MNS u Astraŭcy praviadzie padrychtoŭku da vučeńniaŭ pa likvidacyi jadziernaj avaryi. Ludziej prosiać nie chvalavacca
23 žniŭnia ŭ Astravieckim rajonie buduć prachodzić mierapryjemstvy, źviazanyja z padrychtoŭkaj da vučeńniaŭ pa zabieśpiačeńni jadziernaj i radyjacyjnaj biaśpieki nasielnictva. Jany projduć u ramkach śpiecyjalnaha vučeńnia vyratavalnych padraździaleńniaŭ krain ADKB «Skała — 2023», paviedamlaje MNS.
Prahrama praduhledžvaje pieramiaščeńnie śpiecyjalnaj techniki MNS i MUS, ekipiravanaha asabovaha składu i ŭklučeńnie sistemy abviestak.
«Prosim z razumieńniem pastavicca da praviadzieńnia hetych mierapryjemstvaŭ», — piša MNS.
Z 1 da 6 vieraśnia na terytoryi Biełarusi ŭpieršyniu projdzie śpiecyjalnaje vučeńnie vyratavalnych padraździaleńniaŭ krain Arhanizacyi Damovy ab kalektyŭnaj biaśpiecy (ADKB) «Skała — 2023». Čakajecca ŭdzieł kamand ź Biełarusi, Kazachstana, Kyrhyzstana, Rasii i Tadžykistana.
4 vieraśnia vučeńnie razhorniecca na terytoryi Biełaruskaj AES i Astravieckaha rajona. Vyratavalniki buduć adpracoŭvać likvidacyju nastupstvaŭ avaryi na stancyi. 5 vieraśnia aktyŭnaja faza projdzie ŭ filijale «Instytut pierapadrychtoŭki i pavyšeńnia kvalifikacyi» Univiersiteta hramadzianskaj abarony MNS u Barysaŭskim rajonie.
Paśla ŭčorašniaj publikacyi «NN» z «Siarhiejem» i «Aleksam» adbylisia mietamarfozy9
Paśla ŭčorašniaj publikacyi «NN» z «Siarhiejem» i «Aleksam» adbylisia mietamarfozy
«Toje, što chtości «siadzić za palityku», źjaŭlajecca «častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami88
Kamientary