Hramadstva44

Centr Hancavičaŭ da «Dažynak» abłysieŭ

Niazvykła pusta hladzicca haradskaja płošča kala handlovaha centra «Dom handlu» ŭ Hancavičach, dzie raniej niepadalok ad uvachodu ŭ handlovy punkt šyroka raskinuŭ svaje haliny vielizarny klon. Da abłasnych «Dažynak 2023», jakija ŭ vieraśni projduć u rajcentry, klon zrezali pad korań, vykarčavaŭšy navat i pień. I heta nie adzinaje dreva, jakoje paciarpieła ŭ chodzie «dobraŭparadkavańnia», piša «Hancavicki čas».

Fota Śviatłany Małyška

Da abłasnych «Dažynak» Hancavičy dobraŭparadkoŭvajuć. Horad mianiajecca na vačach, choć pracy jašče niamała. Ale razam z pryjemnymi pieramienami mnohija žychary horada niezadavolenyja tym, što na jaho vulicach vyrazajuć drevy.

Razłapisty klon kala «Doma handlu» byŭ svojeasablivaj vizitoŭkaj płoščy.

Centr Hancavičaŭ da «Dažynak» Tak vyhladaŭ klon da taho, jak nad im papracavali bienzapiłoj. Fota Siarhieja Bahrova
Klon na płoščy zrezali pad korań. Fota Śviatłany Małyška
A potym i pień vykarčavali, a płošča abłysieła. Fota Siarhieja Bahrova

Žychary horada paśpieli źviarnuć uvahu, što ŭvohule dreŭ u horadzie prykmietna pamienieła. Tak, zrezali sasnu kala carkvy, ceły šerah vielizarnych dreŭ nasuprać PMS, kala prypynku ŭ bok ahraharadka Chatyničy. Kala apteki ŭ mikrarajonie pad zubcami bienzapiły nie vystajali biarozy.

Prybrali «lišnija» drevy i kala doma pa vuł. Čajkoŭskaha, 8, i nasuprać kramy «Chvilinka» pa vuł. Kastryčnickaj.

Vyrazali niekalki dreŭ pa vuł. Kastryčnickaj. Fota Śviatłany Małyška

Paradzieła kala restarana «Cna», niekalki dreŭ źnikli nasuprać kramy «Dziciačy śviet».

Aleja piśmienstva taksama pazbaviłasia niekalkich dreŭ. Fota Śviatłany Małyška

Kala šmatpaviarchovika na vulicy Zasłonava nie stała biaroz i kustoŭ bezu… Dabralisia i da alei klonaŭ kala chlebazavoda.

Dumki žycharoŭ adnosna hetaha padzialilisia. Adnyja ličać, što ŭłady vyrazajuć avaryjnyja drevy, inšyja aburajucca i sumniajucca, što zamiest vyrazanych pasadziać novyja.

Zapytany redakcyjaj «Hancavickaha času» kiraŭnik Hancavickaj rajonnaj inśpiekcyi pryrodnych resursaŭ i achovy navakolnaha asiarodździa Mikałaj Michalevič adkazaŭ, što drevy vyrazajuć nie ź ich padačy.

«Pytańnie nie da mianie, u architekturu źviarniciesia…», — skazaŭ čynoŭnik.

Karespandentka ŭdakładniła, ci nie inśpiekcyja pavinna kantralavać vyrazańnie dreŭ u nasielenych punktach, i chto na heta daje dazvoł?

Mikałaj Michalevič skazaŭ, što ŭsie raboty viaducca pa prajektach, jakija majucca na kožny abjekt, i kantraluje ich vykanańnie adździeł architektury.

«Usio robicca zhodna z prajektam. I ŭ kožnym prajekcie jość taksacyjny płan. Nam spravazdačy dasyłajuć. Apłatu ŽKH dasyłaje, kampiensacyjnyja vypłaty. Pasadki budziem kantralavać zhodna z prajektam u spryjalny pieryjad času», — rastłumačyŭ jon.

U toj ža čas kiraŭnik adździeła architektury, budaŭnictva i žyllova-kamunalnaj haspadarki Hancavickaha rajvykankama Valeryj Rusakievič byŭ nastrojeny ahresiŭna. Navat nie vysłuchaŭšy pytańnie karespandenta, jon admoviŭsia adkazvać na pytańni i kinuŭ słuchaŭku.

«Hancavicki čas» cytuje ŭvieś dyjałoh:

«Kar.: Valeryj Mikałajevič? Śviatłana Małyška, «Hancavicki čas» vas turbuje.

Valeryj Rusakievič: Dyk «Hancavickaha času» ŭžo ž niama.

Kar.: Jość internet-resurs.

Valeryj Rusakievič: Nu dyk to internet-resurs… Ja ŭ internet nijakich tłumačeńniaŭ nie daju.

Kar.: Dobra, u internet vy nie dajacio, ale na padstavie artykuła 34 Kanstytucyi Biełarusi… (surazmoŭca pierabivaje)

Valeryj Rusakievič: Ja nikomu ničoha nie daju! Čytajcie «Savieckaje Paleśsie» i «Zariu». I hladzicie My#Hancieviči. Usie. Da pabačeńnia. (paviesiŭ słuchaŭku).

Paśla ciaham paŭhadziny karespandentka znoŭ sprabavała datelefanavacca da Valeryja Rusakieviča i spytać, čamu jon kidaje słuchaŭku. Bo jana nie tolki karespandentka, ale ž jašče i hramadzianka Biełarusi, žycharka Hancavič. I jaje cikavić pytańnie: chto i navošta vyrašyŭ zrazać zdarovyja drevy ŭ horadzie? Ale daremna — trubku nichto nie braŭ.

Kamientary4

  • daviedka
    21.08.2023
    Viekovyje dierievja pieriežili caria, bolšievikov, fašistov, kommunistov... I byli uničtožieny pri Łukašienko.
    Obłysieła pri tiebie ziemla-ja-ja...
  • maleńkaja architektarka ciemry
    21.08.2023
    č: Dyk «Hancavickaha času» ŭžo ž niama."

    heta rusakieviča niama. jak čałavieka
  • hoblen
    21.08.2023
    Jonutaja strana

Padaje kurs dalara — čamu tak?7

Padaje kurs dalara — čamu tak?

Usie naviny →
Usie naviny

Siońnia pačynajuć sudzić 24-hadovuju minčanku za ŭdzieł u akcyi pratestu

Zvarot Bajdena da nacyi nahadvaŭ pachavalny marš — Bild

U Biełarusi źmianili praviły abmienu valut. Try hałoŭnyja novaŭviadzieńni

Suprać mamy anarchista Franckieviča, asudžanaha na 16 hadoŭ kałonii, zaviali kryminalnuju spravu1

Stała viadoma, dzie buduć vučycca studenty zakrytych pryvatnych VNU1

Stryžak raskazaŭ, ci maje prezidenckija ambicyi6

«Dačka Mara płakała ad hora». U Maładziečnie družalubny łabrador niečakana dla ŭsich źjeŭ nutryju Kapibaru — usieahulnuju lubimicu10

Zołatavalutnyja reziervy Polščy pieravysili rekordnyja $200 miljardaŭ7

Chto taki Vadzim Krasikaŭ, u jakim tak zacikaŭlenaja Rasija?1

bolš čytanych navin
bolš łajkanych navin

Padaje kurs dalara — čamu tak?7

Padaje kurs dalara — čamu tak?

Hałoŭnaje
Usie naviny →