Nieruchomaść66

U Breście zdajecca kvatera za 1000 dalaraŭ na miesiac. Sapraŭdy nastolki šykoŭny varyjant?

«‎Elitnyja apartamienty» ŭ cientry Bresta ci kvatera ź vidam na akijan u Tajłandzie. U jakich niezvyčajnych miescach možna arandavać žyllo za 1000 dalaraŭ, zadajecca pytańniem vydańnie BG.Media.

Dyzajn kvatery ŭ Breście

Teatralnaść, pampieznaść, bahaćcie dekaratyŭnych elemientaŭ, lapnina i pazałota. Mienavita takija asacyjacyi ŭźnikajuć pry prahladzie fatahrafij kvatery za $1000 na miesiac. U pieraliku na biełaruskija — heta 3193 BYN. Haspadary pišuć, što hatovyja zdavać hety amal francuzski buduar na praciahły čas. Ale, miarkujučy z daty abjavy, zamožnych znaŭcaŭ baroka ŭ Breście dahetul nie znajšłosia.

Dyzajn kuchni-stałovaj u kvatery ŭ Breście

Dvuchpakajovaja kvatera ŭ Breście raźmieščanaja ŭ domie pa vulicy 17-ha vieraśnia. Jak pišuć u abjavie, apartamienty całkam meblavanyja, abstalavanyja niamieckaj santechnikaj, ubudavanaj bytavoj technikaj brendavych vytvorcaŭ.

Sanvuzieł kvatery ŭ Breście
Piaredni pakoj i kuchnia kvatery ŭ Breście

Za takija hrošy haspadary nie hatovyja puskać žycharoŭ z chatnimi žyviołami.

Z bytavoj technikaj usie štatna: chaładzilnik, mikrachvaloŭka, pralnaja mašyna, televizar, kandycyjanier i h. d. Bolšaść ź pieraličanaha možna znajści i ŭ inšych kvaterach. Ale kudy tańniej.

Što za takija hrošy možna źniać u inšych krainach śvietu?

Hodnych alternatyŭ znajšłosia vielmi šmat pry pošuku varyjantaŭ na sajcie Airbnb.com.

Naprykład, usiaho za 786 dalaraŭ na miesiac možna spakojna žyć u raskošnych apartamientach ź vidam na akijan u Tajłandzie. Havorka pra samy vysoki z kandaminiumaŭ na bierazie mora ŭ Tajłandzie ŭ 59 pavierchaŭ z basiejnami i šykoŭnym vidam.

Apartamienty ź vidam na akijan u Tajłandzie
Vid z apartamientaŭ u Tajłandzie. Basiejn u hateli

Kali lubicie estetyku miehapolisaŭ, sardečna zaprašajem u stylny numar małazijskaha hatela ŭ samym sercy Kuała-Łumpura. Jon viadomy svaim panaramnym basiejnam na dachu ź vidam na horad. Cana pytańnia — 737 dalaraŭ na miesiac.

Stylny numar u hateli ŭ Małajzii
Basiejn z panaramnym vidam na horad Kuała-Łumpur

Ale nie adzinaj ekzotykaj, jak toj kazaŭ. Naprykład, usiaho za 761 dalar možna ceły miesiac žyć u Francyi la padnožža schiłaŭ ź vidam na Pireniejskija hory.

Kvatera ź vidam na hory ŭ Francyi
Vid z terasy

Kali cikaviciesia historyjaj, to jość masa varyjantaŭ. Naprykład, možna pažyć miesiac u italjanskaj kvatery, jakaja znachodzicca ŭ budynku byłoha kinateatra «Madernisima». U honar jaho kvatera atrymała nazvu Alloggio Attori (akciorskaja kvatera).

Novuju meblu śpiecyjalna prajektavali tak, kab zachavać pieršapačatkovy duch 1960-ch hadoŭ. Kala doma jość malaŭničy sad. Žyllo znachodzicca ŭ vioscy Umbryi, jakaja miažuje z Łacyjo i Taskanaj. Kaštuje takaja redkaja znachodka 668 dalaraŭ na miesiac.

Budynak byłoha kinateatra «Madernisima», u jakim znachodzicca kvatera
Interjer kvatery ŭ Italii
Sad kala hatela

Znaŭcam usiaho niezvyčajnaha pryjdziecca pa dušy dom u styli Antonia Haŭdzi ŭ Brazilii. Havorka pra dom, jaki, zdajecca, levituje ŭ harach dziakujučy šklanym ścienam, jakija dazvalajuć atrymlivać asałodu ad panaramnaha vidu. Pažyć miesiac u takim svojeasablivym žylli abydziecca ŭ 668 dalaraŭ na miesiac.

Dom z butelkavaha škła ŭ Brazilii
Interjer doma z butelkavaha škła ŭ Brazilii

Kali papiaredni dom vam zdaŭsia zusim zvyčajnym, to možna pryhledziecca da… piačory ŭ Ispanii. Jana raźmieščanaja na paŭdniova-ŭschodnim baku krainu, kala vioski Jekła. Miesiačnaja arenda takoha žylla abydziecca ŭsiaho ŭ 882 dalary.

Piačorny dom u Ispanii
Interjer piačornaha doma ŭ Ispanii

Narešcie, jość idealnaje miesca dla padarožnikaŭ, jakija ceniać dyzajn. Havorka pra cełuju rezidencyju ŭ PAR. Takoje žyllo abyjdziecca ŭ 821 dalar za miesiac.

Stylnaja rezidencyja ŭ PAR
Interjer rezidencyi ŭ PAR
Unutrany dvor i vieranda rezidencyi ŭ PAR

Kamientary6

  • Małoj
    17.08.2023
    Śnimaju v Polšie za dorožie horazdo chudšuju kvartiru s "ikiejevskim" anturažiem i linoleumom na połu. Poetomu, nie doroho.
  • Lolik z-pad Limasoła
    17.08.2023
    Małoj, moža vas kot Bazilia i lisa Alisa tudy pasialili? Da 900 (z kamunłkaj) možna znajści nie drennyja 2-pakajoŭki navat u Varšavie (bieź linoleumu)
  • rom
    18.08.2023
    Lolik z-pad Limasoła, a jak tam u Limasole?? moža prytuliš ziamielu??  aaa ty ž biełarus... paniatna

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

«Akazvajecca, i na tym baku jość ludzi». Maci Ivana Padreza ŭsio ž nie vysialajuć6

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →