Hramadstva1010

Navina pra abviaščeńnie ŭ Biełarusi «ekstremisckimi» vieršaŭ XIX stahodździa stała samaj čytanaj na Bi-Bi-Si

Kali metaj absurdnaha abviaščeńnia minskaj prakuraturaj «ekstremisckimi materyjałami» vieršaŭ XIX stahodździa, jakija prypisvajucca kłasiku biełaruskaj litaratury Vincentu Duninu-Marcinkieviču, było źviarnuć uvahu ŭsiaho cyvilizavanaha śvietu na vyklučnyja ciemrašalstva i nieadekvatnaść režymu Łukašenki, to hetaja meta paśpiachova dasiahnutaja.

Pa vynikach 17 žniŭnia artykuł pra «ekstremisckaść» litaraturnych tvoraŭ, napisanych bolš čym 150 hadoŭ tamu, zajmaŭ siarod najbolš čytanych materyjałaŭ hałoŭnaj, anhłamoŭnaj viersii BBC 5-je miesca.

Pra toje, što «infarmacyjnaja pradukcyja ŭ vyhladzie pradmovy Jazepa Januškieviča da knihi, a taksama teksty tvoraŭ «Płyvuć viatry», «Hutarka staroha dzieda», jakija prypisvajucca V. Duninu-Marcinkieviču i ŭklučanyja ŭ zaklučnuju častku pad nazvaj «DUBIA» sieryi «Biełaruski knihazbor» Vybranyja tvory / Vincent Dunin-Marcinkievič», pryznanaja «ekstremisckimi materyjałami», stała viadoma siońnia ranicaj. 

Paźniej stała taksama viadoma, što «ekstremisckimi» zaadno pryznali i zborniki vybranych tvoraŭ biełaruskich aŭtaraŭ Lidzii Arabiej, Natalli Arsieńnievaj, Łarysy Hienijuš i Uładzimira Niaklajeva, nadrukavanych u sieryi «Biełaruski knihazbor». Usie hetyja knihi vyjšli šmat hadoŭ tamu (nie kažučy pra napisańnie samich tvoraŭ), i dahetul nichto prablemy ŭ ich nie bačyŭ.

Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy sa źviestak z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.

Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.

Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinutyja navat samyja bazavyja normy zakonnaści i marali. 

Pad zabaronu trapili niezaležnyja ŚMI, u «čornyja śpisy» trapili dziasiatki tysiač padazravanych u niełajalnaści, tysiačy artykułaŭ, tvoraŭ, navukovych prac byli pryznanyja «ekstremisckimi».

Kamientary10

  • Abu
    17.08.2023
    Tryvožusia za paeziju Vasila Bykava...
  • žeŭžyk
    17.08.2023
    Heta jašče adno śviedčańnie taho, što ŭ śviecie jość cikavaść da biełaruskich navinaŭ. Budzie karysnym anhielskamoŭny pierakład artykułaŭ Našaj Nivy.
  • Bbbbbb
    18.08.2023
    Vau! Na zachadzie pra biełaruś havorać! Ura!,moža bih bien padśvieciać na 15 chvilin u koljary nacyjanalnaha śćaha!

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ3

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Usie naviny →
Usie naviny

Kantraktnik u Biełharadskaj vobłaści Rasii zastreliŭ troch tavaryšaŭ i ŭciok sa zbrojaj

U Kalinkavičach u 40 hadoŭ pamior praparščyk patrulna-pastavoj słužby 

Eduardu Babaryku dadali paŭtara hoda źniavoleńnia2

Bajden nazvaŭ vice-prezidenta Charys Trampam. Toj rezka adreahavaŭ1

Milinkievič raskazaŭ, što biełarusy mohuć dać Jeŭropie9

Marharyta Laŭčuk vyjšła zamuž i čakaje dzicia30

Razhramili kvateru byłoha viadučaha ANT Ivana Padreza11

Siamiejnuju paru rasijan zatrymali ŭ Aŭstralii pa padazreńni ŭ špijanažy

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli8

bolš čytanych navin
bolš łajkanych navin

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ3

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Hałoŭnaje
Usie naviny →