Śviet33

Cukierbierh pastaviŭ Masku ŭltymatum. Prapanuje pryznačyć datu abo admianić matč

Na svajoj płatformie Ch Mask nazvaŭ bosa Meta bajaźliŭcam.

Fota: Getty Images

Bos Tesla Iłan Mask «niesurjozna» stavicca da praviadzieńnia boju ŭ kletcy, pra jaki dva multymiljardery jak byccam damovilisia ŭ kancy červienia, zajaviŭ uładalnik karparacyi Meta Mark Cukierbierh, piša Bi-bi-si.

U svaim paviedamleńni ŭ sacyjalnaj sietcy Threads Cukierbierh napisaŭ, što prapanavaŭ Masku pryznačyć datu, ale ŭ adkaz pačuŭ adhavorki i apraŭdańni.

Raniej u niadzielu Mask u svaim X (byłym Twitter), zajaviŭ, što hatovy vyjści na rynh užo ŭ paniadziełak.

Ab pajadynku Mask i Cukierbierh damovilisia jašče 22 červienia, što vyklikała vielizarny rezanans u ŚMI.

Adnak niahledziačy na pastajannyja ŭzajemnyja kiepiki, pra dakładnuju datu boju jany tak i nie damovilisia, i dahetul niama ŭpeŭnienaści ŭ tym, što jon naohuł adbudziecca.

A ŭ lipieni padaśpieŭ zapusk kankurenta Twitter — dadatku Threads, jaki mienš čym za tydzień nabraŭ bolš za 100 młn padpisčykaŭ.

Praŭda, paśla pieršaha ŭsplosku entuzijazmu kolkaść karystalnikaŭ novaj sietki ŭpała, i Ch Maska ŭpeŭniena lidziruje z 350 młn karystalnikaŭ. Adnak Mask usio roŭna pryhraziŭ padać u sud na Facebook za «niezakonnaje prysvajeńnie kamiercyjnych sakretaŭ Twitter».

Meta adchilaje hetyja pretenzii.

Na minułym tydni Cukierbierh zajaviŭ, što prapanavaŭ pravieści boj u kletcy 26 žniŭnia. U piatnicu ministr kultury Italii zajaviŭ, što razmaŭlaŭ z Maskam ab mahčymaści pravieści matč u krainie ŭ jakaści dabračynnaha mierapryjemstva.

Mask prapanavaŭ pravieści boj u stylistycy Staražytnaha Ryma.

Adnak u niadzielu Cukierbierh napisaŭ na sajcie Threads: «Iłan nie paćvierdziŭ daty, potym zajaviŭ, što jamu patrebnaja apieracyja, a ciapier prosić pravieści zamiest hetaha trenirovačny raŭnd u mianie ŭ dvary».

«Kali Iłan kali-niebudź surjozna zachoča pryznačyć realnuju datu aficyjnaha pajadynku, jon viedaje, jak sa mnoj źviazacca. U advarotnym vypadku para ruchacca dalej. Ja źbirajusia zasiarodzicca na spabornictvach ź ludźmi, jakija surjozna staviacca da hetaha vidu sportu», — dadaŭ Cukierbierh.

Na svajoj płatformie Ch Mask u adkaz nazvaŭ bosa Meta bajaźliŭcam.

Raniej Mask apublikavaŭ u Ch pierapisku, jakaja nibyta adbyłasia pamiž im i Cukierbierham.

U joj jon paviedamlaje Cukierbierhu, što ŭ paniadziełak pryjedzie ŭ Pała-Alta, dzie znachodzicca štab-kvatera Meta, i što boj moža adbycca ŭ «Aktahonie» Cukierbierha — vaśmikutnym rynhu, na jakim pravodziacca bai ŭ kletcy.

«Ja praktyčna nie treniravaŭsia, kali nie ličyć siońniašniaj karotkaj sutyčki ź Leksam Frydmanam [heta infarmatyk i viadučy papularnaha padkasta], — napisaŭ Mask. — Choć ja liču heta małavierahodnym, uličvajučy našu roźnicu ŭ pamierach, mahčyma, ty — sučasny Brus Li i niejkim čynam zdoleješ pieramahčy».

Masku — 52 hady, Cukierbierhu— 39. Niezvyčajnaja (jak minimum) ideja pazmahacca ŭ kletcy ŭźnikła, vidać, u hałavie kiraŭnika Tesla i Twitter u červieni, kali jon apublikavaŭ jaje ŭ sacsietkach.

Bos Meta, jaki ŭžo zajmajecca źmiašanymi adzinaborstvami (MMA) i niadaŭna vyjhraŭ turnir pa džyu-džycu, adkazaŭ prosta: «miesca i čas».

Kamientary3

  • Acab
    14.08.2023
    Pastavić, chiba, z dvaccatku na Maska?
  • Kotya
    14.08.2023
    Chajp nie boleje. Po itohu potom čitajem kak u nich uvieličiłoś sostojanije u oboich
  • Kaŭchoźnik z marsu
    14.08.2023
    Bahatyja durački ŭsio pipis.ami mierajutsia.

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

«Akazvajecca, i na tym baku jość ludzi». Maci Ivana Padreza ŭsio ž nie vysialajuć6

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →