«Dla raźvićcia dziaržavie nieabchodny mocny i dynamičny ŭrad, jaki moža prymać składanyja pastanovy», — zajaviŭ palityk.
Kryšjanis Karyńš paviedamiŭ ŚMI, što ŭ čaćvier padaść prezidentu prašeńnie ab adstaŭcy ŭrada. Jon taksama zaklikaŭ partyju «Novaje adzinstva» vyłučyć inšaha kandydata na pasadu premjer-ministra, piša Delfi.lv.
Nieaficyjna prahučała, što nastupnym premjer-ministram moža stać ciapierašniaja ministarka dabrabytu Evika Silinia («Novaje adzinstva»). Adnak na pres-kanfierencyi jana nie prakamientavała infarmacyi, što moža zaniać hetuju pasadu.
Na prośbu prakamientavać nieaficyjnuju infarmacyju ab tym, što Karyńš u nastupnym uradzie moža zaniać pasadu ministra zamiežnych spraŭ, premjer adznačyŭ, što jaho pramaja praca ŭ najbližejšaj budučyni budzie palahać u padtrymcy kandydata ad «Novaha adzinstva» na pasadu premjer-ministra.
Taksama palityk paabiacaŭ zrabić usio mahčymaje, kab kandydat na pasadu premjera sfarmavaŭ dziejazdolny Kabiniet ministraŭ.
Karyńš naradziŭsia ŭ 1964 hodzie ŭ ZŠA ŭ siamji emihrantaŭ. Jahony dzied pa matčynaj linii byŭ bahatym čałaviekam u davajennaj Łatvii, zajmaŭsia handlem rybaj na Ryžskim centralnym rynku i trymaŭ bujny kinateatr.
Sam Kryšjanis Karyńš pieršy raz pryjechaŭ u Łatviju ŭ 1984 hodzie jašče za savieckim časam i potym pryjazdžaŭ rehularna. Zajmaŭ pasadu premjera sa studzienia 2019 hoda.
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?11
Kamientary