Hramadstva1616

«Narmalnyja chłopcy, narmalnyja dzieci nie stralajucca». U čaści ŭ Piečach paćvierdzili suicyd sałdata

Siońnia źjaviłasia infarmacyja, što ŭ vajskovaj čaści ŭ Piečach pad Barysavam skončyŭ žyćcio samahubstvam sałdat terminovaj słužby. Aficyjnaha paviedamleńnia adnosna hetaha pakul nie było, ale žurnalistka «Lusterka» datelefanavałasia ŭ čaść jak zaniepakojenaja svajačka adnaho ź inšych sałdat z terminovaj słužby, jaki tam ciapier, maŭlaŭ, słužyć. Dziažurny infarmacyju pra suicyd joj paćvierdziŭ i paraiŭ «nie panikavać».

Fota ilustracyjnaje

Pamiž žurnalistkaj i dziažurnym čaści adbyŭsia taki dyjałoh:

— A jak časta sa svaim svajakom majecie znosiny, pryjazdžajecie? Pa telefonie jon niešta vam raspaviadaje — i vy adrazu ž u niejkuju paniku, — staŭ spačatku pytacca i supakojvać dziažurny.

— Razumiejecie, nie kožny dzień sałdaty stralajucca, dziakuj bohu. Jak nie panikavać?

— Nu, nie kožny dzień. Usiakaje ŭ žyćci byvaje. Jak vyśvietliłasia, byli parušeńni ŭ čałavieka. Nie zusim zdarovy byŭ. Nu, što ž — heta ž nijak na vašym dziciaci nie adbiłasia. Nie treba tak usio ŭsprymać. U najbližejšyja vychadnyja pryjazdžajcie, pahutarycie z kiraŭnictvam vašaj škoły, kali tak pieražyvajecie, z synam pahavorycie. Usie pracujuć, słužać, usio narmalna.

— Dyk a pravierka niejkaja budzie pravodzicca ŭ vas? Heta ž surjozna, kali z ružžaŭ sałdaty vynosiać patrony.

— Jon ničoha nikudy nie vynosiŭ.

— A što zdaryłasia?

— Ja nie mahu pa telefonie vam skazać, što zdaryłasia. Idzie śledstva.

A vaša dzicia taksama padaje vam adno, nie viedajučy ŭsiaho, i vy na padstavie hetaha robicie niejkija vysnovy. Jon nie viedaje padrabiaznaściaŭ. Skazaŭ, što viedaje, nakolki jon heta razumieje, a vy ŭžo razdźmuli z hetaha surjoznuju prablemu. Vy ž darosłyja, surjoznyja ludzi, pavinny niejak pa-inšamu…

Viedajecie, jak hetyja dzieci — sami prydumajuć, pierabolšać, jašče dadaduć, kab było cikaviej.

— A vy nie ličycie surjoznaj prablemaj, što ŭ vas sałdaty terminovaj słužby ŭ vučebcy stralajucca?

— Vy ž zrazumiejcie, ja nie kažu, prablema heta ci nie prablema — ja naohuł nie pavinien na hetuju temu z vami havaryć.

Ja tak skažu: narmalnyja chłopcy, narmalnyja dzieci nie stralajucca. A na dadzienym etapie vyśviatlajecca, što ŭ chłopčyka, moža, nie zusim z hałavoj było ŭ paradku, nu, heta [suicyd] mahło adbycca i doma, i dzie zaŭhodna. Prosta źbieh abstavin, razumiejecie? I vam pra heta dumać nie treba. Toje, što zdaryłasia, — prablema zusim inšych ludziej.

Vam treba dumać pra svajo dzicia, tamu pryjazdžajcie, pahavorycie ź im, z kamandziram, Daviedajciesia, jak u jaho słužba, jakija ŭ jaho prablemy, ci ŭsio dobra — i ŭsio stanie na svaje miescy, usio [budzie] narmalna.

— A čamu nie było aficyjnych zajaŭ ad Minabarony pra hety vypadak? Kab baćki viedali, što adbyvajecca.

— Jakija mohuć być aficyjnyja viersii, kali idzie rasśledavańnie, śledstva? Ja vam prosta kažu jak jano jość — pa tych faktach było niešta nie ŭ paradku ŭ čałavieka.

— Razumiejecie, na vychadnych pryjedzieš da sałdata, pabudzieš, a potym jon zastajecca tam u vas adzin — i adbyvajucca takija vypadki. Pieražyvaješ, raptam jašče chtości znojdzie niejki patron.

— Nu, kali narmalnaje dzicia, prablem nie było, čaho jano pavinna šukać hetyja patrony?

— Toj zahinuły chłopiec niejak ža trapiŭ u vojska, taksama pravierki prachodziŭ.

— Trapiŭ, niejak trapiŭ… Heta ŭžo pytańnie inšaje, jak jon trapiŭ u vojska, — paśla paŭzy adkazaŭ dziažurny i jašče raz paraiŭ naviedvać svajho svajaka-sałdata ŭ čaści, być na suviazi z kamandziram, jaki «bližej da jaho», i nie pieražyvać.

Kamientary16

  • Dostali eti ...
    09.08.2023
    Tak jeśli on "nienormalnyj", kakoho lada on prošioł miedkomiśsiju i jeho "zahriebli"? Možiet stoit vračiej iz vojenkomovskoj miedkomiśsii vmiestie s samim vojenkomom posadiť let tak 10-15 za doviedienije do samoubijstva?!!
  • mikola
    09.08.2023
    Nado otmieniť / zarana atmenjac.....zarana NATA....budze Nova Belarus-insa sprava !
  • naivnaja baba
    09.08.2023
    V nienormalnych usłovijach normalnyje ludi postupajut nienormalno (s) Viktor Frankł

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł16

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Jak transhiendar abvaliŭ prodažy samaha papularnaha amierykanskaha piva14

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam20

Nie rabicie hetuju pamyłku ŭ zachoŭvańni chleba4

Nazirajecca maštabny zboj elektroniki pa ŭsim śviecie. Aeraporty admianiajuć paloty12

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

Chutka sud nad mužčynam z «terarystyčnaha śpisu». Vierahodna, sprava tyčycca kamientaroŭ, ale jamu pahražaje da 12 hadoŭ

Ihar Słučak napisaŭ rezki kamientar pra ruskamoŭnych biełarusaŭ. Nie vytrymaŭ navat Paźniak114

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł16

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →