Śviet1212

Siejmu treba viarnucca da pytańnia ŭnifikacyi sankcyj suprać biełarusaŭ i rasijan — daradca prezidenta Litvy

Litoŭskamu Siejmu varta viarnucca da pytańnia ŭnifikacyi pryniatych na nacyjanalnym uzroŭni abmiežavalnych mier u dačynieńni da biełarusaŭ i rasijan. Takoje mierkavańnie vykazaŭ u efiry radyjo LRT daradca prezidenta Litvy Daryus Urbonas, piša Delfi.lt.

Budynak litoŭskaha Siejma. Fota: Andrey Rudakov / Bloomberg via Getty Images

Čynoŭnik zrabiŭ hetuju zajavu, kamientujučy infarmacyju Departamienta mihracyi pry MUS pra pavieličeńnie kolkaści biełarusaŭ, jakija žyvuć u Litvie. Pavodle słoŭ čynoŭnika, kali b parłamient pryniaŭ prapanovu prezidenta Hitanasa Naŭsiedy ŭvieści suprać hramadzian Biełarusi i Rasii adnolkavyja sankcyi, «hetaja statystyka vyhladała b inakš».

«Jak my bačym, kolkaść biełarusaŭ u Litvie, jakija atrymali dazvoł na žycharstva na toj ci inšaj padstavie, vyrasła amal da 60 tysiač, — cytuje Urbonasa partał navin Delfi. — Tolki sioleta ich kolkaść pavialičyłasia amal na 10 tysiač.

Možna skazać, što paśla vyrašeńnia hetaha pytańnia i ŭraŭnoŭvańnia tłumačeńnia ŭ dačynieńni da hramadzian Rasii i Biełarusi — u hetym vypadku paśla ŭraŭnoŭvańnia ŭmoŭ ich ujezdu ŭ Litoŭskuju Respubliku — my sapraŭdy zrabili b vialiki krok napierad».

Urbonas taksama zhadaŭ, što ź listapada minułaha hoda bolš za 1,1 tys. hramadzian Biełarusi i Rasii byli pryznanyja pahrozaj nacyjanalnaj biaśpiecy, choć raniej mihracyjnaja słužba «prymała ŭsiaho niekalki takich rašeńniaŭ za hod».

Rašeńnie ab uraŭnoŭvańni sankcyj suprać rasijan i biełarusaŭ znachodzicca ŭ rukach Siejma, a prajavić inicyjatyvu pavinien urad.

«Prezident vykazvaje svaju pazicyju, jon jaje ŭžo vykazaŭ. I praciahvaje vykazvać. My vielmi spadziajomsia, što heta budzie ŭziata pad uvahu», — skazaŭ Daryus Urbonas.

Uviesnu Siejm Litvy pryniaŭ pakiet nacyjanalnych sankcyj, jakija pieravažna dla rasijskich hramadzian zrabili bolš strohim paradak ujezdu i znachodžańnia na terytoryi krainy, a taksama abmiežavali pravy. U vyniku ažyŭlenych dyskusij biełarusy paźbiehli bolšaści abmiežavalnych zachadaŭ.

Hitanas Naŭsieda nakłaŭ na zakon vieta, damahajučysia adnolkavych abmiežavańniaŭ dla hramadzian Biełarusi i Rasii, ale parłamient adchiliŭ jaho prapanovy.

Zhodna z novym zakonam, z 2 maja 2023-ha da 3 maja 2024 hoda dla hramadzian Biełarusi i Rasii abmiežavali atrymańnie litoŭskich viz, elektronnaha statusu rezidenta, a taksama ŭvoz imi ŭkrainskich hryŭniaŭ.

Dla rasijan uskładnili mahčymaść nabyćcia nieruchomaj majomaści ŭ Litvie i spynili pryjom zajaŭ na atrymańnie dazvołaŭ na žycharstva.

Kamientary12

  • łučšie pozdno, čiem.......
    07.08.2023
    Nu, kakbe, schiematozik siemiejnyj davno pora prikryť. Dotianuli do toho i tohda, kohda hłava siemji, s biełorusskoj storony, načał zasyłať drh vahnierov v Polšu i Litvu, tolko tohda šievieliťsia načali.
  • Honta
    07.08.2023
    *, nakont vahnieraŭcaŭ treba biełarusam turbavacca, a nie letuvisam, jany čalcy NATA, i takimi zakonami jany sprabujuć abmiežavać ujezd mihrantaŭ z RB. A ŭ vas dahetul pazicyja “a moža tak i treba” - vam zavieźli tysiačy vahnieraŭcaŭ - a vam choć by što…
  • Žvir
    07.08.2023
    Im karcić dabić bielarusaū. Režym spieradu, lietuvisy ū śpinu.

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ12

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ

Usie naviny →
Usie naviny

Padazravany ŭ padryvie aŭtamabila z rasijskim HRUšnikam paśpieŭ vylecieć z Maskvy ŭ Turcyju2

«Rasija łže nakont ekanamičnaha rostu. Sankcyi pracujuć, ich treba ŭzmacnić» — ministry finansaŭ ES19

Hałoŭnaja zorka zbornaj Ukrainy pierachodzić u ispanski top-kłub

Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady4

Rasijskija aktyvisty paskardzilisia patryjarchu Kiryłu na Vienijamina — jon nie molicca za pieramohu6

Hałoŭnakamandujučy USU raskazaŭ pra pieravahu Rasii ŭ technicy i akreśliŭ, što rabić ukraincam3

Łukašenka paprasiŭ nie nazyvać jaho haspadzinam16

Hałoŭnakamandučy USU: Va Ukrainy jość płan viartańnia Kryma, i heta realistyčna4

Surjozna? Alimpijcy buduć płavać u Sienie? Nasamreč, afihienny prajekt adradžeńnia raki8

bolš čytanych navin
bolš łajkanych navin

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ12

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ

Hałoŭnaje
Usie naviny →