U Minsku ŭvodziać adziny prajazny na ŭsie vidy hramadskaha transpartu, uklučajučy mietro. Košt miesiačnaha dakumienta — 51,05 rubla. Rašeńnie Minharvykankama ŭstupić u siłu 16 žniŭnia. Vidać, z hetaj daty novy prajazny pavinien źjavicca ŭ prodažy, piša «Lusterka».
Košt adzinaha prajaznoha vyhadniejšy za ceńnik na ciapierašni anałah na čatyry vidy transpartu — aŭtobus, tramvaj, tralejbus i mietro (bonusam — ekspres-aŭtobus). Taki prajazny ciapier kaštuje 69,86 rubla na miesiac. Košt ža adzinaha prajaznoha na miesiac — 51,05 rubla.
Adziny prajazny na 10 dzion budzie kaštavać 17,93 rubla, na 15 dzion — 26,89 rubla.
Na pačatku žniŭnia namieśnik hiendyrektara «Minsktransa» Viktar Tozik paviedamiŭ datu ŭviadzieńnia adzinaha prajaznoha: «Da 1 vieraśnia płanujecca ŭkaranieńnie adzinaha prajaznoha dakumienta. Siońnia pieralik prajaznych dakumientaŭ naličvaje 180 vidaŭ. Z ukaranieńniem voś hetaha adzinaha prajaznoha ich zastaniecca 26».
6 lipienia pavysili taryfy na prajezd u pasažyrskich ciahnikach, u tym liku na haradskich linijach. Uśled za hetym vyras košt i sumieščanych prajaznych na hramadski transpart — bieskantaktavych smart-kart. Akramia aŭtobusa, tralejbusa, tramvaja i mietro, imi možna skarystacca ŭ ciahnikach haradskich linij.
-
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
-
Ministr zajaviŭ, što biełaruskaja kultura ačyściłasia ad «destruktyŭnych elemientaŭ»
-
Syn nieprymirymaha voraha Kadafi prybyŭ u Biełaruś, kab zaklučyć pahadnieńnie
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»37
Kamientary