«Ataka ŭkrainskaha bieśpiłotnika ŭ Kursku. Pavodle papiaredniaj infarmacyi, jon urezaŭsia ŭ dach budynka čyhunačnaha vakzała, paśla čaho na dachu ŭźnik pažar. Piać čałaviek atrymali lohkija ranieńni ad askiepkaŭ škła», — napisaŭ nočču hubiernatar Kurskaj vobłaści Raman Staravojt u telehram-kanale.

Ukrainskija ŭłady nie kamientavali hetaj zajavy.

Akramia taho, nočču praz pahrozu napadaŭ bieśpiłotnikaŭ pierastali prymać rejsy dva maskoŭskija aeraporty — Unukava i Damadziedava.

Mer Maskvy Siarhiej Sabianin paviedamiŭ pra sprobu ataki bieśpiłotnika na Maskvu. Pavodle jaho, sproba była spynienaja srodkami supraćpavietranaj abarony.

Minabarony Rasii paviedamiła, što dron, jaki lacieŭ da Maskvy, byŭ padaŭleny srodkami radyjoelektronnaj baraćby ŭ Stupinskim rajonie Padmaskoŭja. Heta adbyłosia ŭ rajonie 04:00 pa maskoŭskim časie.

«BPŁA byŭ padaŭleny srodkami radyjoelektronnaj baraćby i, straciŭšy kiravańnie, paciarpieŭ krušeńnie ŭ biaźludnym rajonie. Paciarpiełych i razbureńniaŭ niama», — havorycca ŭ paviedamleńni ministerstva.

Čytajcie taksama:

Niedaloka ad Krasnahorska Maskoŭskaj vobłaści ŭpaŭ bieśpiłotnik

Hałoŭnaje ŭpraŭleńnie raźviedki Minabarony Ukrainy pakazała, jak dronam atakavała adździaleńnie akupacyjnaj palicyi VIDEA

Bieśpiłotnik znoŭ atakavaŭ Maskvu. Paškodžany «Ekspacentr»

Клас
11
Панылы сорам
1
Ха-ха
3
Ого
1
Сумна
0
Абуральна
1