Aŭto66

Mašyna jak vino. Čamu ŭ Biełarusi rastuć ceny na aŭtamabili rodam z nulavych

Nabyć 20-hadovy aŭtamabil, prajeździć na im dva hady i pradać na 20% daražej. Zvyčajnaja praktyka dla našaj krainy, choć pa łohicy ceny na aŭtamabili z hadami pavinny padać, a nie raści.

Daražejuć aŭtamabili amal va ŭsich cenavych siehmientach

Ciaham apošnich dvuch-troch hadoŭ ceny na aŭtamabili padraśli nie tolki ŭ Biełarusi. Siarod asnoŭnych pryčyn — pandemija COVID-19, niedachop paŭpravadnikoŭ, a paźniej i vysoki ŭzrovień suśvietnaj inflacyi.

Što tyčycca Biełarusi, to da ahulnych suśvietnych čyńnikaŭ, jakija choć i nie vielmi mocna, ale paŭpłyvali na ceny na aŭto ŭ našaj krainie, dadalisia kudy bolš značnyja rehijanalnyja.

Praz sankcyi i adychod z Rasii suśvietnych aŭtavytvorcaŭ u Biełarusi i Rasii chutka pačaŭ naziracca deficyt novych aŭto, jaki vyklikaŭ značny rost cen.

Z patrymanymi aŭto, jakija viazuć da nas ź Jeŭropy i ZŠA, taksama nie ŭsio prosta, bo praz sankcyi ŭ transpartnaj i finansavaj halinie mocna ŭzraśli vydatki na dastaŭku i apłatu mašyn.

«Ciapier staŭki na dastaŭku aŭto ź Jeŭropy ci ZŠA pryblizna ŭ dva razy vyšejšyja ŭ paraŭnańni ź letam 2021 hoda», — kaža pieravozčyk. 

Pa jahonych słovach, na piku ceny za dastaŭku lehkavoha aŭto z Hiermanii da Minska dachodzili da 1800—2000 jeŭra.

«Naprykład, jašče da zakryćcia Bruzhoŭ, letam 2021 hoda, ź Bielhii ci Hałandyi da Hrodna abo Bresta my dastaŭlali mašyny pa 650 jeŭra za štuku. Ciapier mienš čym za 1200 naŭrad ci niechta pajedzie ŭ hetyja krainy», — kaža surazmoŭca.

Staŭki na dastaŭku aŭto z Kłajpiedy, kudy prychodziać aŭtamabili sa Štataŭ, taksama padraśli. 

«Doŭhi čas standartnaja staŭka była 350—400 dalaraŭ za aŭto z Kłajpiedy da Minska. Na piku dachodziła da 800—1000, ale ciapier pajšoŭ spad da 600», — dzielicca mužčyna. 

Prablemy z apłataj

Aproč uzrosłych cen na dastaŭku, surazmoŭca nazyvaje prablemu z raźlikami, jakija taksama pryvodziać da dadatkovych vydatkaŭ.

«Kali pašancuje i bank jeŭrapiejskaha pradaŭca prymie płaciež ź Biełarusi, to vydatki vyrastajuć nie tak mocna. Pryblizna z 40 da 200 dalaraŭ. Alfa-Bank raniej braŭ za płaciež 120 rubloŭ, a ciapier — 600», — pryvodzić prykład biznesmien.

Ale, pa słovach surazmoŭcy, čaściakom byvaje tak, što dla taho, kab nabyć mašynu, treba pravieści jaje praź firmu-prakładku, bo mnohija pradaŭcy ŭ ES nie hatovyja pradavać na ekspart u Biełaruś. Tady cana aŭtamabila ŭzrastaje jašče minimum na 500—700 jeŭra.

«Nabyć aŭtamabili sa Štataŭ i raźličycca za ich taksama niaprosta. Banki biaruć šalonyja kamisii za pieravody ŭ ZŠA, plus prymušajuć nabyvać dalary ŭ ich. Možna raźličycca za aŭto najaŭnymi ŭ Minsku, ale za heta pasiaredniki biaruć 4,5% ad koštu aŭto», — tłumačyć biznesmien.

Jak bačym, čyńnikaŭ, jakija ŭpłyvajuć na košt tolki pryviezienych aŭto, chapaje. Z novymi taksama zastajecca prablema deficytu. Mašyny, jakija jość u dyleraŭ, ciapier kaštujuć značna daražej, čym heta było da vajny.

Ale samaje hałoŭnaje — pamienšaŭ vybar, asabliva ŭ biudžetnym siehmiencie. Raniej novy «biudžetnik» možna było nabyć pa cenach ad 10 tysiač dalaraŭ, zaraz na heta spatrebicca nie mienš za 14 tysiač.

Pa łancužku daražejuć i patrymanyja aŭto, jakija ŭžo hadami i navat dziesiacihodździami jeździać pa Biełarusi.

Pa słovach surazmoŭcy ź liku pierakupaŭ, samyja zapatrabavanyja aŭto ŭ cenavym siehmiencie da 7—8 tysiač dalaraŭ.

«Lepš za ŭsio pradajucca mašyny pa canie kala 5 tysiač dalaraŭ — heta samyja «narodnyja» aŭtamabili, na jakija jość stabilny popyt niezaležna ad pary hoda. Bolš tannyja za 2—3 tysiačy taksama dobra iduć, ale z takimi składana pracavać, bo tam amal niemahčyma nabyć niešta ŭ bolš-mienš hodnym stanie», — pryznajecca pierakupščyk.

Što tyčycca cen, to, pa nazirańniach surazmoŭcy, za apošnija 1,5—2 hady «narodnyja» aŭtamabili padaraželi pryblizna na 20—30% u zaležnaści ad madeli.

«Resursnyja madeli zaŭždy byli ŭ canie, ale ciapier taki čas, što navat niekali nie vielmi papularnyja mašyny pradajucca chutka i pa cenach vyšejšych za siarednija. Hałoŭnaje, kab mašyna była «žyvaja».

Ciapier całkam narmalnaja situacyja, kali paśla 2—3 hadoŭ ekspłuatacyi čałaviek pradaje svoj «korč» na paru socień ci navat na tysiaču daražej, čym jon jaho kuplaŭ», — kaža mužčyna.

Siarod niadaŭnich prykładaŭ surazmoŭca zhadvaje Renault Clio, jaki dva hady tamu było składana pradać za 2500 dalaraŭ, a ciapier takija ž madeli ŭ dobrym stanie pradajucca za 3000—3500.

Pierakupščyk adznačaje, što praz rost cen na ŭzrostavyja aŭto na biełaruskim rynku stała źjaŭlacca šmat aŭto va ŭzroście 10+, jakija viazuć na prodaž ź Jeŭropy.

Raniej, kali niechta i pryhaniaŭ ź Jeŭropy nieprachadnuju mašynu (heta aŭto, jakomu bolš za piać hadoŭ. — «NN»), to heta, chutčej, byli adzinki, bo vyhada kali i była, to nievialikaja. Ale ciapier situacyja źmianiłasia, i ŭ Biełaruś pačali pryhaniać šmat takich aŭto.

Surazmoŭca tłumačyć heta tym, što ŭ zachodnich krainach aŭto, starejšyja za 10 hadoŭ, kaštujuć tanna.

«U Biełarusi apošnija hady mašyny tolki daražejuć. Praz heta patok takich aŭto ź Jeŭropy staŭ davoli prykmietny. Heta vyhadna, navat niahledziačy na toje, što pałovu finalnaj cany aŭtamabila składajuć mytnyja płaciažy i inšyja vydatki», — kaža jon.

Ci varta čakać padzieńnia cen?

Abodva surazmoŭcy sychodziacca ŭ mierkavańni, što čakać padzieńnia cen na aŭtamabili nie varta. Asabliva kali havorka idzie pra «narodnyja» varyjanty.

«Samymi zapatrabavanymi zastajucca «resursnyja» aŭtamabili, jakija možna tanna absłuhoŭvać, niešta zrabić samomu ŭ haražy ci la padjezda. Praz heta my bačym, što tyja ž Audi ci Volkswagen kanca 90-ch i pačatku 2000-ch znoŭ pačali daražeć, bo popyt vialiki, a 20-hadovych mašych u hodnym stanie zastajecca ŭsio mienš», — kaža pierakupščyk.

Čytajcie taksama: 

Padpisany ŭkaz ab mižnarodnym aŭtastrachavańni. Što źmianiłasia? 

Ci zhnili Geely? Kolki kaštujuć i jak vyhladajuć patrymanyja biełaruska-kitajskija aŭto 

Kamientary6

  • Tupoj Dima
    03.08.2023
    Vparił svoju Audi bočku 1992 za 9000 amierikanskich turistov
  • Akt osmotra
    03.08.2023
    Počiemu? Obyknovienno. Elemienty chajteka v konstrukcii siehodniašnieho avtosa, priedstavlajut oŝutimyj hiemor nie to, čto pri riemontie i zamienie iznosivšichsia dietalej i uzłov, no i pri proviedienii TO. Plus jesť jeŝie niemało donorov v haražach i razborkach.
  • jeŝie tupieje tupieje
    03.08.2023
    "Nabyć 20-hadovy aŭtamabil, prajeździć na im dva hady i pradać na 20% daražej. Zvyčajnaja praktyka dla"

    dla našieho druha Dizajniera )

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?7

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Usie naviny →
Usie naviny

Siońnia ŭkrainskija zienitčyki źbili čarhovy rasijski Su-253

Załužny: Adzinym vychadam u vajnie moža stać pavieličeńnie kolkaści čałaviečych resursaŭ2

Dva hady ŭ łahiery ŭciekačoŭ. Volha Nikałajčyk narešcie atrymała prytułak u Bielhii15

«Lusterka» prakamientavała situacyju ź videa rodnych kaleh partała2

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET24

Zabaronu ruchavikoŭ unutranaha zharańnia ŭ ES nazvali niezakonnaj2

Z čaćviarha na stadyjonie «Dynama» znoŭ pačnuć pakazvać kino pad adkrytym niebam

Siłaviki cisnuć na baćkoŭ viadoŭcaŭ tyktok-kanała «Lusterka»21

U Biełarusi pradajuć Mercedes-Benz W124 za 12 000 dalaraŭ. Čamu 32-hadovaje aŭto takoje darahoje?3

bolš čytanych navin
bolš łajkanych navin

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?7

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Hałoŭnaje
Usie naviny →