Fota: Wikimedia Commons

Fota: Wikimedia Commons

Boty stali značna lepš i chutčej spraŭlacca z testami CAPTCHA, čym ludzi, jakija sami i prydumali hetyja testy dla vyjaŭleńnia i adsiejvańnia botaŭ.

Da takoj vysnovy pryjšli navukoŭcy z Kalifarnijskaha ŭniviersiteta, jakija niadaŭna apublikavali svaju pracu ŭ časopisie New Scientist.

Novaje daśledavańnie abapirałasia na vyniki vyprabavańniaŭ 1000 adabranych kandydataŭ roznych uzrostaŭ, nacyjanalnaściej, hiendaraŭ i ŭzroŭniaŭ adukacyi. Jany pavinny byli prajści testy CAPTCHA na 120 veb-sajtach i paraŭnać svaje pakazčyki pravilnaści i chutkadziejnaści adkazaŭ z takimi ž u sučasnych botaŭ roznych vidaŭ składanaści.

Vyniki akazalisia paradaksalnymi.

«Pradukcyjnaść botaŭ akazałasia značna vyšejšaja za pakazčyki ludziej. Naša 1000 kandydataŭ u siarednim pakazała ad 50 da 84% dakładnaści za 9—15 siekundaŭ pracy. Boty ž mienš čym za siekundu prademanstravali pravilnaść adkazaŭ u 99,8% vypadkaŭ. Epocha CAPTCHA całkam adyšła ŭ minułaje», — śćviardžajuć navukoŭcy ŭ svaim novym daśledavańni.

Ciapier asnoŭnaja zadača — pošuk hodnaj alternatyvy testam «kapčy», bo jany ŭžo niazdolnyja vykonvać svaje bazavyja funkcyi vyjaŭleńnia botaŭ.

Navukoŭcy z Kalifarnijskaha ŭniviersiteta prapanujuć vykarystoŭvać składanyja ałharytmy abo niejrasietki, jakija buduć fonava šukać botaŭ i prahramavać dla ich zusim novyja i randomnyja zadačy. Hety mietad, pa zapeŭnieńniach navukoŭcaŭ, całkam vyzvalić karystalnikaŭ ad prachodžańnia biaskoncych testaŭ na sajtach. 

Pry hetym daśledčyki padkreślivajuć, što na hety momant nijakija ałharytmy i niejrasietki nie zmohuć spynić pa-sapraŭdnamu prasunuty štučny intelekt, jaki budzie zdolny całkam zymitavać pavodziny čałavieka.

Čytajcie jašče:

Što novaha praviarajuć u telefonach na miažy pry viartańni ŭ Biełaruś

Čat-boty sa štučnym intelektam pišuć naviny. Jak heta źmianiaje pracu redakcyj

Biełarusy stvaryli bot, jaki dapamoža adšukać paviedamleńni ŭ čatach. Voś jak jon pracuje i čamu heta važna dla biaśpieki

Клас
3
Панылы сорам
3
Ха-ха
5
Ого
2
Сумна
4
Абуральна
2