Sport11

Unikalnaje dasiahnieńnie. Upieršyniu kłub z Farerskich astravoŭ zhulaje ŭ hrupavym turniry jeŭrakubkaŭ

«Kłakśvik» prabiŭsia ŭ treci kvalifikacyjny raŭnd Lihi čempijonaŭ. A sistema ciapier takaja, što kłub navat kali i prajhraje ŭ nastupnym raŭndzie, to budzie jak minimum hulać u hrupavym raŭndzie Lihi kanfierencyj.

Kłub «Kłakśvik» byŭ zasnavany ŭ 1904 hodzie i maje 20 čempijonskich tytułaŭ. Bolš maje tolki «CHB Tarschaŭn» — 24. U sioletnim čempijanacie «Kłakśvik» upeŭniena idzie na pieršym miescy, majučy 16 pieramoh u 16-ci matčach. Fota: instahram kamandy

«Kłakśvik» učora ŭ sieryi pienalci abyhraŭ čempijona Šviecyi kłub «Chekien» u matčy ŭ adkaz druhoha kvalifikacyjnaha raŭnda. Sustreča prajšła ŭ Hioteborhu.

Paśla asnoŭnaha i dadatkovaha času matča byŭ zafiksavany lik 3:3, a ŭ sieryi pienalci farercy pieramahli — 4:3. Pieršaja sustreča, jakaja prajšła na Farerach, zaviaršyłasia ź likam 0:0.

Nastupnym supiernikam «Kłakśvika» budzie narviežski «Mołde». Kali farercy prajhrajuć, jany adpraviacca ŭ płej-of kvalifikacyi Lihi Jeŭropy. Kali i tam prajhrajuć, to harantavana vystupiać u hrupavym raŭndzie Lihi kanfierencyj.

U pieršym raŭndzie «Kłakśvik» vybiŭ ź Lihi čempijonaŭ vienhierski «Fierencvaraš», pryčym u Budapiešcie pieramoh 3:0. Paśla hetaj parazy «Fierencvaraš» adpraviŭ u adstaŭku rasijskaha treniera Stanisłava Čarčesava.

U siezonie—2020/21 «Kłakśvik» sastupiŭ u raŭndzie płej-of kvalifikacyi Lihi Jeŭropy irłandskamu «Dandałku» i zaviaršyŭ vystupleńni ŭ jeŭrakubkach, a Liha kanfierencyj pravodzicca ź siezona—2021/22.

Što praŭda, ciapier vychad u hrupavy turnir jeŭrakubkaŭ dla karlikaŭ nie takaja ŭžo i navina.

U siezonie 2021—2022 u hrupavym turniry Lihi kanfierencyj hulaŭ hibrałtarski «Linkaln», u minułym hodzie — lichtenštejnski «Vaduc».

A voś biełaruski kłub apošni raz hulaŭ u hrupavym turniry jeŭrakubkaŭ u siezonie 2018—2019.

BATE ŭ hrupie z «Čełsi», vienhierskim «MOŁ Vidzi» i hreckim PAOKam zaniaŭ 2-je miesca ŭ hrupie Lihi Jeŭropy i vyjšaŭ u płej-of, dzie prajhraŭ łondanskamu «Arsienału», pryčym u Barysavie była pieramoha 1:0.

Zatym čatyry hady biełaruskija kłuby nie prabivalisia ŭ hrupavy turnir.

Ciapier šancy maje toj ža BATE. U trecim raŭndzie Lihi Jeŭropy barysaŭski kłub zhulaje z małdaŭskim «Šeryfam». U vypadku pieramohi BATE harantuje sabie jak minimum miesca ŭ hrupavym raŭndzie Lihi kanfierencyj, u vypadku parazy budzie hulać u płej-of kvalifikacyi Lihi kanfierencyj. Heta značyć, što budzie jašče adzin šaniec.

Vyjšaŭ u treci raŭnd kvalifikacyi Lihi kanfierencyj i hrodzienski «Nioman».

Kamientary1

  • Marho
    03.08.2023
    Pierš padumała: "Niaŭžo tam znajšłosia ludziej na cełuju kamandu", ale ŭbačyła fota i zrazumieła, što znajšli chłopca na staranie

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ6

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ

Usie naviny →
Usie naviny

Ukraina śpiašajecca stvaryć vajennyja bieśpiłotniki sa štučnym intelektam1

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam7

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie3

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

bolš čytanych navin
bolš łajkanych navin

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ6

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ

Hałoŭnaje
Usie naviny →