«Usia heta vajna nam nach** nie patrebna». Cmierć Pryhožyna adbiłasia na nastrojach biełaruskich i rasijskich prapahandystaŭ
Prapahandysty i błohiery-šavinisty ź dźviuch krain byli šakavanyja navinoj ab śmierci Jaŭhiena Pryhožyna. Adny praciahvali jaho ŭschvalać, druhija bajaźliva pramaŭčali, a niekatoryja nakinulisia na Łukašenku i Pucina.
Učarašniaja navina ab śmierci kiraŭnika PVK «Vahnier» Jaŭhiena Pryhožyna ad źbićcia jaho samalota ŭ niebie nad Rasijaj vyklikała burnuju reakcyju Z-kanałaŭ.
Mnohija, niahledziačy na niadaŭni miaciež vahnieraŭcaŭ, prynialisia apłakvać i apiavać Pryhožyna, a taksama aktyŭna šukać vinavatych u jaho śmierci ŭ šerahach «čužych» i navat «svaich». Znajšlisia i tyja, chto adkryta zaklikaŭ maŭčać i nijak nie kamientavać taho, što adbyłosia.
Rasijskaja prapahanda
Rasijskija sistemnyja prapahandysty starajucca zhładzić, zamaŭčać incydent.
«Kalehi, ja śviadoma maŭču i vam heta ž raju. Maŭčańnie ciapier — daražejšaje za zołata», — napisaŭ učora televiadoŭca Uładzimir Sałaŭjoŭ.
Ale znajšlisia i tyja, chto pačaŭ luta napadać i na Łukašenku, uspaminajučy toje, jak jon ułasna davaŭ «harantyi biaśpieki» Pryhožynu.
U toj ža čas źviartaje ŭvahu toj fakt, što radykalnyja šavinisty i tyja prapahandysty, jakija finansavalisia PVK «Vahnier», nie chavajuć svajho šoku i azłableńnia.
Łukašenkaŭskaja prapahanda
U toj ža čas prapahandysty Łukašenki taksama nie chavali svajoj simpatyi i pavahi da Pryhožyna, choć toj adkryta vystupaŭ suprać Uładzimira Pucina.
Častka z łukašenkaŭcaŭ prosta nie moža pavieryć, što Pryhožyna voś tak mohuć źniščyć.
Krychu paźniej Alaksandr Špakoŭski pačaŭ apraŭdvać Łukašenku i dadzienyja im «harantyi biaśpieki» Pryhožynu, bo hetyja harantyi nie raspaŭsiudžvalisia na terytoryju pa-za Biełaruśsiu, a sam režym nie adsočvaje i nie adkazvaje za pieramiaščeńnie i dziejańni kiraŭnika «Vahniera», kali jon nie znachodzicca ŭ Biełarusi.
Ale, mahčyma, samaj krasamoŭnaj była pieršaja reakcyja Špakoŭskaha.
«Bieražycie našu biełaruskuju dziaržavu. Heta hałoŭnaja kaštoŭnaść. Ničoha daražejšaha ŭ nas niama», — napisaŭ Špakoŭski.
Nahadajem, što raniej my pisali, jak prapahandysckija kanały reahavali na sam bunt Jaŭhiena Pryhožyna, jaki adbyvaŭsia jašče ŭ červieni.
Kamientary