Śviet11

Siońnia prykmiet pravakacyj vahnieraŭcaŭ suprać Litvy niama, ale jość spakusa ich zładzić — Naŭsieda

Prezident Litvy Hitanas Naŭsieda zajaviŭ, što na hety momant infarmacyi ab mahčymych pravakacyjach z boku dysłakavanych u Biełarusi najmitaŭ PVK «Vahnier» na miažy ź Litvoj niama. Adnak, pavodle słoŭ kiraŭnika litoŭskaj dziaržavy, kraina hatovaja da lubych incydentaŭ, piša Delfi.lt.

Fota: Ministerstva abarony Biełarusi

«Siońnia takich prykmiet niama, ale prysutnaść hrupy «Vahnier» u niepasrednaj blizkaści aznačaje, što hetyja pravakacyi mohuć być arhanizavanyja jak suprać Polščy, tak i suprać Litvy i Łatvii», — skazaŭ žurnalistam Hitanas Naŭsieda.

«Tamu my budziem sačyć za ich dziejańniami, my ŭzmacnili svaje vyviedvalnyja mahčymaści, pryśviečanyja hetaj prablemie, budziem sačyć za situacyjaj i budziem hatovyja reahavać u vypadku nieabchodnaści», — padkreśliŭ jon.

U toj ža čas Naŭsieda adznačyŭ, što pahroza pravakacyj dla Litvy praz prysutnaść «Vahniera» ŭ Biełarusi surjoznaja.

«Zanadta vialikaja spakusa, znachodziačysia tut, la našaj miažy, nie vykarystać svaju prysutnaść dla roznych pravakacyj», — zaŭvažyŭ jon.

Hitanas Naŭsieda nie staŭ davać acenku paviedamleńniam polskich palitykaŭ ab mahčymych namierach najmitaŭ «Vahniera» arhanizavać jakija-niebudź pravakacyi na litoŭska-polskaj miažy. Adnak pry hetym zapeŭniŭ, što armija ŭ vypadku nieabchodnaści hatovaja adreahavać na lubyja dziejańni, inicyjavanyja na miažy:

«Ja nie biarusia aceńvać rytoryku polskaj ułady i dziejańni instytutaŭ. Mnie važna, što našy dziejańni ŭžo daŭno ŭzhodnienyja, jašče paśla 2014 hoda. Paśla abviaščeńnia ab dysłakacyi hrupy «Vahnier» u Biełarusi my raspačali dadatkovyja kroki, zaćvierdzili novy płan prykryćcia miažy».

Pierad tym, 29 lipienia, premjer-ministr Polščy Matevuš Maraviecki padčas pres-kanfierencyi zajaviŭ, što ŭ Polščy jość infarmacyja pra toje, što bolš za 100 najmitaŭ hrupy «Vahnier» rušyli ŭ bok Suvałkskaha kalidora kala Hrodna. Tamu, jak zajaviŭ Maraviecki, situacyja stanovicca ŭsio bolš niebiaśpiečnaj.

Kamientary1

  • Pietia
    31.07.2023
    [Red. vydalena]

Čamu rasijskija drony stali čaściej zalatać u Biełaruś?3

Čamu rasijskija drony stali čaściej zalatać u Biełaruś?

Usie naviny →
Usie naviny

Zamach na Donalda Trampa płanavaŭ Iran — CNN9

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami28

Minskaje «Dynama» na apošnich chvilinach prabiłasia ŭ druhi raŭnd kvalifikacyi Lihi čempijonaŭ VIDEA1

Rasijski šachied vybuchnuŭ za 55 km ad Babrujska22

Pasłableńni dla biełaruskich turystaŭ uvodzić Tajłand

Ź biełarusam tydzień niama suviazi paśla taho, jak jon pierasiok miažu z Polščaj1

88-hadovy apalny eks-kiraŭnik «Pinskdreva» Arynič žyvie ŭ Biełastoku ŭ zdymnaj kvatery za košt svajakoŭ2

bolš čytanych navin
bolš łajkanych navin

Čamu rasijskija drony stali čaściej zalatać u Biełaruś?3

Čamu rasijskija drony stali čaściej zalatać u Biełaruś?

Hałoŭnaje
Usie naviny →