Hramadstva77

Byłoha načalnika navapołackaj milicyi sudzili za niepadparadkavańnie jaho kolišnim kaleham. Ale pakarać jaho ciažka, bo jon deputat 

U pačatku žniŭnia byŭ zatrymany były načalnik navapołackaj milicyi Uładzimir Dubroŭski (pasadu kiraŭnika HAUS jon zajmaŭ da viasny 2022 hoda). «Naša Niva» daviedałasia padrabiaznaści.

Uładzimir Dubroŭski. Fota: novaya.by

Jak paviedamiŭ «Biełpoł» sa spasyłkaj na svaje krynicy, unočy z 4 na 5 žniŭnia Dubroŭski jechaŭ z połackaj restaracyi «Hrand Pab» i ledź nie ŭrezaŭsia ŭ budynak. Kali na miesca zdareńnia pryjechaŭ narad DAI, Dubroŭski admoviŭsia sieści ŭ słužbovuju mašynu, akazaŭ supraciŭleńnie supracoŭnikam milicyi i adnamu ź ich parvaŭ formiennuju kašulu.

«Biełpoł» śćviardžaje, što były milicejski načalnik byŭ u niećviarozym stanie.

Dubroŭskaha zatrymali, ale nienadoŭha: jon źjaŭlajecca dziejnym deputatam Navapołackaha harsavieta, i ŭ adpaviednaści z zakanadaŭstvam jaho musili adpuścić, jak tolki vyśvietliłasia hetaja akaličnaść.

Jak daviedałasia «Naša Niva», 7 žniŭnia Uładzimira Dubroŭskaha sudzili ŭ Połackim haradskim sudzie za niepadparadkavańnie zakonnym patrabavańniam supracoŭnika milicyi pavodle art. 24.3 KaAP. Spravu razhladaŭ sudździa Viktar Balika.

Zhodna z hetym artykułam, vinavaty moža być pakarany štrafam ad 2 da 100 bazavych vieličyniaŭ abo aryštam. Pakolki Dubroŭski źjaŭlajecca deputatam Navapołackaha harsavieta, u adpaviednaści z artykułam 6.6 Pracesualna-vykanaŭčaha kodeksa (č. 2 p. 6) asobaŭ u takim statusie pakarać administracyjnym aryštam nielha.

Ci byŭ Uładzimir Dubroŭski aštrafavany i ŭ čym dakładna była sutnaść pasiedžańnia, Redakcyi nieviadoma.

Adnak rašeńnie Połackaha suda deputat asprečvaŭ u Viciebskim abłasnym sudzie 16 žniŭnia. 

Žycharka Navapołacka patelefanavała Uładzimiru Dubroŭskamu, ale toj nie zachacieŭ havaryć pra sud. Deputat abarvaŭ telefonnuju razmovu, zaprasiŭšy na pryjom. 

Padčas pracy na pasadzie kiraŭnika HAUS Dubroŭski ščyravaŭ u pošukach i pakarańniach udzielnikaŭ pratestaŭ suprać vynikaŭ minułaj prezidenckaj vybarčaj kampanii. Pa vynikach pracy za 2020 hod Navapołacki HAUS byŭ pryznany najlepšym siarod adździełaŭ milicyi Viciebskaj vobłaści. Jahony kiraŭnik «za značny ŭniosak va ŭmacavańnie pravaparadku» byŭ uznaharodžany korcikam. Taksama za čas słužby ŭ Navapołackim HAUS (z 2011 hoda) jon byŭ uhanaravany miedalami «Za biezdakornuju słužbu» troch stupieniaŭ i nahrudnym znakam «Hanarovy supracoŭnik MUS».

Paśla sychodu ź milicyi Dubroŭski pracuje admysłoŭcam pa infarmacyi i ekanamičnaj biaśpiecy AAT «EdziTek» (raniej pradpryjemstva nazyvałasia «ŁŁK-NAFTAN», ale ŭ 2021 hodzie źmianiła nazvu, kab nie trapić pad sankcyi ZŠA).

«Naša Niva» — bastyjon biełaruščyny

PADTRYMAĆ

Kamientary7

  • daviedka
    25.08.2023
    Kohda pjanymi za rulom łoviat priedsiedatielej rajispołkomov, to prichoditsia ich otpuskať biez dazvołu Łukašienko.
  • hoblen
    25.08.2023
    Pravilno! Pieried zakonom vsie ravny! 😎
  • Brihada
    25.08.2023
     pracuje admysłoŭcam pa infarmacyi i ekanamičnaj biaśpiecy AAT «EdziTek» 
    =========================================
    Hovoria po-prostomu, eto mientovskaja kryša. Jeśli u boleje-mienieje sieŕjoznoho biźniesa niet takoj kryšie v vidie siłovika-otstavnika, to bystro otožmut. Strana dla siłovikov i činovnikov. 

Voś čamu ŭ Kitai mohuć prysłuchoŭvacca da Polščy13

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie8

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom4

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

Pres-sakratar polskaha MZS pra adnosiny ź Biełaruśsiu: Čakajem pieršaha realnaha kroku ź biełaruskaha boku8

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy13

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →