Narviežskija aleni pajeli rasijskaha lišajniku amal na piać miljonaŭ dalaraŭ. Rasija ŭžo padała pazoŭ
U śniežni 2022 hoda supracoŭniki rasijskaj častki nacparku «Paśvik-Inary» vyjavili 40 paŭnočnych aleniaŭ, jakija pryjšli z Narviehii. Žyvioły pierajšli praź miažu pamiž dziaržavami, kab pajeści lišajniku-jahielu, jakoha ŭ Rasii značna bolš, čym u susiednich krainach. Aleni žyli na terytoryi Murmanskaj vobłaści kala dvuch miesiacaŭ, pakul u studzieni hetaha hoda ich nie viarnuli ŭ Narviehiju.
Rasijski bok acaniŭ znachodžańnie žyvioł na svajoj terytoryi ŭ 4,7 młn dalaraŭ i padaŭ pazoŭ ab kampiensacyi. Ministerstva sielskaj haspadarki i charčavańnia Narviehii pakul nie adkazała na hetaje patrabavańnie.
«Paśvik-Inary» — heta transhraničny nacpark, raźmieščany na terytoryi Rasii, Narviehii i Finlandyi. Jašče ŭ 1977 hodzie ŭrady SSSR i Karaleŭstva Narviehija zaklučyli pahadnieńnie ab uzajemnym viartańni aleniaŭ, jakija pierachodziać dziaržaŭnuju miažu. Vośmy artykuł dakumienta praduhledžvaje kampiensacyju materyjalnaj škody za źniščeńnie jahielnaj pašy na terytoryi Rasii.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?9
Kamientary
Heta mohuć być:
akcyjaniery machlarski nacyjanalizavanaha Rasiejaj Jukasa
svajaki achviaraŭ źbićcia rasiejcami nad Danbasam u 2014 Boinhu
jeŭrapiejskija pakupniki rasiejskaha hazu, jakim hazpram pa zahadu z Kramlu nie pradaŭ haz
čarha budzie raści
V kommientarijach postojanno podvizajetsia jeŝio odin. Choť i na norviežca nie pochož, no sudia po kommientarijam riehularno upotrieblajet hriby ili mchi i lišajniki, čto až potom v hołovie zaboristyj "dizajn".