Vydańnie «Utrieńnij Juh» paviedamiła pra zatrymańnie kubanskaha ekaaktyvista Siarhieja Salnikava. Raniej žychar stanicy Pałtaŭskaj u Krasnadarskim krai razam ź inšymi miascovymi aktyvistami prasiŭ dapamohi ŭ Alaksandra Łukašenki ŭ «śmietnikavaj» sprečcy ź miascovymi ŭładami.
Pra zatrymańnie žurnalistam raskazaŭ sam Salnikaŭ. Jak akazałasia, 26 lipienia jaho spynili supracoŭniki HIBDD (rasijski anałah biełaruskaj DAI), a paśla hetaha jaho adpravili ŭ adździeł unutranych spraŭ. Vyśvietliłasia, što na aktyvista skłali aryjenciroŭku, pa jakoj apaznali jaho mašynu.
Mužčynu abvinavacili ŭ zakliku da niesankcyjanavanaha mitynhu i aštrafavali na 15 tysiač rasijskich rubloŭ (kala 500 biełaruskich). Padstavaj stała jaho publikacyja ŭ telehram-kanale «Połtavskaja protiv svałki», dzie aktyvist zaklikaŭ susiedziaŭ «nie chavacca i nie maŭčać». Rašeńnie suda jon płanuje abskardzić.
Salnikaŭ — adzin z žycharoŭ Pałtaŭskaj, jakija źviarnulisia da Alaksandra Łukašenki ŭ apublikavanym 18 lipienia videa.
«Ryhoryč, darahi naš! My ŭsie bačyli, jak ty spyniŭ «Marš spraviadlivaści», jaki išoŭ na Maskvu. Zaraz žychary stanicy Pałtaŭskaj hatovyja pajści takim ža maršam. Niemahčyma tut žyć: nas prosta zabivajuć, ekałahičny hienacyd», — kazaŭ tady Salnikaŭ.
«Takomu staŭleńniu tut, u Rasii, my možam tolki zajzdrościć». Pieciarburhskija aktyvisty spadziajucca, što Łukašenka dapamoža im vyratavać stary budynak
«Heta adna z samych svabodnych terytoryj i adna z samych spraviadlivych». Śpiavak Siaroha raskazaŭ, čamu viarnuŭsia ŭ Biełaruś
Juryj Antonaŭ na «Słavianskim bazary» pažadaŭ zdaroŭja Łukašenku, ale padviało jano jaho samoha
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary