo Svaboda», piša Tabloid.
«Majo ščaście zaŭsiody sa mnoj, tamu što maja žonka žyvie sa mnoj u ofisie, 24 na 7. Raniej ja išoŭ na pracu — viartaŭsia dadomu, a ciapier…» — padzialiŭsia jon.
Na pytańnie, ci ramantyčny jon čałaviek, Budanaŭ nie adkazaŭ, maŭlaŭ, heta lepš viedaje žonka. A jašče jon «padkarektavaŭ» historyju, jakuju ŭ svoj čas raspaviadała ŭ intervju Marjana: jak u pieršyja tydni poŭnamaštabnaha ŭvarvańnia jon paradavaŭ jaje ŭ dzień naradžeńnia samarobnaj paštoŭkaj i bukietam ciulpanaŭ, jakija dzieści znajšoŭ.
«Niapraŭda. Nijakaha bukieta ja nie znajšoŭ. U toj čas troški było nie da kvietak, i mnie tak zdajecca, što asabliva ich i nie pradavali. Nu, moža, i pamylajusia, ale ja tady nie znajšoŭ… Ja zrabiŭ sa stykieraŭ, jak u pieršym kłasie, kvietku takuju. Usio što zmoh u toj momant», — adznačyŭ kiraŭnik HUR.
Marjana Budanava — psichołah pavodle adukacyi, daradca mera Kijeva Vitala Kličko ŭ pytańniach vyjaŭleńnia i praduchileńnia karupcyi ŭ śfiery maładziožnaj palityki i sportu.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki19
Kamientary
Nu ŭjavicie, što napisana pra škodnaść, kali nie USSR, a BSSR zajmajecca niejkaha licha moładzievymi palitykaj i sportam.
ato
šče jak
Vzhlad čiestnyj u ŝasťja! Hoblen vierit