Kultura11

U Połacku padčas raskopak na stadyjonie znajšli staražytny «kvartał juvieliraŭ»

Siensacyjnaja znachodka CHI stahodździa adkryłasia padčas archieałahičnych daśledavańniaŭ Nižniaha zamka, jakija pravodziać na terytoryi stadyjona «Spartak» śpiecyjalisty Instytuta historyi Nacyjanalnaj akademii navuk i Połackaha dziaržaŭnaha ŭniviersiteta im. Jeŭfrasińni Połackaj, paviedamlaje hazieta «Vitiebskije viesti».

Fota: www.psu.by

U kožnym šurfie, zakładzienym na terytoryi stadyjona, daśledčyki vyjavili ślady apracoŭki kalarovych mietałaŭ. U dvuch šurfach znojdzieny reštki płavilnych piečak, u jakich hetyja raboty pravodzilisia. Pavodle vykładčyka Połackaha dziaržaŭnaha ŭniviersiteta Ihara Mahalinskaha, znachodki dazvalajuć mierkavać, što hety «kvartał juvieliraŭ» isnavaŭ nie paźniej jak u XI stahodździ. I na siońniašni dzień heta najbujniejšy ŭ Biełarusi abjekt, jaki možna źviazvać ź juvielirnym ramiastvom mienavita hetaha času.

Ihar Mahalinski. Fota: gorod214.by

Viersija pra połacki «kvartał juvieliraŭ» upieršyniu źjaviłasia ŭ 1984 hodzie. 10 krasavika, padčas «leninskaha» subotnika, jakraz na terytoryi stadyjona «Spartak» byŭ znojdzieny znakamity skarb, jaki siońnia zachoŭvajecca ŭ Nacyjanalnym połackim historyka-kulturnym muziei-zapaviedniku. Tady znachodka adkryłasia harderobščycy stadyjona Maryi Krasnovaj. Jana padniała ź ziamli kamień, pad jakim ubačyła «drociki» z žoŭtaha mietału. Žančyna pažartavała, što znajšła zołata, ale ŭsujoz u heta nie pavieryła. Tahačasny dyrektar stadyjona prapanavaŭ uzvažyć znojdzienaje ŭ bližejšaj praduktovaj kramie. «Drociki» z žoŭtaha mietału «paciahnuli» amal na 350 hramaŭ. Tavaraznaŭca juvielirnaj kramy «Rubin» Śviatłana Sabielnikava acaniła skarb u 15 tysiač savieckich rubloŭ. Pavodle zakanadaŭstva, 25 % ad hetaj sumy byli pieraličany Maryi Krasnovaj, a jaje znachodku zabrali ŭ muziej.

Fota: gorod214.by

Miascovaść u samym centry Połacka pryciahnuła ŭvahu daśledčykaŭ, i ŭ 1989 — 1990 hadach niepadalok ad stadyjona byŭ znojdzieny ceły juvielirny «vytvorčy kompleks». Na dumku vykładčyka kafiedry historyi i turyzmu PDU Alaksieja Koca, u staražytnaści hetaje miesca było zasielena vialikaj kolkaściu juvieliraŭ — ludziej zamožnych, adukavanych, jakija pa mierkach taho času naładzili vysokatechnałahičnuju vytvorčaść.

Alaksiej Koc. Fota: www.psu.by

Adnak sama placoŭka stadyjona raniej nie vyvučałasia — raskopki pravodzili tolki na navakolnych terytoryjach.

Sioleta stadyjon «Spartak», jakomu ŭžo 54 hady, było vyrašana rekanstrujavać. U płanach — zamiena pakryćcia futbolnaha pola, biehavych darožak i darožak dla skačkoŭ u daŭžyniu, pieraabstalavańnie siektaraŭ dla kidańnia mołata i šturchańnia jadra, ustanoŭka trenažoraŭ.

Pierad rekanstrukcyjaj admysłoŭcy pravodziać archieałahičnyja dośledy, bo heta ŭnikalnaja terytoryja: kaliści tut raźmiaščałasia staražytnaje pasielišča, a ŭ 16 stahodździ byŭ zbudavany Nižni zamak.

Kamientary1

  • Nrr
    21.08.2023
    Vkładčiki........ śmiešno...... prisposobłncy ..... vsie nastojaŝije izhnany v Polšu.....

Rasijski šachied vybuchnuŭ za 55 km ad Babrujska3

Rasijski šachied vybuchnuŭ za 55 km ad Babrujska

Usie naviny →
Usie naviny

Tramp upieršyniu źjaviŭsia na publicy ź pieraviazanym vucham paśla strełaŭ u Piensilvanii FOTA1

Biełarus, jaki sarvaŭsia sa skały ŭ Kabardzina-Bałkaryi, zahinuŭ

«Bili fłahštokam, kab roŭna stajaŭ na kaleniach pierad načalnikam», — palitviazień, jaki mianiaŭ ściahi na bieł-čyrvona-biełyja, raskazaŭ pra źniavoleńnie

Unačy šachied znoŭ zalacieŭ u Biełaruś1

Na Vałožynščynie błasłavili novy pomnik na mahile śviatara, jakoha zabili kamsamolcy ŭ 1950 hodzie1

Što adbyvajecca z klimatam? Takaja śpioka letam budzie zaŭsiody?6

Biełarusa zatrymali paśla adpačynku ŭ Italii3

«Vyjšli chłopčyki z čamadančykami». Lidar hurta RSP raskazaŭ, jak Łukašenka pryjazdžaŭ na zdymačnuju placoŭku5

Respublikanskaja partyja aficyjna vyłučyła Trampa kandydatam u prezidenty ZŠA9

bolš čytanych navin
bolš łajkanych navin

Ad zaŭtra abmiežavańni na ŭjezd aŭto ź biełaruskimi numarami źbirajecca ŭvieści Litva

Ad zaŭtra abmiežavańni na ŭjezd aŭto ź biełaruskimi numarami źbirajecca ŭvieści Litva

Hałoŭnaje
Usie naviny →