Eks-kiraŭnicy štaba Navalnaha ŭ Tomsku dali adzin dzień na znajomstva z 90 tamami jaje spravy ab «ekstremiźmie»
Sudździa daŭ abaronie eks-kiraŭnicy štaba Navalnaha ŭ Tomsku Ksienii Fadziejevaj mienš za sutki na znajomstva z 90 tamami kryminalnaj spravy ab «ekstremisckaj» supolnaści i stvareńni NKA, jakaja zamachvajecca na pravy hramadzian, paviedamlaje telekanał «Dožd́».
Spravu Fadziejevaj pačaŭ razhladać saviecki rajonny sud Tomska. Fadziejevu, byłuju kiraŭnicu štaba Navalnaha i deputatku hardumy Tomska, abvinavačvajuć pa tych ža artykułach, jakija byli ŭ spravie Navalnaha — ab arhanizacyi ekstremisckaj supolnaści i ab stvareńni niekamiercyjnaj arhanizacyi, jakaja zamachvajecca na pravy hramadzian.
Śledčyja sabrali 90 tamoŭ materyjałaŭ. U siońniašnim pasiedžańni prakuror zajaviŭ, što Fadziejeva «arhanizoŭvała niezakonnyja mitynhi», «udzielničała ŭ niezakonnaj ahitacyi» za Navalnaha na prezidenckich vybarach, a sabranyja na jahonuju kampaniju hrošy «nie traciła, a krała».
Abarona paprasiła čas na aznajamleńnie sa spravaj. Sudździa Dźmitryj Chudziakoŭ pahadziŭsia i pryznačyŭ nastupnaje pasiedžańnie na 10 ranicy 15 žniŭnia.
Pakazańni z boku abvinavačvańnia buduć davać byłyja paplečniki Fadziejevaj pa štabie, a taksama juryst Illa Ramiasło, jaki rehularna pisaŭ danosy na Alaksieja Navalnaha.
Ksienija Fadziejeva stała kaardynatarkaj štaba Navalnaha ŭ Tomsku padčas prezidenckaj kampanii 2017 hoda. U 2020 hodzie jana vybrałasia ŭ hardumu Tomska. U kancy śniežnia 2021 hoda Fadziejevu zatrymali. Sud pryznačyŭ joj zabaronu peŭnych dziejańniaŭ — joj niamožna karystacca internetam, mieć znosiny z kim-niebudź, akramia svajakoŭ, i naviedvać masavyja mierapryjemstvy.
«Ja vielmi mocna nienavidžu tych, chto pradaŭ histaryčny šaniec Rasii». Navalny napisaŭ rezki artykuł u adras Jelcyna, Čubajsa, Vieniadziktava i Sabčak
Navalnaha asudzili da 19-ci hadoŭ kałonii asobaha režymu pa spravie ab «ekstremiźmie»
«Jon svaryŭsia na ludajedaŭ za ich niedastatkovy apietyt». Navalny nazvaŭ Strałkova palitviaźniem
Za kamientary i ŭdzieł u pratestach zatrymali brata palitviaźnia. Jon niadaŭna viarnuŭsia z Polščy2
Kamientary