Prostyja inhredyjenty, niezabyŭnyja ŭspaminy. Ciažka ŭjavić sabie niešta lepšaje dla sustrečy.
Dla śmiatannaha žele ź piersikami nam spatrebiacca nastupnyja inhredyjenty: paraškovaje piersikavaje žele, śmiatana 20% tłustaści, śviežyja abo kansiervavanyja piersiki, vada.
U misku nasypajem parašok žele sa smakam piersika. Kali vy hatujecie žele nie ź piersikami, a, skažam, z malinami, to i žele treba brać z adpaviednym smakam — malinavaje.
Zalivajem žele kipniem, pałovaj nazvanaj u instrukcyi da jaho normy. Takim čynam, kali ŭ instrukcyi kažuć, što treba 400 mł vady, to my biarem 200. Źmiešvajem žele, kab nie zastavałasia krupinak.
Pakidajem žele astudžvacca, a piersiki narazajem. Na 3 porcyi žele lepš brać 240 hramaŭ piersikaŭ — heta blašanka na 420 hramaŭ, kali ŭ vas kansiervavanyja. Ale možna i mienš, kali stolki niama.
Raskładvajem piersiki ŭ kremanki abo fužery. Abo možna astudzić žele ŭ adnoj vialikaj pasudzinie i paśla parezać na kavałki. Častku pakińcie na ŭpryhožvańnie.
200 hramaŭ śmiatany pierakładvajem u misku i ŭźbivajem miksieram kala chviliny.
Ulivajem u śmiatannuju masu chałodnaje žele i ŭźbivajem, uźbivajem, uźbivajem sumieś jašče chvilinu.
Pieralivajem žele ŭ zručny posud z nosikam. Raźlivajem śmiatannaje žele ŭ kremanki ź piersikami abo vykładvajem kavałki na spodački i raskładvajem reštu piersikaŭ na pavierchni kožnaj porcyi.
Akuratna stavim u chaładzilnik i trymajem tam, pakul kansistencyja nie stanie želejnaj.
Smačna jeści! Dobra sustrecca!
Kamientary
Dyk voś ŭ čym sprava! A ja ŭsio dumaŭ, čamu heta ŭ mianie nie atrymlivajecca malinavaje žele z parašku sa smakam piersika.