Mitrapalit Vienijamin zajaviŭ, što prykryvajučysia łozunhami demakratyi, Zachad zaachvočvaje «nacyscki režym»
Raniej ź identyčnym śćviardžeńniem vystupiŭ hienierał Valfovič, dziaržaŭny sakratar Rady biaśpieki.
Prykryvajučysia łozunhami demakratyi, Zachad zaachvočvaje sučasny nacyscki režym, zajaviŭ mitrapalit Minski i Zasłaŭski Vienijamin, Patryjaršy Ekzarch usiaje Biełarusi padčas II Mižnarodnaha «antyfašysckaha» kanhresa, piša BiełTA.
«Na žal, čarhovy raz čałaviectva sutyknułasia ź situacyjaj nieabchodnaści baraćby z fašyzmam. Čamu tak skłałasia? Čamu akazalisia zabytyja žachi i pakuty Druhoj suśvietnaj vajny, jakaja pryniesła čałaviectvu ideałohiju nianaviści, nacyjanalnaj i rasavaj pieravahi? Čamu čałaviectva nie zasvoiła samych strašnych urokaŭ historyi? Čamu paŭstali pravały ŭ pamiaci ŭ mnohich narodaŭ? Adkaz dosyć prosty — bo, štučna prykryvajučysia łozunhami demakratyi, pravoŭ čałavieka, zaachvočvajecca sučasny nacyscki režym, u tym liku i va Ukrainie», — skazaŭ mitrapalit Vienijamin.
Pavodle jaho słoŭ, usim krainam i narodam treba abjadnacca ŭ baraćbie z hetaj niebiaśpiekaj. Pry hetym asablivuju ŭvahu nieabchodna nadać pytańniam patryjatyčnaha vychavańnia nasielnictva.
«Biezadkaznyja siły ŭ śviecie robiać usio, kab situacyju va Ukrainie pieravieści ŭ płoskaść realnaj vajny Zachadu z Rasijaj i Biełaruśsiu. Naš kłopat — nie dapuścić hetaha», — padkreśliŭ mitrapalit Vienijamin.
Raniej siońnia z amal identyčnym śćviardžeńniem vystupiŭ hienierał Alaksandr Valfovič, dziaržaŭny sakratar Rady biaśpieki.
Bort Łukašenki z-za techničnych prablem viarnuŭsia ŭ Minsk bieź jaho12
Kamientary
Nu ŝas svoj))) nieznaju čto jadronieje
Pora vidieť brievna v svojem hłazu…