Kiraŭnictva Polščy pierakananaje, što na mierkavanym refierendumie palaki nie tolki padtrymajuć budaŭnictva ściany na miažy ź Biełaruśsiu, ale i vystupiać za raspaŭsiudžańnie hetaj praktyki na miažu z Kalininhradskaj vobłaściu Rasii, paviedamlaje Polskaje radyjo.
Budaŭnictva aharodžy na polska-biełaruskaj miažy vielmi važnaje, asabliva ŭ ciapierašniaj palityčnaj situacyi, pakolki heta pytańnie biaśpieki nie tolki Polščy, ale i ŭsioj Jeŭropy. Płot na miažy abaraniaje ad napłyvu nielehalnych mihrantaŭ, a ciapier taksama najmitaŭ z PVK «Vahnier». Heta śćviardžaŭ ministr adukacyi Polščy Pšemysłaŭ Čarnek, pradstaŭlajučy ŭ Siejmie abhruntavańnie ŭradavaj prapanovy ab praviadzieńni ahulnanacyjanalnaha refierendumu pa hetym pytańni.
Bolš za toje, palityk ad kiroŭnaj partyi «Prava i spraviadlivaść» vykazvaŭ pierakanańnie, što palaki na refierendumie padtrymajuć ideju praciahvać budaŭnictva ściany dalej:
«Tamu palaki adkažuć: Praciahvajem budavać! Identyčnuju aharodžu my pabudujem taksama na miažy z Rasijaj, to-bok z Kalininhradskaj vobłaściu. My budziem abaraniać biaśpieku polskaj dziaržavy».
Pytańnie, pa jakim polskaje kiraŭnictva prapanuje vykazacca hramadzianam na refierendumie, hučyć tak: «Ci padtrymlivajecie vy likvidacyju aharodžy na miažy pamiž Respublikaj Polšča i Respublikaj Biełaruś?»
Refierendum płanujecca pravieści razam z parłamienckimi vybarami, to-bok 15 kastryčnika.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?9
Kamientary