Ekanomika44

Zbory bulby ŭ Biełarusi za čas kiravańnia Łukašenki skaracilisia bolš jak u dva razy

Bulby sadziać usio mienš. Pryčyna tamu — ludzi pierastali trymać śviniej.

Vałovoj sbor kartofiela v Biełarusi 1990-2022 hh. Gross harvest of potatoes in Belarus 1990-2022 Vałavy zbor bulby ŭ Biełarusi 1990-2022

«Tut u BiełTA łanhryd cudoŭny: «Jak Łukašenka zrabiŭ bulbu nacyjanalnym praduktam Biełarusi». Sočym za rukami… U 1994 hodzie kraina źbirała 8,241 tysiačy ton bulby (kałhasy 1,201 tysiačy ton), a ŭ 2022-m — 3,857 tysiačy ton (kałhasy 566 tysiač ton). Technałohii pajšli napierad. Zrabiŭ!» — napisaŭ u fejsbuku Viktar Mališeŭski.

Źvierniemsia da aficyjnaj statystyki.

Jana śviedčyć, što asnoŭnaje padzieńnie vytvorčaści bulby pryjšłosia na pieryjad paśla 2010-ha hoda. Da hetaha hoda pakazčyki vahalisia z hodu ŭ hod vakoł ličby 8 młn ton. A ŭ 2004 hodzie byŭ sabrany rekordny ŭradžaj — 9,9 młn ton. Paźniej nazirajecca rezki spad z 7,8 młn ton u 2010 hodzie da 3,9 młn ton u 2022 hodzie.

Kali ž pahladzieć hłybiej, to možna zaŭvažyć, što kałhasy pa vytvorčaści bulby ŭ 2022 hodzie byli amal na ŭzroŭni 2005 hoda (567 tysiač ton u 2022 hodzie suprać 605,7 tysiačy ton u 2005).

Pry hetym pasiaŭnyja płoščy pad bulbu ŭ kałhasach (paśla nievialikaha ŭzdymu ŭ siaredzinie 1990-ch) pastajanna skaračalisia. U 2000-m jany składali tolki treciuju častku ad płoščaŭ 1990-ha hoda. A za 2015—2022 hady skaracilisia bolš čym udvaja.

Kałhasy admaŭlajucca ad hetaj sielskahaspadarčaj kultury. Naprykład, u Bresckim rajonie ŭ 2021 hodzie bulbu vyroščvali tolki ŭ dźviuch haspadarkach.

Harvesting of potatoes by type of farm 1990-2022 Sbor kartofiela po tipam choziajstv 1990-2022 hh. Zbor bulby pa charaktaru haspadarki 1990-2022

Možna padumać, što vytvorčaść bulby nierentabielnaja. Ale kali b heta było tak, to fiermiery admovilisia b ad jaje vytvorčaści. A što my bačym? Za siem hadoŭ zbor bulby ŭ fiermieraŭ vyras amal u 3,4 razu. U 2022 hodzie jon amal zraŭniaŭsia z pakazčykam kałhasaŭ. A voś pasiaŭnyja płoščy pavialičylisia niaznačna.

Asnoŭnaj pryčynaj padzieńnia vałavoha zboru stali chatnija haspadarki. Ich udzielnaja vaha ŭ 1990—2000-ja hady pieravyšała 85% ad vałavoha zboru bulby ŭ krainie.

Mienavita jany za apošnija try hady skaracili vytvorčaść bulby bolš čym na 40%, a ŭ paraŭnańni z 2015 hodam — u 2,4 razu. Kali da 2000 hoda nasielnictva štohod sadziła bolš bulby, to paśla — usio mienš i mienš. U 2015 hodzie pasadki bulby skłali 44% ad uzroŭniu 2000 hoda, a za siem nastupnych hadoŭ skaracilisia amal udvaja. Śpiecyjalisty tłumačać heta skaračeńniem kolkaści śviniej u pryvatnych haspadarkach. 

Posievnyje płoŝadi pod kartofiel 1990-2022 hh. Sown areas under potatoes 1990-2022 Pasiaŭnyja płoščy pad bulbaj 1990-2022

U toj ža čas nielha nie adznačyć, što ŭ paraŭnańni z 1990-mi adbylisia zaŭvažnyja źmieny va ŭradžajnaści bulby. Kali ŭ 2000-m hodzie jana była na ŭzroŭni 134 centniery z hiektara, to ŭ 2022 — 223 centniery.

Čytajcie jašče:

«Hreć nasieńnie stali jašče ŭ lutym». Jak na Stolinščynie vyroščvajuć rańniuju bulbu

Pad Hrodnam vykapali bulbinu vahoj 800 hramaŭ

Biełaruskija sielekcyjaniery vyvieli bulbu nietradycyjnych koleraŭ

Kamientary4

  • Bulbaš
    15.08.2023
    A jak budzie pry Cychanouskoj? Dzie punkt pra bulbu u jaje prahramie? Čamu nie padniała neta pytańnie na samicie u vilniusi?
  • Ivan
    15.08.2023
    Połučajetsia znamienityj aniekdot vriemion 1990-ch o tom kak diktator łukašienko po tielefonu "pomohajet" pieriebirať kartošku, stał nie aktualnym -- za poślednije 30 let, za vriemia pravlenija diktatora niečieho stało pieriebirať.
  • Kotya
    15.08.2023
    Jabaťki na eto skažut, čto ludi stali pri łukašienko bohačie i im tiepieŕ nie nado horbatiťsia na ohorodach, možno pojti i kupiť v mahazin i vsie błahodaria łukašienko)

Jakimi buduć vybary 2025 hoda? Razvažajuć Viačorka, Łatuška i Šrajbman20

Jakimi buduć vybary 2025 hoda? Razvažajuć Viačorka, Łatuška i Šrajbman

Usie naviny →
Usie naviny

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

Nazvanyja najlepšyja hulcy Jeŭra-2024, małady futbalist i hulec finału

Pamior biełaruski kampazitar Leanid Hucin

Ispanija čaćvierty raz u historyi vyjhrała Jeŭra — i heta rekord VIDEA6

Biznesoŭcu i kiraŭnika respublikanskaha turystyčnaha sajuza asudzili za supracu ź litoŭskimi śpiecsłužbami 3

Jašče adna achviara štormu — dreva zabiła chłopčyka pad Rečycaj

Stała viadoma asoba čałavieka, jakoha zastrelili na mitynhu Trampa1

Jarmošyna raskazała, kaho dapuściać da ŭdziełu ŭ vybarach-202520

Jarmošyna pra Cichanoŭskuju: Prosta pradaŭščyca na fonie Karatkievič u 2015-m46

bolš čytanych navin
bolš łajkanych navin

Jakimi buduć vybary 2025 hoda? Razvažajuć Viačorka, Łatuška i Šrajbman20

Jakimi buduć vybary 2025 hoda? Razvažajuć Viačorka, Łatuška i Šrajbman

Hałoŭnaje
Usie naviny →