Hramadstva44

«Prystojnyja, advažnyja, šlachietnyja». Chto z zamiežnikaŭ zaklikaŭ dałučycca da biełaruskaha marafonu salidarnaści

Anłajn-marafon u dapamohu palitviaźniam «Nam nie ŭsio adno!» padtrymali niekatoryja zamiežnyja dypłamaty, navukoŭcy, dziejačy kultury.

Marafon padtrymała amierykanska-brytanskaja žurnalistka i piśmieńnica En Elizabiet Epłbaŭm. Jana naradziłasia ŭ Vašynhtonie, ale jaje prodki emihravali ŭ ZŠA ź Biełarusi. Napisała knihu «Pamiž Uschodam i Zachadam», u jakoj apisvała mihracyjny šlach svajoj siamji.

Za svaju knihu pra historyju HUŁAHa «Gulag: A History» Epłbaŭm atrymała Pulitceraŭskuju premiju.

Dopis En Elizabiet Epłbaŭm. Skryn jaje staronki ŭ tvitary

«Siońnia biełaruskaja demakratyčnaja hramadzianskaja supolnaść abjadnałasia ŭ marafonie pa zbory srodkaŭ dla tych, chto znachodzicca za kratami. Vy taksama možacie dapamahčy. Prajavicie salidarnaść», — napisała žurnalistka pra biełaruski marafon salidarnaści.

Rasijski repier Noize MC, jaki paśla paŭnamaštabnaj vajny Rasii suprać Ukrainy pakinuŭ radzimu, taksama praanansavaŭ biełaruski marafon salidarnaści.

Anons rasijskaha muzyki Noize MC biełaruskaha marafonu salidarnaści. Skryn storyz u instahram

Repost zrabiŭ i rasijski muzyka Maks Pakroŭski z hurta «Nohu śvieło!».

Anons marafonu ŭ rasijskaha muzyki Maksa Pakroŭskaha. Skryn storyz u instahram

Anons marafonu ŭ tradycyjnym viečarovym strymie zrabili juryst Mark Fiejhin i ŭkrainski palityk Alaksiej Arastovič.

«Žyvie Biełaruś», — skazaŭ Arastovič i pakazaŭ znak viktary.

Skryn efiru kanała «Fiejhin LIVE»

Dackaja žurnalistka i daśledčyca aktyŭnaści ŭ vyhnańni Katryn Steŭnchoj adznačyła, što ŭ Biełarusi z kožnym dniom pavialičvajecca kolkaść palitviaźniaŭ, i padzialiłasia spasyłkaj na zbor.

«Žyvie Biełaruś», — dadała jana.

Dopis Katryn Steŭnchoj. Skryn jaje staronki z tvitara

Amierykanski kinarežysior, scenaryst i pradziusar Erni Barbaraš (Ernie Barbarash) taksama praanansavaŭ biełaruski marafon salidarnaści:

«U hetuju subotu, 29 lipienia, šmatlikimi niezaležnymi žurnalisckimi płatformami pravodzicca dzionny marafon salidarnaści dla zboru srodkaŭ dla palitviaźniaŭ i ich siemjaŭ. Kali łaska, hladzicie i achviarujcie».

Anons marafonu salidarnaści kinarežysiora Erni Barbaraša. Skryn jaho staronki z tvitara 

Erni Barbaraš naradziŭsia ŭ Adesie, ale ŭ dziacinstvie siamja emihravała ŭ Kanadu. Najbolš jon viadomy bajevikami. U filmach «Hulni kileraŭ» i «6 kul» zdymaŭsia Žan-Kłod Van Dam.

Polski dypłamat Artur Michalski padzialiŭsia ŭ tvitary:

«Nam nie ŭsio adno!» Prystojnyja, advažnyja, šlachietnyja… ciapier viaźni. Pamiataj pra ich, ich žonak i mužoŭ! Padumaj pra ich i ich baćkoŭ! Dapamažy im i ich dzieciam. Tvaja salidarnaść daść im siły, tvaja dapamoha — nadzieju. Budź salidarny — heta krok da pieramohi».

Dopis Artura Michalskaha. Skryn jaho staronki z tvitara 

Časovaja pavieranaja Litvy ŭ spravach Biełarusi Asta Andryjaŭskienie (Asta Andrijauskienė) napisała:

«Biełaruś, nam nie ŭsio adno! Siońnia niezaležnyja biełaruskija ŚMI, hramadskija arhanizacyi i inicyjatyvy abjadnalisia ŭ 12-hadzinnym ahulnabiełaruskim internet-marafonie salidarnaści «Nam nie usio adno!», kab sabrać srodki dla biełaruskich palitviaźniaŭ i ich siemjaŭ».

Dopis pra biełaruski marafon salidarnaści litoŭskaj dypłamatki Asta Andryjaŭskienie. Skryn jaje staronki z tvitara

Pravaabaronca, palitołah i kiraŭnik litoŭskaha ofisa Freedom House Vicis Jurkonis adznačyŭ: 

«Baraćba ŭ Biełarusi praciahvajecca. Nichto nie kazaŭ, što budzie lohka. Bolš upeŭnienaści ŭ svajoj spravie. Supieražyvańnie i salidarnaść adno z adnym. Nieabchodny supraciŭ i baraćba ź biespakaranaściu. Mižnarodnaja salidarnaść jość, tolki praciahvajcie zmahacca za svabodu!» 

Kamientar litoŭskaha pravaabaroncy Vicisa Jurkonisa pra marafon salidarnaści. Skryn jaho staronki z tvitara

Inicyjatyvu padtrymała historyk Uschodniaj Jeŭropy ź Instytuta sučasnaj historyi ŭ Miunchienie Julija Van Soł.

Dopis historyka Julii van Soł pra marafon salidarnaści. Skryn jaje staronki z tvitara

Anłajn-marafon «Nam nie ŭsio adno!» pravodzili biełaruskija niezaležnyja miedyja i pravaabarončyja inicyjatyvy, kab sabrać hrošy dla palitviaźniaŭ i ich siemjaŭ. Za 12 hadzinaŭ na marafonie było sabrana 355 tysiač jeŭra.

Ale zbor jašče nie zakryty. Achviaravać hrošy možna pa spasyłcy salidarnasc.com da 23:59 hadzin 30 lipienia.

Kamientary4

  • Maks
    30.07.2023
    Maks Pokrovskij tožie podieliłsia
  • Łamanty
    30.07.2023
    I Kac v svojom pośledniem vidieo
  • Cim
    30.07.2023
    Fukujama ŭ ciŭtary repostnuŭ Radniankova

Jakimi buduć vybary 2025 hoda? Razvažajuć Viačorka, Łatuška i Šrajbman8

Jakimi buduć vybary 2025 hoda? Razvažajuć Viačorka, Łatuška i Šrajbman

Usie naviny →
Usie naviny

Biznesoŭcu i kiraŭnika respublikanskaha turystyčnaha sajuza asudzili za supracu ź litoŭskimi śpiecsłužbami 3

Jašče adna achviara štormu — dreva zabiła chłopčyka pad Rečycaj

Stała viadoma asoba čałavieka, jakoha zastrelili na mitynhu Trampa1

Jarmošyna raskazała, kaho dapuściać da ŭdziełu ŭ vybarach-202519

Jarmošyna pra Cichanoŭskuju: Prosta pradaŭščyca na fonie Karatkievič u 2015-m46

Što źmianiaje zamach na Trampa?4

Viadučaja ANT Iryna Rambalskaja pakazała svaje harsety na tydni mody ŭ Paryžy9

U mašynie chłopca, što stralaŭ u Trampa, znajšli vybuchoŭku7

Apakalipsis u Mazyry. Štorm nakryŭ Homielščynu8

bolš čytanych navin
bolš łajkanych navin

Jakimi buduć vybary 2025 hoda? Razvažajuć Viačorka, Łatuška i Šrajbman8

Jakimi buduć vybary 2025 hoda? Razvažajuć Viačorka, Łatuška i Šrajbman

Hałoŭnaje
Usie naviny →