U aeraporcie polskich Katavicaŭ pamiežniki zatrymali 31-hadovaha hramadzianina Biełarusi, jaki padaŭ u jakaści paśviedčańnia asoby pašpart hramadzianina śvietu (World Passport), vydadzieny jamu nibyta Suśvietnym uradam. Mužčyna śćviardžaŭ, što hety dakumient daje jamu prava svabodna pierasoŭvacca pa terytoryi krain AAN. Pra incydent paviedamiła Silezskaje pamiežnaje ŭpraŭleńnie, piša Most.
Paćviardžajučy sapraŭdnaść svajho pašparta, biełarus padaŭ dakumient z nadpisam «lehalizacyja mižnarodnaha dakumienta, jaki śviedčyć asobu», vydadzieny na troch movach. Siarod inšaha na im byŭ štamp Mazavieckaj vajavodskaj upravy. Sapraŭdnaść hetych piačatak taksama vyklikała sumnievy ŭ polskich pamiežnikaŭ.
U razmovie mužčyna raskazaŭ pra svaje płany na adpačynak: jon źbiraŭsia lacieć u Jehipiet i pakazaŭ užo nabyty kvitok na samalot i paćviardžeńnie braniravańnia hatela. Pakolki inšych dakumientaŭ, jakija b paćviardžali zakonnaść pierasiačeńnia miažy i znachodžańnia ŭ Polščy, biełarus nie padaŭ, jaho zatrymali.
Pašpart hramadzianina śvietu vydajecca niekamiercyjnaj arhanizacyjaj «Suśvietny ŭrad hramadzian śvietu», jakaja sapraŭdy pazicyjanuje jaho jak dakumient dla mižnarodnych pajezdak. Tym nie mienš, nacyjanalnyja ŭrady zvyčajna staviacca da jaho ź vialikim skiepsisam: nie prymajuć zusim abo prymajuć z nataryjalnym paćviardžeńniem. Ceny na takija pašparty startujuć ad 75 dalaraŭ.
Ad zachapleńnia dyzajnam da abureńnia pravapisam — u siecivie spračajucca pra alternatyŭny nacyjanalny pašpart
Kavaleŭski raskazaŭ i pakazaŭ, što ź siabie budzie ŭjaŭlać biełaruski alternatyŭny pašpart
96-hadovaja ŭkrainka ŭpieršyniu atrymała zamiežny pašpart. Jana źbirajecca lacieć u Amsterdam da ŭnučki
Dla čynoŭnikaŭ raspracavali miesiendžar Depesha. U čym jaho hałoŭnaja prablema?1
Kamientary