Kino

Sieryjał pa kultavaj hulni Fallout vyjdzie ŭ 2024 hodzie

Kampanija Prime Video abviaściła, što premjera budučaj adaptacyi papularnaj videahulni Fallout adbudziecca na stryminhavym servisie ŭ 2024 hodzie.

Vyjava: Prime Video/Bethesda

Fallout — heta rolevaja videahulnia (RPG) 1997 hoda, dziejańnie jakoj adbyvajecca ŭ postapakaliptyčnym, retrafuturystyčnym śviecie siaredziny XXII stahodździa paśla hłabalnaj jadziernaj vajny pamiž Złučanymi Štatami i Kitajem. Pa siužecie hałoŭny hieroj, Žychar Schovišča (Vault Dweller), žyvie ŭ padziemnym jadziernym Schoviščy 13.

Paśla naładžvańnia svajho piersanaža hulec maje abšukać navakolnuju pustku ŭ pošukach kampjutarnaha čypa, jaki moža vypravić zboj sistemy vodazabieśpiačeńnia Schovišča. Hulcy ŭzajemadziejničajuć ź inšymi vyžyłymi, paralelna zmahajučysia suprać vaŭkałakaŭ/zombi, robataŭ-zabojcaŭ, nalotčykaŭ i inšych niebiaśpiek.

Telesieryjał Fallout byŭ pieršapačatkova anansavany ŭ 2020 hodzie. Detalaŭ ab prajekcie mała, adnak viadoma, što šouranierami vystupiać stvaralniki chitovaha sieryjała HBO «Westworld» («Śviet Dzikaha Zachadu») Liza Džoj i Džonatan Nołan (jon ža brat papularnaha režysiora Krystafiera Nołana). TechCrunch paviedamlaje, što asnoŭny akciorski skład taksama ŭžo viadomy z roznych krynic. Siarod inšych u sieryjale zdymucca: Uołtan Hohins (viadomy pa sieryjale «The Shield»), Kajł Makłachlen (kultavy ahient Kupier z «Tvin Piks»), Zielija Miendes-Džons i Aran Moten.

Niahledziačy na ​​​​toje, što aficyjny trejler da videaadaptacyi hulni jašče nie apublikavany, Prime Video vypuścili zakulisny rolik u kastryčniku 2022 hoda.

Akramia taho, u 25-y dzień naradžeńnia hulni stryminhavy siervis apublikavaŭ vyjavu dźviarej schovišča i troch ludziej ź ličbaj 33, što aznačaje, vierahodna, Schovišča 33.

Franšyza videahulniaŭ Fallout maje vialikuju i addanuju bazu prychilnikaŭ, pačynajučy z momantu vychadu pieršaj hulni ŭ 1997 hodzie. Samaja apošniaja hulnia, Fallout 76, była zapuščana ŭ 2018 hodzie i była pradadziena tyražom u 1,4 miljona kopij u hod vypusku na SuperData Arcade.

Prychilniki hulni spadziajucca, što novaje telešou Prime Video stanie vialikim chitom i sieryjał zmoža dałučycca da mnohich paśpiachovych ekranizacyj videahulniaŭ, jakija debiutavali niadaŭna, takich jak The Last of Us, The Super Mario Bros. Movie, The Witcher i inšych.

Darečy, cikava, što aficyjny postar sieryjała, padobna, byŭ stvorany pry dapamozie štučnaha intelektu. Na heta źviarnuli ŭvahu niekatoryja hledačy, adznačyŭšy dzivactvy, ułaścivyja mienavita ŠI. Sapraŭdy, na postery možna ŭbačyć i trochnohuju žančynu; i aŭtamabil-mutant ź pierabłytanymi piaredniaj i zadniaj častkami; i dreva, jakoje raście prosta z budynka.

Niekatoryja zastalisia niezadavolenyja tym, što kampanija Amazon sa svajoj vielizarnaj vyručkaj nie ŭ stanie naniać sapraŭdnaha mastaka i byccam pajšła pa samym tannym šlachu stvareńnia ilustracyi, navat nie pakłapaciŭšysia pry hetym ab kantroli jakaści. U Amazon i Bethesda (kampanija, što vałodaje pravami na hulniu) situacyi pakul nijak nie kamientujuć.

Kamientary

Minsk znoŭ pajšoŭ pad vadu. Stychija nie spyniajecca FOTY2

Minsk znoŭ pajšoŭ pad vadu. Stychija nie spyniajecca FOTY

Usie naviny →
Usie naviny

U najlepšych tradycyjach Ahaty Kryści. Zahinułych u hateli ŭ Banhkoku vjetnamcaŭ atrucili cyjanidam

Kruty prybyŭ u paciarpiełuju ad urahanu Homielščynu. Pierš za ŭsio jon pajechaŭ na ekskursiju ŭ muziej partyzan8

Hihanckaja bliskavica ŭdaryła ŭ šmatpaviarchovy dom u Baranavičach VIDEA1

Siońnia apošni dzień pryjomu dakumientaŭ u VNU na biudžet. Budzie horača ŭ pramym i pieranosnych sensach

U Varšavie zatrymali byłoha palitviaźnia Ihara Bancara — heta jon pryjšoŭ u Ministerstva siamji sa zbrojaj57

Taksistaŭ užo pačali štrafavać za vykarystańnie mašyn u asabistych metach — pa dziŭnym artykule4

Bajden nazvaŭ adzinuju ŭmovu, pry jakoj admovicca ad prezidenctva10

Adnaho z najlepšych biełaruskich trenieraŭ pa nastolnym tenisie sudziać za «sadziejničańnie ekstremisckaj dziejnaści»2

Pajšoŭ z žyćcia biełaruski vynachodnik Alaksandr Dłatoŭski

bolš čytanych navin
bolš łajkanych navin

Minsk znoŭ pajšoŭ pad vadu. Stychija nie spyniajecca FOTY2

Minsk znoŭ pajšoŭ pad vadu. Stychija nie spyniajecca FOTY

Hałoŭnaje
Usie naviny →